روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۶/۲۸
روزنامه ساقی آذربایجان
تبلیغات
آمار بازدید
  • 0
  • 643
  • 790
  • 1,326,851
بیر بایاتی ، مین خاطره

بایاتیلار، خالقیمیزین توکنمز ادبیاتی نین بیر بوجوغی دیر کی مین ایللرین اؤته سیندن سینه دن – سینه یه ، آغیزدان – آغیزا گزیب، انسانلارین آرزو – دیلک لرینی اؤزونده ساخلاییبدیر. هر بایاتی، مین انسانین دیلینده گریب، ائره یینی اریدیب، بایاتی ایله قاریشیب، بو گون بیزه چاتیبدیر. بایاتیلاردا مینلر انسانین غمی – کدری، شادلیغی – شنلیگی سؤیله نیبدیر. بونا گؤره دیر کی بایاتینی ائشیدنده مین حالا قالیریق.
هر بایاتیدا بیر دویغو یوخ، مین دویغو؛ مین آرزو، مین خاطره یاتیبدیر. هر بایاتیدا بیر خاطره یوخ، مین خاطره وار:
قالالار، آی قالالار،
لاچین اوردا بالالار؛
آنا بالاسین وئرمز،
مگر گوجله آلالار.
بو بایاتینی آنامین دیلیندن ائشیتمیشم. او گوندن ۳۰ ایلدن ده چوخ کئچیر، آنجاق سانکی دونن ایدی.
۱۳۵۵ جی ایلی خاطیرلاییرام. بیر اؤیره نجی ایدیم. باشیم همیشه یازیب – اوخوماقدا، کتابدایدی. یازیردیم، پوزوردوم. آنجاق بو ایش شاهین خوشونا گلمزدی. ساواکین گؤزونده من بیر دوشمن – تیکان ایدیم. بونا گؤره ده ائویمیز ساواکین گؤزه تلمه سی آلتیندا ایدی. او گونلر، شاه تبریزه گله جک ایدی. شهری دوشمندن!آریلاماق لازیم ایدی!؟ اؤیره نجی لر خرابکار اولماسالار دا، اونلارین طرفداری دیرلار! شعبان آیی نین ۱۵ ی یاخینلاشیردی. شهری بزه ییردیلر. آنجاق ساواک خالقین شنلیگینی یاسا قاتماسایدی نه ائدیردی او جانی؟ محله به محله دولانیردیلار، بیر محله نین برقی نی بوتون سؤندوروب کوچه یه سوخولوردولار؛ قاباقجادان نظر آلتیندا اولان ائولری تالاییب آختاریردیلار. اولسا اسلحه تاپیردیلار، اولماسا کتاب! بو، ایکینجی اسلحه دن ده خطرلی ساییلیر! او گون برقلر گئتدی، هر یانی ظولومات باسدی. ساواک بیزیم دربنده تؤکولدو. بیزیم ائوه سوخولدولار. هر بوجاغی آختاردیلار. اسلحه اولماسا دا کتاب آختاریردیلار.
بو آختاریشلاردا آتام و آنام مامورلاری ایزله ییردیلر. آنامی گؤردوم بیر پوتدوق نفت گتیریب، قاپی نین یانینا قویدو. اؤزو ده اونون یانیندا دایاندی. ساواکی لارین باشا داشا دگمیشدی. کتابلار اونلاردان اؤنجه ائودن چیخاریلمیشدیر. الی بوش ائشیگه چیخماغا مجبور قالدیلار. هئچ زاد تاپا بیلمه ییب، ائشیگه باسماغا مجبور اولدولار!!
ساواک آددیمین ائشیگه قویونجا، آنامین گؤزلریاریلدادی، ایشیلدادی، منی باغرینا باسیب گؤزلریندن مورواری لاری تؤکدو. آخی آنام کتابلاریمی باسدیرمیشدی!
آنامدان نفت چوتدوغونون فلسفه سینی سوردوم آنام منه باخاراق، تکجه بو بایاتینی اوخودو:
قالالار، آی قالالار،
لاچین اوردا بالالار؛
آنا بالاســین وئرمز،
مگر گوجله آلالار.!
داها ایضاح لازیم دئییل ایدی. آنام نفتی گتیرمیشدی – منی توتوب ائودن آپارماق ایسته سئیدیلر، نفتی هم اؤز اوستونه، هم ده ساواکی لارین اوستونه تؤکوب، بیر کبریت ووراجاقمیش! گؤزلری یاشاردی، من اؤزومه گلینجه، اؤزومو آنامین قوجاغیندا گؤردوم آنا محبتی نی یئنه بیر دؤنه ده دویدوم. بو بایاتی مین ایلدن سونرا دا منه آنامین عطرینی وئره جکدیر!
م. کریمی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز