روزنامه کثیرالانتشار سراسری صبح ایران
به دو زبان ترکی و فارسی
۱۳۹۹/۱۰/۲۹
عزیزیم بــویو بـسته
آدین قلبیمین اوسته
اگـر قوناق گله سن
آیاقین گؤزوم اوسته
***
عزیزیم هئچ دانیشما
هر بیر سؤزه قاریشما
پیس عملین قولوندان
اؤمـور بـویو یاپیشما
***
عزیزیم گول اکه رم
سنسیز لیگی چکه رم
هارداسان سا تئز قاییت
هیجرانیندان پکه رم
***
عزیزیم یاز هــاواسی
گـؤزللیک باش بالاسی
اؤرکدن هئچ پوزولماز
آجـی دیلـین یاراسـی
***
عـزیـزیم چـیراق یانار
قـارانلیـق ایـشیقلانـار
پـاخـیللاریـن اؤرگی
هـر بیر سؤزله اودلانار
***
عـزیزیم سویوق هاوا
دردیمه سن اول داوا
آیریلیـقدان دانـیشما
قـلبیـمه اولـماز راوا
***
عـزیزیـم گولور یادا
او آتـلی مـن پیـادا
وفـاسـیزا چاره یوخ
دوشسون او یانار اودا
***
عـزیزیم عاشیقـم من
داغـدا شقاییقـم من
گؤنده ر بیزه ائلچینی
اگـر سـه لایقم من
***
عزیزیم خومار خومار
غـم لرینه گؤز یـومار
مـنیم آغلار گؤزلریم
سندن بیر باخیش اومار
***
عـزیزیم گئدیر هـارا
یول توتوبدی داغلارا
دیـلی آجی اولانـین
دیلینده چیخسین یارا
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید