« بوداغ » آغاجین تانییاق

بعضی کیچیک آغاجلار پرچین اوچون یاخشی اولورلار و بوداغ دادا بئله بیر خاصیت واردیر. اؤز تکلیگینده ائنله نمه سی جالیبدیر. یازدا باغلارین اولدوزودور. و چوخلو گول سالخیملاریله دؤربرین عطیرله ندیریر.
گوللری آچیق صورتی یا آغ رنگده دیر.
چوخلو همیشه یاشیل و بعضاً خزان ائدندیرلر. چوخونون عطیری خوشا گلیم و سئومه لی دیر.
بو بیتگی اوچ مئتیره دک بوی آتار و بئش تا اون ایل چکیر کی بوتونجه یئکه لسین. بونلارین چوخو اوچ یاشیندا گوله دولورلار.
بو بیتگی دن گاهدان باغلاردا و مئشه لرده پرچین کیمی فایدالانیرلار و چوخلودا یاشیل فضالاردا باغچا ایچلرینده و چمن ایچلرینده تک یا اوچ دؤردو بیر یئرده یا نواری حالتده طرح لرده ایشه گلیر.
ایلیق و سه رین هاوادا یاخشی بیتیر. آمما چوخ ایستی یئرلر اوچون اویغون دئییل . چوخ بوز باغلایان یئرلرده کی سازاقدان موشگول یازانیر ، دالدادا اکه رلر.
گره کدیر بو بیتگی یه گونون یاریسی قده ری گونش نورو دوشسون. سویوق اؤلکه لرده گوندوز بویوندا بوتون گونش گؤرمه گه نیازی واردیر.
او نوع بوداغ لار کی یئکه گول وئریرلر گره کدیر بیر نحویله یئل دن آماندا قالسینلار.
بو بیتگی نین تورپاغی گره کدیر کئشه لن تورپاق اولسون و اکیلمه میشدن نئچه ایللر قاباقدان گوجلنمیش و کود گؤرموش ، گیرگلی تورپاقلاردان اولسون. چوروموش پئهئن و مالچ بو تورپاق اوچون فایدادیر و یای دا بوداغین کؤتوگون سه رین و شئهلی ساخلایار.
بو بیتگی نین چوخالتماق یولو:
بوداغلارین چوخ نوعلاری پیل وورماق ایله اولور. یوموشاق پیللر دن چوخالسا ، یاییزین سونوندان پاییزین اولینه دک پیل وورماق واختی دیر.
آمما بَرک پیللر دن چوخالسا، آغاج قیشدا یوخلایاندا باشلایارلار.
او نوعلار کی گئج کؤتوکله نه رلر شاخه نی یاتیرتماقیله چوخالار.
– بو بیتگینی ایستی واختلاردا دوزگون و منظّم سووارین!
– یازدا گولدن دوشندن سونرا بوتونجه کود یا سوموک اونو تورپاغینا آرتیرین!
– بو بیتگی نین چوخ نوعلاری موشگولسوزدور . آمما « تینوس » گونه سی ایستی اؤلکه لرده کنه و تریپس دوتار کی سمّ ایله آرادان آپارماق اولار.
– بو بیتگی نین چوخ نوعلاری یازدا گوله دولار.
– بوداغ ، گولدن دوشندن سونرا یونگول داللاماق ایسته ییر. تا اؤلوشگه میش گوللر آیریلسین.
– کیپ بوداقلاری دا داللاماقلا فورما سالماق لازیم گؤرونور.
قایناق: اینترنت /
جامع ترین ژورنال گل و گیاه ایران
چئویره ن: الف. عظیمی

دیدگاه بگذارید

avatar
  Subscribe  
باخبر شدن از