روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۹/۲۰
روزنامه ساقی آذربایجان
بایرام شاعیرلرین سؤزونده

دونیانین بیر چوخ ادبیاتیندا اولدوغو کیمی ؛ ائله جه ده آذربایجان ادبیاتیندا دا بایرام سوزونه اوزل بیر یئر آچیلمیش و شاعیرلریمیزین بیر چوخو بایرام حاقدا شعرلر قوشموش و یا شعرلرینده یئری گلدیکده بایراما ایشاره لری اولموشدور . آشاغیدا تقدیم ائده جه یمیز بیت لر اونلارین بلکه ده مین دن بیری حسابلانا بیلر
شیروانلی عماد الدین سید علی نسیمی:
باهار اولدو گل ای بولبول تماشا قیل بو گولزاره
بوراخدی غنچه لر پرده بشارت وئردی بو زاره
شقایق پرده دن چیخدی بویاندی باغ ایله بوستان
ایریشدی گولشنین حوسنو بویاندی رنگ ازهاره
قاسیم بیگ ذاکر:
بایرام گونودور ذوق و صفاخانه لر ایچره
جانانیم اوتورموش نئچه جانانه لر ایــچره
شبسترلی میرزه علی معجز:
بایـــــــرام گونو دوشــــــــــــابی توکــــــنده پیاله یه
قورخوم بودور کی شیربینینجی اوشاقلار یارالی یه
میر مهدی سید زاده:
بیر قوش اوچدو بیزیم باغا
سحر – سحر اوخوماغـــا
قوندو یاشیل بیر بوداغــــا
دئدی گوزل بایرام گلــــیر
استاد سید محمد حسین شهریار :
بایرام ایدی گئجه قوشو اوخـــــوردو
آداخلی قیز به ی جورابین توخـوردو
هر کس شالین بیر باجادان سوخوردو
آی نه گوزل قایدا دی شال سالــــلاما
به ی شالینا بایراملیغین باغلامـــــاق
آذربایجاندا اوخونان بیر ماهنی دان :
گل عیش ائده ک بیر سورمه چک گوزه بایرام گونلری
آغ اوزونو گول یاناغی به زیر بایرام گونــــــــــــــلری
شـــــهلا گوزون ؛ گونش اوزون ؛ شرمنده قیلیر ماهی
گـــــــــــــل قدح له بیر نوش ائدک تزه بایرام گونلری
رحمتلی کوندورولو عاشیق قشم جعفری :
سیاه تئللر چولقانیبدیر شالا بایرام گونلـــــــــری
عاشیق اولان مجنون کیمی ایسته دیگین آختارار
قیزلار توکر هوروکلرین دالا بایرام گونلــــری
باخ گوزل لر گئیینیب لر آلا بایرام گونلــــــری
رحمتلی مجید یالقیز :
… چون یاخشیلیغا آدین چیخیب دیر
چک پیسدن اوزون کناره بایـــــرام
طبعین بو طبیعتین دیشــــــــــــــدین
قیش دونـــــدو گوزل باهاره بایرام
ائتــــــــــدین گئجه گونـدوزو برابر
احسنـــــــــــــــت بو اقتداره بایرام
بیر گوزده گوروبدو قویمادین فرق
لیل ایله بو گون نهاره بایــــــــرام
رحمتلی سردریلی محمد افتخاری:
ایســته سن شاد ائده سن میللتی بایرام گئجه سی
یوخسولون قویما گئده حورمتی بایرام گئجه سی
ایسته سن ثروتیوی خرج ائده سن یاخشی یئــره
یول یاخین دیر اوزاغا گئتمه نه داغ وار نه دره
یوخسولون خرجینی چکمک له قیزین سن وئر اره
چـــــــــوخ اوزاتما آرادا صحبتی بایرام گئجه سی
رحمتلی اوستاد حمید سخا مهر:
… بایرامین صحبتی اولدوقجا اوشاقلار سئوینیر
سانکی عاشیق ائوینه سئوگیلی جانان گلیــــری
ایندی دن منده سیزه بایرامی تبریک ائدیـــره م
گورورم پنجره دن شاد و خورامان گلیــــــری
رحمتلی اوستاد عباس بارز:
یوزلر ایل دیشیله یوز بایرام گله
احساسیم بوغماسا اولمه ره م حله
سالیر مین فیرتانا قورور مین تله
بیزی آللاتماغا نوروز بایــــرامی
اوستاد حاج موسی هریسی نژاد :
بایران دی اصل آدی سوران اولسا کنــــهونی
قازلام شاه عصری صادر اولوب بو آدا جاواز
حاج علی عطائیه ( نجار اوغلو ) :
یوخسول اوز حقینه چاتسا اونا بایرام اولاجاق
زحمت ایله قازانان پوللاری جیبده قالاجــــاق
توتاجاق بایرامی چرشنبه ده چیلتیک چالاجاق
نجار اوغلو گوره جک اولکه ده بایرام اولورو
دئییری شنلیک ایله یوخسولا بایرام گلیــــری
بایاتلی محمد فضولی :
انتـــــــظار مئی گلرنک ایله بایــــــــــرام آیینا
باخا – باخا ائنه جک دیر گوزوموزه قاره سو
بیر ماهنی دان :
بایرام گلیر ائلیمه ائلیمیــــزه
نغمه دوشور دیلیمه دیلیمیـزه
کونول گولور ائلیم گولور . گولور گوزل دیاریم
چالیر تارین چالیر سازین . گولور ائللر گـــولور
ناظیم حکمت :
“مــــــــــــن کی پرومته دن آلیب آتشی
نینوانین ظولوم سارای لارینا سالمیشیم
و اولئمپوس قارتاللارینین پنجه سینــده
قانایان اورگیمی
بیر نوروز باهاریندا سئودالارا سارمیـشیم
اللرینده بانا باهارلار گتیـــــــر
جویل- جویل بیر گؤروش گونونده اولسون
بیر مکتوب گؤندر بانا باهار دادینــــــــــدا
بایقین بایقین اولکم قوخوسون”
توپلایان : آقای همراز

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز