بودا گئچیب گئده جکدیر

گئچن روزگارلاردا بیر ایسته کلی و انصافلی سردار واریمیش .
او بیلیجی لره و بؤیوکلره حؤرمت ائدره میش و سؤزلریندن فایدالانار میش .
گؤنلرین بیر گونو بیر عارف آداما دئدی:
منه بیر جومله سؤز بویور کی سئویننده و کده ر له ننده اونو یادیما سالیب اؤزومه توختاخلیق وئریم.
عارف ایکی تیکه کاغاذ گؤتوردو اونلاری یازیب بوکدو دئدی:
بونو ساغ جیبیوا قوی و بونودا سول جیبیوا قوی !
ناراحتلیگین اولاندا سولداکین اوخو ، سئویننده ده ساغ دا کین اوخو!
بیر زاماندان سونرا، سردار، دؤیوشلرین بیرینده ، اینجاردان دوشوب سیندی ، سونرا قوشونا باخیب ده ریندن آه چکدی. اوندا عارفین سؤزو یادینا دوشدو کاغاذی آچیب اوخودو گؤردو یازیبدیر:
« بو دا گئچیب گئده جکدیر ».
کاغاذی اوخودوقدا روحو دیریلدی و یاواشیدی.
سونرا قوشونون یغیشدیریب جوره سالدی، دال دان دوشمانا یوگوردو ، بو دؤنه پیروز اولدو.
چوخ سئوینجه ک ، عارفین سؤزو یادینا دوشدو ، قارراقلاناراق او بیری کاغاذی آچدی گؤردو یازیبدیر:
« بو دا گئچیب گئده جکدیر ».
چئویره ن: الف.عظیمی بیلوردی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz