روزنامه کثیرالانتشار سراسری صبح ایران
به دو زبان ترکی و فارسی

۱۳۹۸/۰۳/۰۱
روزنامه ساقی آذربایجان
تبلیغات
آمار بازدید
  • 0
  • 83
  • 884
  • 1,046,328
بایاتی

دامـدان دامـا دامــیمـیز
قــــوْشادیر ائیوانــیــمیز
سن اوْردان گل، من بوردان
کــوُر اوْلسون دوشمانـیمیز
* * *
چـای قـــیراغی بیـچیلمز
ســویـو درین گـئچیـلمز
بیر جاندان ، بیرده یاردان
شیرینلیــکدن گئــچیلمز
* * *
گلیـردیم یـاواش یـاواش
آیـاغیــما دَیـــدی داش
سنــدن مــنه یـار اوْلـماز
گـل اوْلاق باجـی قارداش
* * *
سـو دریـن‌دی گـئچـیلمز
بــولانـلیقدی ایــچیــلمز
دئــییرله یاریـندان گــئچ
یــار شــیریندی گئچـیلمز
* * *
عــزیــزیم بــولاریـمیش
ایـــچمه‌لی سـولاریـمیش
عــزرائــیلین آدی پــیس
جـان آلان یـوْللاریــمیش
* * *
باشیـندا گـوموش سـانجاق
گئدیـردی بـیر یار آنـجاق
دئدیـم بـو اوجـا بوْی یـار
گــؤره‌ن مـنیـم اوْلاجـاق
* * *
قیزیل اوزوک دار بارماق
سؤزلرین بال، دیل قایماق
سئـوگی‌لـرین حـاققی‌دیر
کـؤنول تـاپـشیریب آلماق
* * *
قــالادان انـدیم آنـجـاق
بـاشـیمدان ساری سانجاق
نـه قـیز اوْلدوم، نه گـلین!
اوْدلارا یــانـدیم آنـجاق
* * *
قیزیل اوزوک دار بارماق
اؤیــره‌نیــرم تـار چالماق
مــنیم نه واخــتیم ایـدی
بــوْشانــیب ائوده قالـماق

*

آلمالار بوداق بوداق

یاراندیق بیز، غم اوتاق

نئیله‌میشدیم، کؤسموسن؟

نه ائیله‌ییم باریشاق

*

من یاری گؤردوم بایاق

الینده ساری داراق

قاچدیم توتا بیلمه‌دیم

سیناسان بئله آیاق

*

توت آغاجی پیتـیراق

چادیر چالاق اوْتوراق

بیرین سن دئه، بیرین من

قوْی بو غمدن قورتولاق

*

آبی پاچین، گوی داراق

یاریمی گؤردوم بایاق

قاچدیم چاتا بیلمه‌دیم

سینایدی بئله آیاق

*

سو داغدان ملر گلیر

داشلاری د‌لر گلیر

ائلدن آیری دوشه‌نین

باشینا نه‌لر گلیر؟

*

پنجره‌دن داش گلیر

خومار گؤزدن یاش گلیر

سنی منه وئرسه‌لر

آللاها دا خوْش گلیر

*

کهر آت نالی نئـیلیر

آغ بوخاق خالی نئـیلیر

یاری گؤیچک اوْلان‌لار

دونـیادا مالی نئـیلیر

*

داغلار آلاهی نئـیلیر؟

بؤرکو کولاهی نئـیلیر؟

سن اوْردا یان من بوردا

گؤر‌ک ایلاهی نئـیلیر؟

*

های سالیرام اوْیانمیر

دردی غمه بوْیانمیر

عشق اوْدونا دوشموشوک

من یانـیرام اوْیانمیر

*

آراز آراز خان آراز

سولطان آراز خان آراز

گؤروم سنی یاناسان

بیر دردیمی قان آراز

*

داغلاردا قارا باخماز

چیچه‌یه، بارا باخماز

سنی گؤرن گؤزلریم

آیری بیر یارا باخماز

*

درد الیندن جان دورماز

یارام چوْخدور قان دورماز

منی بئله یاندیردین

اوْد دا ائله یاندیرماز

*

سونبول یاغیش‌سیز آچماز

آی گون ایلن قاریشماز

فلک آغلادان کیمه

دئـییب گولمک یاراشماز

*

نه‌دن‌دیر گئده‌ر قالماز

آخار سو گئد‌ر قالماز

وفالی‌یا جان قوربان

وفاسیز گئد‌ر قالماز

*

بوردا دورنا کؤچ سالماز

آلما گؤندرسم آلماز

غم یـئمه دلی کؤنلوم

زمانه بئله قالماز

*

بو داغدان آشماق اوْلماز

نارینجی باشماق اوْلماز

بیر قورو سؤز اوستونده

یارلا ساواشماق اوْلماز

*

بو داغدا ایلان اوْلماز

دردیمی بیلن اوْلماز

دردیمی بیلن اوْلسا

چاراسین قـیلان اوْلماز

*

باخچانـین اوستو اوْلماز

اوْجاق‌سیز توستو اوْلماز

دوْستدان دوشمان تاپیلار

دوشمانـین دوْستو اوْلماز

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز