روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۱/۱۸
روزنامه ساقی آذربایجان
تبلیغات
آمار بازدید
  • 0
  • 32
  • 409
  • 1,257,682
بایرام

نوروز بایرامی اؤزونه مخصوص خصوصیت‌لری ایله فرقلنیر. بو بایرام خالقیمیزین تاریخی کؤکو ایله باغلی اولدوغوندان عادت-عنعنه‌لرله زنگیندیر. نوروزون سوفره‌سی ده فرقلی‌دیر. بئله کی ایستر سوفره‌ده، چرشنبه‌لرده، ایسترسه ده نوروز آخشامیندا ملی خؤرکلریمیز اولما‌لی‌دیر. مختلف شیرنیاتلار، کیشمیش، پوسته، بادام بویانمیش یومورتا‌لار سوفره‌لریمیزی بزه¬ییر. بو بایرامدا کیمسه‌سیزلره، احتیاجی اولانلارا یاشلی انسانلارا باش چکمک، اونلارا بایرام پایی وئرمک ثواب حساب ائدیلیر.عصرلرین یاشیدی اولان نوروز بایرامی عادت-عنعنه‌لرله زنگیندیر. بو عادت-عنعنه‌لری خالقیمیز اونوتمور و هر ایل قئید ائدیر. آغ ساققاللاریمیز، ننه-بابا‌لاریمیز اؤز بیلدیکلرینی دانیشدیقجا یئنی-یئنی معلوماتلار الده ائدیریک. نوروز یا دوغرو تعبیرله دئسه ک اوغوز، ائللریمیزین طرفیندن ان اهمیتلی و اؤنملی بایرام ساییلیر و بو بایرامین یازین گلیشی ایله باشلاماسی و یازدا طبیعتین نفس آلدیغی فصیل اولدوغونا گؤره و بونلارلا برابر یوردوموزدا انسانلارین چوخونون اکین بیچین ایشلری ایله مشغول اولدوقلارینا گؤره اهمیتی داهادا آرتیر و یوکسک درجه یه چاتیر.نوروزا نئچه هفته قالان، یوردوموزدا قادینلار و قیزلار قوللارین چیرمالاییب ائو-ائشیکلرینی تمیزله ییب و بو بایرامدا قوناقلاریندان استقبال ائتمگه حاضرلانیرلار.ایلین سون چرشنبه سینده، گلین و نشانلی قیزلارا بایرام پایی دئنیلن و مختلف یئمک و گئییملردن و …. عبارت اولان هدیه لر آپارارلار. ها بئله ایلین سونونجو جمعه آخشامیندا خالقیمیز قبرستانلارا اوز توتوب و حق دونیاسینا کؤچنلرین زیارتینه گئدیب فاتحه و دعالار اوخوماقلا، وفات ائتمیشلره رحمت و ابدی یوردلاریندا باغیش ایسترلر. بو عنعنه یه اؤلولر بایرامی و یا عرفه دئیه رلر. عرفه شهرلریمیزده و کندلریمیزده ، مختلف گونلرده قئید اولونور و هرکندین و یا شهرینده اؤزونه مخصوص عنعنه و دبی واردی. آما بونلارا باخمایاراق، عمومیتده بیردیلر و آیرینتیلاردا آیریلیرلار.بعضی قدیم اینانجلارا گؤره کاینات دؤرد عنصردن – سو اود، تورپاق و کولکدن یارانیب. بونا اویغون اولا‌راق دا نوروز بایرامی عرفه‌سینده دؤرد چرشنبه قئید اولونور. بیرینجی چرشنبه سو چرشنبه‌سی آدلاندیریلیر. یعنی باهارا دوغرو چایلارین آزاجیق بوز باغلایان یئرلری اریییب چایلارا تؤکولور. تورپاق یاواش-یاواش ایسلانماغا باشلاییر.ایکینجی‌سی اود چرشنبه‌سی آدلانیر. اونا گؤره کی، باهارا دوغرو گونش یاواش-یاواش تورپاغی قیزدیریر، ایسیندیریر، اونو اکین اوچون حاضرلاییر. اود چرشنبه‌سینده تونقاللار قالانیر. هر عائله عضوونون آدینا بیر دنه شام یاندیریلیر، خونچا‌لار حاضرلانیر.اوچونجوسو یئل چرشنبه‌سی‌دیر. بعضی بؤلگه‌لریمیزده بو چرشنبه چوخ عزیز توتولور. یعنی یئل آرتیق آزاجیق اویانمیش تورپاغی، یازا حسرت گوللری ترپه‌دیر، تومورجوقلانان آغاجلاری یئلله‌دیر.آخیرینجی‌سی تورپاق چرشنبه‌سی‌دیر. تورپاغی آنا طبیعت سو ایله ایسلاتدی، گونشله ایسیتدی و اونو اکینه حاضرلادی. اونا گؤره ده ایلک یاز اکینینی خیشلا-کوتانلا محض تورپاق چرشنبه‌سی گونونده باشلاییرلار. قادینلار بو عرفه لرده بوغدا ایسلا‌دیرلار و اونو یازین گلیشینه بیر سیمگه و سیمبول حسابلاییرلار.سون چرشنبه ده آغ ساققاللار و آغ بیرچکلرین ائولرینه گئدیب و اونلارلا اولوب، دئییب گولوب و خوش اوقات کئچیررلر. ها بئله بو گونده کئچمیشلر قدیم ائولرده اولان باجالاردان شال ساللاییب چرشنبه پایی ایسترمیشلر. بؤیوک و داهی شاعریمیز شهریار نه گؤزل بو گونو خاطرلاییر:
باکی چینین سؤزو،سووی کاغیذی
اینکلرین بولاماسی، آغــــــــــوزو
چــــــرشنبه نین گیردکانی، مویزی
قیزلار دئیه ر : ((آتیل ماتیل چرشنبه
آیـــنا تکین بختیم آچیل چرشنبه))
و یا:
بایرام ایدی گئجه قوشو اوخــــوردو
آداقلی قیز بگ جورابین توخـــوردو
هرکس شالین بیر باجادان سوخوردو
آخ نه گؤزل قایدادی شال سـاللاماق
بگ شالینا بایراملیغین باغلاماق
و یا:
بایرام اولوب قیزیل پالچیق ازرلر
ناققیش ووروب اوتاقلاری بزرلر
تاقچالاردا دوزمــــه لری دوزرلر
قیز-گلینین فیندیقـجاسی حناسی
هوســــــــله نر آناسی قایناناسی
ایندی لیکده ائولرده باجا اولمادیغینا گؤره داملاری بیر-بیرلرینه آردیجیل اولان یئرلرده پنجره اؤنونه و اودا اولمایاندا قاپیلاری چالاراق و اوندان سونرا قاچیب گیزلنرک چرشنبه پایی و یا دقیق افاده ایله دئسه ک بیللی بیللی پایی ایسترلر.بو گونده آخشام اوستلری ده کوچه لرده و ائولرده اود یاندیراراق، شنلیک ائدرلر:
آتیل باتیل چرشـــنبه
بختیم آچیل چرشنبه
یئری گلمیشکن اسکی لردن بوگونه دوام تاپان و تاریخین سوزگجلریندن سوزوب گلن بایرامی هامی نیزا مبارک اولسون دئیه رک خوش گونلر و آیدین گله جکلر سیزلره آرزیلاییرام و اوستاد شهریارین حیدربابا منظومه سیندن بیر آیری نمونه گتیره رک، یازیما سون قویورام.
بایرام یئلی چارداقلاری ییخـــــــاندا
نوروز گولو قار چیچگی چیــــخاندا
آغ بـــــولودلار کؤینکلرین سیخاندا
بیزدنده بیر یاد ائلیـــــه ن ساغ اولسون
دردلریمیز قوی دیکلسین داغ اولسون
فریده سلیمانی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز