بو باغ کیمیندیـر؟

بیر گون امام حسن مجتبی (ع) حضرتلری مدینه شهری نین باغلاری نین بیرینده قدم ووروردو ، گؤزو بیر قارا اوزلو غُلاما دوشدو کی الیندهچؤره ک واریدیر ، بیر تیکه اؤزو یئییردی ، بیر تیکه یانینداکی ایته وئریردی ، آنجاق چؤره ک قورتولدو.
حضرت بئله بیر صحنه نی گؤره رک غلاما بویوردو :
نییه چؤره گی ایته وئردین ، اؤزون اوچون ساخلامادین؟
غلام ، حضرته بویوردو:
چون گؤزلریم ایتین یارواریجی گؤزلرینه ساتاشیب اوتاندیداها من حیا ائله دیم و ایسته مه دیم من یییه م اوآج قالسین.
امام حسن(ع) بویوردو: سنین اربابین کیمدیر؟
دئدی: منیم مولام « ابان بن عثمان » دیر .
حضرت سوروشدو: بو باغ کیمیندیر؟
غلام دئدی: بو باغ مولا و اربابیمین باغی دیر.
اوندان سونرا حضرت اظهار قیلدی: سنی تانری یه آند وئریرم کی یئریندن دورما تا من قاییدیم.
سونرا حضرت یئریدی و غلامین اربابی نین یانینا گئتدی و بیر آز دانیشاندان سونرا باغی غلامی ایچینده آلدی و سونرا غلامین یانینا قاییتدی و اونا بویوردو:
ای غلام! من سنی اربابیندان آلدیم. سونرا غلام آیاغا قالخیب احترامیله دایاندی.
سونرا ، حضرت سؤزلری نین آردیندا بئله بویوردو: بو باغی دا آلدیم، ایندی سنی تانری یولوندا آزاد ائله دیم و بو باغی سنه باغیشلادیم.
قایناق: بحارالانوار، چاپ جدید ج ۴۱ص۱۳۶٫ داستانها و پندها – جلد پنجم نوشته: محمد محمدی اشتهاردی
چئویره ن:
الف . عظیمی بیلوردی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz