اوندا کی امام حسن عسگری (ع)حضرتلری زنداندا ایدی ، سامرا شهرینده / لیک دوشدو و یاغیش یاغمادی.
اوزامانین خلیفه سی ( معتمد ) دستور وئردی هامی استسقاء نامازی اوچون ( یاغیش ایستَمه گه ) چؤله گئتسینلر. آداملار اوچ گون دال با دالا نامازا گئتدیلر آمما یاغیشدان خبر اولمادی.
دؤردونجو گونو مسیحی اسقف لرین بؤیوگو « جاثلیق »، نصرانی لر و یول گئدنلریله بیرگه چؤله گئتدیلر، اونلارین ایچینده بیر « راهب » واریدی او اَلین دوعایه قالخیزجاق، بَتردن یاغیش یاغدی.
موسلمانلارین چوخو بو ایشی گؤرجک تعجّب ائدیب، اویوخدولار و مسیحیّت دینینه یؤنه لمه گه گؤیول وئردیلر.
بو قضیّه ، خلیفه یه پیس گلدی ناچار دستور وئردی امام (ع) حضرتلرین دربارا گتیردیلر . خلیفه حضرته دئدی: جدّی وین اُمّتی نین دادینا یئت کی یولدان چیخدیلار!
امام بویوردو: صاباح چؤله گئده رم و شَکّ شوبهه لری ، تانری گوجونه آداملارین اوره گیندن چیخاردارام.
او گونو « جاثلیق » راهب لریله بیرگه یاغیش ایسته مک اوچون ائشیگه چیخدیلار و امام حسن عسگری (ع) حضرتلری ده او گونو موسلمانلاریله بیرگه چؤله ساری یولا دوشدولر.
ائله کی گؤردو راهب دوعایه اَل آتدی ، قوللوقچولاری نین بیرینه امر ائتدی کی اونون ساغ اَلین دوتوب و بارماقلاری نینآراسیندا کی بیر شئییی چیخارتسین. امامین امرینه اطاعت ائتدی و اونون ایکی بارماغی نین آراسیندانقارالمیش بیر سوموک ائشیگه چیخارتدی.
امام سوموگو گؤتوروب بویوردو: ایندی یاغیش ایسته!
راهب، یئنی دن دوعایه ال قاوزادی و هرنه چالیشدی یاغیش یاغمـــادی آنجاق گؤیده کی آزجا قالان بولوتلاردا ایتدی باتدی و گؤی دورولدو!
خلیفه سوروشدو: بو سوموگ نه دیر؟!
امام بویوردو: بو پیغمبرلرین بیری نین سوموگودور کی بو کیشی قبیردن گؤتوروبدور. هر واخت پیغمبرلرین سوموگو ظهور ائتسه گؤی بَتردن یاغار.
قایناق: بحارالانوار:ج۵۰،ص۲۷۰
چئویره ن: الف. عظیمی بیلوردی