روزنامه کثیرالانتشار سراسری صبح ایران
به دو زبان ترکی و فارسی
۱۳۹۹/۱۱/۰۲
سؤزی سؤزدن آلان وار
زولفون اوزه سالان وار
گئدیرسن تئز قاییـت گل
گــؤزی یولدا قالان وار
*
داغلار باشی قویون دیر
آی قیز بو نه اویــون دیر
سنه موشتولوق وئــــریم
آچیلان آی تویون دیــر
*
دردیوی دئ بیله نه
ایش باشینا گلنه
سیرّیوی دئمه کؤنلوم
هر اوزیوه گوله نه
*
اوزه رلیک سن هواسان
هر بیر درده دواسان
درد قاپیدان گلنده
سن باجادان قوواسان
*
قاشلارین قیبله گاهدی
قیبله دئسه م گوناهدی
داغلارا دومان چؤکسه
اوداغ من چکن آهدی
*
عاشیق سؤزون گیزله در
سؤزون دوزون گیزله در
سن چمنه چیخاندا
لاله اؤزون گیزله در
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید