روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۸/۲۷
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 1,186
  • بازدید دیروز: 1,580
  • کل بازدید ها: 874,968
بو شهره قان دوشه‌جک… (ایلقار موذن‌زاده‌نین کیتابینا بیر باخیش)

شــــعرلرینی
اؤنــــجـــه‌دن
چئشیدلی درگی‌لر
سایت‌لار و مجازی
آلانلاردا اوخـــویوب
تانیـــدیغیمیز ایلـــقار
مؤذن‌زاده‌نین ایلک کیتابی
سون گونـــــلرده «آنامین
یایلیغی یاییم ائوی» طرفیندن
۸۸ صفحه ده یاییملاندی:
«اوره‌یینه دؤنوشسوز بیلیط».
شعرلرینده کلاسیـــک مودئرن
دئمه‌دن بیر چـــــوخ قالیب‌لرده
اؤزونو سیناخدان کئچیرن شاعیرین شعرلرینی بو قیسا یازیدا تنقید ائتمه نیتینده اولمادیغیمی‌ وورغولاماقلا برابر، ماراغیمی‌چکن باشلیجا اؤزللیک‌لری و تمل عونصورلاری ایله ایلگیلی باخیش‌لاریمی‌اورتادا قویماقلا کفایتله‌نه‌جه‌ییمی‌سؤیله‌مه‌ییم گره‌کیر بوردا.
هر شئیدن چوخ سئوگی شاعیری اولدوغو سطیر- سطیر شعرلریندن دوشونولن ایلقار موذن‌زاده‌نین شعر ائلئمان‌لاری و هونر ساحه‌سینین وئردییی ایمکانلاریندان راحاتلیقلا فایدالانماسی، بونلاری اثرلریندن اورتایا چیخان واقعیت‌لره اویغون شکیلده دییشیب اوخوجوسونا سونماسی‌دیر منیم اوچون ماراق دوغوران قونو.
اونون شعرلرینده بیر بوداق الینده کی بئش بارماقلا پاییزی ساناییر؛ سحر- سحر باغا گیرمیش
بیر بالتا ایکی شاهید آختاریر؛
تانیش بیر سلام بیردن بیره دیکسینتییه چئوریلیر؛ اؤلولر ترحیم بیلدیریش‌لرینین دیلی ایله دانیشیر؛ بیر اووچو جئیران نعشی‌نین اوستونده یاسین اوخویارکن گونش چایدا سوزور؛ سوروجو اؤلولرین روحونو داشیییر و واقعیت همشه دونوق و سرت قابیغیندان سویونارکن آچیغا چیخیر.
هر شئیین بیربیریله ایلگی ده اولدوغو بیر دونیانین ایچینه دالمیش اولمانین وئردییی ایزله‌نیم‌لری ایله لوش* واقعیت کلمه- کلمه اوزه چیخیر بو شعرلرده. هر شعر بیر گوپون اولور اؤزوندن نیفرت ائدن و شاعیرین الی ایله اؤزونو آرادان قالدیرماغا محکوم واقعیتین جمودوما. شاعیر نه گؤزل و ایبهامسیز بیر ایستیکانلیقدان دانیشیر:
گئدنده آند آلیب
ایچدین سوسوز باخیش‌لاریمی
دامار- دامار آخیب
عشقین بو ایستیکانلیغیما
و یا آغاجلار آداملار کیمی‌اینتیحار ائده بیلیر اؤز دونیاسینین نارسیزلیغیندان:
بیر آغاج کؤرپونون اوستونده اوزانمیش دره‌یه
اؤزونو اؤلدوره‌جکمیش گئجه نارسیزلیقدان
هر شئیه اینسانی سجیه‌لر وئریلیر:
ســوبای خیانت‌لر دؤشرگه‌سی
رژه گئدیر لحظه‌لرین عصبینده
گل دؤنک دؤرد دووار بدن‌لریمیزه
روح جسمانیت تاپیر:
هئــــــــــی تانری
گؤرن مندن سونرا
روحومون چاتلاقلاری
قاسناق باغلادیمی؟
باغلاندیمی‌روحومون جیغیرلاری؟
و شعر دؤنوب تروریست اولور:
بیلدینیزمی‌هئچ
اوره‌ییمده کی شعرلر
اؤزلرینه آیاقدان باشا دینامیت باغلاییب
اینتیحار ائدیرلر…
بیر قوشما دا گؤز ائشیتمکله، قولاق گؤرمکله، درد داراقلا و واقعیت خیال‌لا قول -بویون اولور:
گؤزلریم ائشیتمیر، قولاغیم گؤرمور
دیمیش بیربیریـــنه ایت آشی کیمی
دردیمی‌هئچ داراق دارامیر هؤرمور
یییه سیز اؤلویـــم باش داشی کیمی
شاعیرین دئیه بیلمه‌دیکلرینین دئیه بیلدیکلرینه بوراخدیغی ایزلر، بیر جیناسین آراجیلیغی ایله دردی لذته قاتیر:
آشیق‌لار قفه سینده
سوســوبلار سازلار
قوش‌لار قفه‌سینـده
بولبــــول‌لر کیمی.
بو قیسا شعردن آذربایجان میللتینین قفسده کی سوسموشلوغونو ، دیلسیزلییینی آنلامایان کیم دیر؟
شاعیر هیجایی شعرلرینده ده مودئرن فضالار یاراتماقدا اوغور قازانیر. بیر طنز شعرینده مئساژلار تلگرامدا اپریییر، دویغولار ریپورت اولور، گؤزلر موبایل کیمی‌سؤندورولور، موبایل‌لار آدام کیمی‌باسدیریلیر و اورک آلما تک سویولور:
بایاقلاری سن یوخ ایدین قوی دئییم
الینده کی اوره‌ییمی‌ســــــوی دئییم
من اؤلموشم گل
بو دردی اوی دئییم
گــؤر‌هاچاندی تلگراما گلمیــــــرم
نه اولسون کی سن اولماسان نئینیرم.
طبیعتین هر شئیینی بیربیریله ایچ ایچه گؤرن بیر شاعیرین شعرینده، بوتون عونصورلارین تانیش خصیصه‌لرینین باشقا عونصورلارا نسبت وئریلمه‌سی ائستئتیک فضالار، دویارلی تصویرلر و چکیجی ترکیب‌لرین یارانماسی ایله سونوجلانابیلیر.
کیتابا آذربایجانین تانینمیش هونر آدامی‌سایین «آتابای»ین جیلد و صفحه طراحلیغی باشقا بیر گؤزه للیک باغیشلاییب.
«شهره قان دوشه‌جک» شاعیرینین کیتابینی بوتون شعر سئورلر اوخومالی‌دیرلار منجه.
*لوش: خییوو دا بو کلمه
“یوموشاق، شُل” آنلامیندا
ایشله نیر.
غفور امامی‌زاده
‌خیاوی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز