روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۳/۰۸
روزنامه ساقی آذربایجان
تبلیغات
آمار بازدید
  • 0
  • 355
  • 351
  • 1,279,888
« بیر دسته گول » کیتابیندان بیر چیچه ک توپلایان : حسین دوستی

عاطف
«عاطف» کلیبر شه‌هه رینین «کالان» آدلانان کندینده ۱۳۲۴ ـ نجی ایلده ایشیقلی دونیایه گؤز آچدی. عاطف، او ماحالین احساسلی شاعرلریندن بیری‌دیر.
عاطفین شعرلرینده انسانلارا حؤرمت، گله‌جگه اینام و بشرییته سعادت آرزیلاری گورونور. اونون ایلک تجربه‌سی «شعر گؤزگوسو» آدیله چاپ اولوب و یاخشی ایستیقبالیله اوز به اوز اولوبدیر.
شعرلردن نمونه:

حسرت
بو فلک بیر کؤینک توخویوب منه
سایاسی داغ ـ دوگون، ناخیشی حسرت
اوره‌ییم چیرپینیر دالغالی چای تک
سوکوتو غم، کدر، آخیشی حسرت
*
سونون گؤرمک اولمور اولو دنیانین
کؤزوندن چوخ اولور کولو دنیانین
سینه‌نی تنتیدیر، یولو دنیانین
ائنیشی آه ـ زار، یوخوشو حسرت
*
زامان قووراسیندا، سورتولور عؤمور
حسرت کوره‌سینده، سو اولور ده‌میر
اوره‌ک آتشیندن اود آلیر کؤمور
یانیشی اود ـ آلو، یاخیشی حسرت
*
ترسینه فیرلانیر چرخین گردیشی
ظولمودن قیریلیر یای‌ین کیریشی
«عاطف» بئله دیرسه دنیانین ایشی
آز ایشی سئوینجدیر، چوخ ایشی حسرت

تجنیس(۱)
نیسگیل اوره‌یینی قوی یاتاق ائدسین
سیررین دئمه هر وفاسیز یارا، دان
نامرد مرهمینه بیتیشمه سیندن
مرد اوخونا، قان سوزوله یارادان
*
نییه گره‌ک انسان دؤزه ظولمه، تا
باسا اوزه‌نگیسین مینه ظولم، آتا
دوستا خائین نامرد، دوشه ظولماتا
مرد اوزونه ایشیق ساچا، یارا، دان
*
«عاطف» دوستو ازل باشدان سینا، سن
هر ناکسه قالخان ائتمه سینه، سن
مرد یولوندا اؤلوب گئدسن، سین‌نه سن
اوردا سنه ایمداد اولار، یارادان
******

تجنیس (۲)
کؤنلوم کوسوب داهی سندن باریشماز
اوچولوبدور محبتین حاصاری
اوره ییمین سایین چکیب قیریبسان
دوزه‌لمیرکی، ها چنگله، ها، ساری.
*
معماریدیم زحمت چکدیم بوتاغا
باغوانیدیم حسرت قالدیم بوتاغا
بولبولودیم قونانمادیم بوتاغا
گول عشقیندن رنگیم اولدوها، ساری.
*
گل «عاطف»ین سینیق‌کؤنلون‌ساری‌سن
یؤن چئویرمه یاد کیمسه‌یه ساری، سن
شوخ ترلانا غنیم ائتمه ساری‌سن
عؤمور بویوگل اوجاتماها، ساری.

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز