روزنامه کثیرالانتشار سراسری صبح ایران
به دو زبان ترکی و فارسی
۱۳۹۹/۱۰/۲۸
ننــن اولا بیــلمــمی
باجــین اولا بیــلممی
بالا ننه ن یوخـدو دای
گویلون آلا بیلمـمی ؟
***
باغیــندا اوزوم قالدی
درمـه دیم اوزوم قالدی
سنـــی سفره یولادیم
گلمه دین گؤزوم قالدی
***
گؤیده اولدوز مرد اوینار
بارماقلاری دوردو اوینار
اوغـــلو اؤلــن آنانین
اورگیــــنده درد اوینار
***
مارالــین دیـــزی قانلی
توپوغــــو دیزی قــانلی
قورخورام دوشــم اؤلم
ائـل توتا ســـیزی قانلی
***
نازیک بالیش باش آلتدا
آلا گــؤزلر قــاش آلتدا
ایـسته دیـــم دورام گلم
قـولوم قالدی داش آلتدا
من آشیق قازان آغلار
اود یانار قازان آغلار
غریب یئرده اؤلنین
قبرینی قازان آغلار
*
اؤرگیمده یارا وار
اوسته خال خال قارا وار
آچیب باغریم گؤره لر
یانمامیش دای هارا وار
*
آلچالار آی آلچالار
یاپراقلاری آل چالار
ایسته یینه چاتماسان
دوشمان سنه ال چالار
*
عزیزیم آدامی وار
گؤزلرین بادامی وار
هردن گل قاپیمدان گئچ!
دئسینلر آدامی وار
*
داغلارا دولو دوشر
قار یاغار دولو دوشر
قبریمی یول اوسته قاز
دوست گلر یولو دوشر
*
منی چالان آریدی
قانادلاری ساریدی
هئچ کسده گوناه یوخدی
گوناهکار پس تاریدی
*
گئده رم اولکه سیندن
قورخارام یول کسندن
قوللارین سال بوینوما
ایریلدیم بلکه سندن
*
بیلسئیدیم آغلامازدیم
گولردیم آغلامازدیم
بیلسئیدیم وفان بودور
سنه بیل باغلامازدیم
*
قوشوم اوچدو ککلیک کن
قاناد ووردی لئیلک کن
منیم کی بئله گلدی
چرخی دونموش فلک کن
*
فلکی دیندیرئیدیم
دیندیریب گولدورئیدیم
منه قلم چالاندا
قلمین سیدیرئیدیم
*
آغلارام اؤز گونومه
گولرم اؤز گونومه
فلک الیمه دوشسه
سالارام اؤز گونومه
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید