بایاتی

آل کمری بئل باغلا
ساچلارینی تئل باغلا
نَه یادا سیرّینی وئـــر
نَه نامرده بئل باغـــلا
*
یامان گون کئچه ر گئده ر
عـؤمرومو بیچه ر گئــده ر
دونـیـــــــادا غـم شـربـتـین
هـر گـلـن ایـچـه ر گـئـده ر
*
من عاشـیق دالداسـینا
مرد ایگید دالداسیــنا
نامرد آصلان اولسادا
سیخیلما دالـداسینـــا
*
عزیــزیم وطن یاخـشی
کؤینگی کتان یاخشی
غربت یئر جنّت اولــسا
یئنــه ده وطن یاخشی
*
عاشیقم، وطن آغلار
منه هر یئتن آغــلار
غریبلیکده ئوله نـین
حالینـا کفن آغلار

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz