بورجو وار !

ساچلارین یئل کیمی گؤیلــره اسیر
بیر گونش گؤزومدن یاغیشی کسیر
سئوگییه بیر دلی یامان تله سیـــــــر
باهارین پاییزا، خزان بورجــــو وار !
***
چیخیر اوره ییمدن اؤزگه نیـــن دردی
یولوما هر باخیش سئوگینی ســــــردی
گؤزومدن سئودیکجه یاغیش اله’ر دی
یاغیشین اوزومه دومان بورجــــو وار !
***
چیخارتدیم اه-ینیمدن غم لیباسیــــن
بیریسی سیلیردی کؤنلومون پاسیــــن
باشیندا دورموشام سونسوز احساسین
شاعیرین سئوگییه، یامان بورجو وار !
***
کلــــــــمه لر اوجوزدور، شئعیرلر باها
حســـــرتین دؤنوبدور یولچودان شاها
اوره ییم بیلیرم چیخــــــــــماز صاباحا
گوندوزون گئجه یه، آمان بورجو وار !
***
کؤلگه’م دن قورخورام، بنزیر اؤزومه
باشیندان دؤنمــــه ین، آجی سؤزومه
الیمده اولمایان سونســــــوز دؤزومه
اؤلونجه تانرینین زامــان بورجو وار !
رحیم خانی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz