روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۸
روزنامه ساقی آذربایجان
تبلیغات
آمار بازدید
  • 0
  • 783
  • 721
  • 1,335,705
بیر شاعیر – بیر شعر

نه خـانلاریـن، نه بئـی‌لـریـن
نه بیر قودورغان سولطانین
قـارشـی سـینـدا اگیـلمیـشم
نـه قوللـوغونـدا دور موشام.
*
نه بـویلانـیب پیـشیـک کیمـی
سـورفاسـینا گـؤزتیـکمیشـم
نـه ال لـریـنـده‌ن پـای آلـیـب
سوموک اوتوب قودورموشام.
*
قیزیل، گوموش قاب قاجاغین
دادلـی، دادلـی یـئـمـک‌لــری
آنجــاق منـه‌ قان قوسـدورار
سـانـجـیـلادار، کـسـر مـنـی.
*
اؤزگه‌لـرین سورفـاسـیندان
ال اوزادیـب تــوتـسام‌ تـیکـه
آغــی کیـمـی ده‌لــر مــنـی
دوغـرایـار اؤلـدوره‌ر مـنـی.
*
اومسامدا پای اؤز خالقیمین
وارلیغیندان پـای اومموشام
مـنـه مـقـدس دیـر اونــون
قیزغین اتی، ایـستی جـانـی.
*
بالدان شیرینـدیر من اوچـون
سؤیود لویون کؤلگه سـینـده
میلچـک لری کـئف لندیـره‌ن
یـاغـلی قـاتیـغـین آیـرانــی.
*
من بیر اوُوج دن دن اؤتـور
اله بـاخـان تـویـوق کیــمی
نین بوجاغـینـدا سیخـیلیـب
بویون بوروب یاتمامیـشام.
*
مـنـلیـگـیـمـی، وارلـیغـیـمـی
میندارلایـیب قـاتـمامـیـشـام
ایلـقــاریــمــی، اینـامـیـمـی
یوز آلـتینا سـاتـمامـیـشـام.
*
سـانماکی مـن اؤز باشــینا
قارنینی قات قات پیی باسـان
او درد سیز هذیانچی کیمی
دردسـیز لییـمده‌ن یـازارام.
*
یوخسادا نـازلـی قـیـزلاریـن
گـؤزه‌ل لیـیندن سـؤز آچـیـپ
یا توخلوغومـدان گئیـیـریـب
گئیـیرمه‌یـی سـؤز سانـارام.
*
چتین سیناقلاردان چیخیب
قانلی دؤیوشلر گؤرمـوشم
حـادثـه‌لـر تــاپـداغـیـنــدا
عؤمور بویو تاپدانمـیشام.
*
اوره‌ک یـاغـین اریـتمیـشم
قارانلیقی سؤکمک اوچـون
بیر زینه گؤز چیراغ کـیمـی
یئلده، کولکـده یـانمیـشـام.
*
گؤز آچمیشام درد گؤرموشم
اؤز آنـامـیـن امـجگـیـنـده‌ن
سود یـئرینـه درد امـمیـشم
گلدیکـجه درده دولمـوشـام.
*
قارا زامان دئیـرمانی نـیـن
دیـشـلریـنین آلتـیــند ا مـن
بیر دن کیمی دارتینمـیشـام
سونراسی شاعیر اولموشام.
*
من نئجه گولد‌ن سؤز آچیب؟
من نئجه یاردان سؤیلـه‌ییم
من نئجه بوش سؤزلرایلـن،
اؤز خالقیمین باشین قاتـیم؟
*
من نئجه دردلی خالقـیـمی،
یونگول سؤزایلن آلدادیـم؟
اوتانماییب هذیان قوشـوب
دوز یئرینه یالان ساتـیـم؟!
*
کـؤهـنه ناغـیـل لاردا گـلن
خولیـالی عـالـمـده گــزه‌ن
دئودن، پری‌دن سؤیله‌مـک
اینـدی داها گـولمه‌لـی دیر.
*
آدام دونـونـدا د ئــو اولان
اؤز عصریمیزده آز دگـیل!
کیم، قورخولو، بوینوزلو دئو
اونون یـانـیـندا پـری دیـر!
*
گـؤزه‌ل لیـیی من دانـمیرام
من ده گؤزه‌ل وورغونویام۱
من ده گؤزه‌للیک سئـوَه‌َرک
پـایـیــمـجا ایـلـهـام آلارام.
*
مـن ده اسـنده یـاز یـئـلی
بیر یئنی احـسـاس تاپارام
آچـاندا داغـلار چـیـچـگی
مـن ده قـرارسـیزلایـارام.
*
منـیـم ده قـیلـدان آسـیلان
بـو دلی وورغـون کؤنـلومو
نازلی گؤزه‌ل لر دیندیریـب
سوزگون باخیشلار تیتره‌دیب.
*
اونلاری گؤرمـکدن اؤتـور
منیم ده صـبریم کـسـیلیب
یولدا دوران سؤیود کیـمی
مـنـیم ده دیـزلریم اسـیب.
*
منیم ده شعریمده یاشیـر
بـیـر آلا گؤز خـاطیره‌سی
سطـیرلـریـنده گـؤرونور
ایتگین‌ بیر آرزی نین ایزی.
*
رؤیـالار اوسـته قـورولان
گؤزه‌ل لیـک‌لر دونـیاسیندا
منـی‌ده چـوخ دولانـدیریب
شـعریمین ایلـهام پری‌سی.
*
سئومک، سئویلمک انسانین
ایکـی بؤیوک قدرتـی دیـر
اولـماسابـونلار کیمسه‌ده
انـسانـلیغا بیر یـوکدور او.
*
طـبـیـعتـیـن جـلــوه‌لــری
گول اوزلـولر گؤزه‌ل لییـی
بیرکیمسه یه خوش گلمه‌سه
انسان دگـیل کؤتوکدور او.
*
آمـما بـوگـون مـنیـم‌ده بـیر
زنـجـیـرلـریـلـن آسـلانــان
چیـگیـنلریـمـده یـئـر ســالان
« دوشونجه » آدلی یـوک‌ واریم.
*
او دور کی گاهدان دا گره‌ک
آیــاقـلایـام‌ اؤز کـؤنـلــومــو
یوخـسـا بـوتـون یـالان اولار
شــرافــتـیــم، اعـتـبــاریــم.
*
اینـدی بـودور منیم سـؤزوم
مـن خالقـیـمین شاعـیری‌یم
تـکـجـه اونـا ایـنـانـمـیشـام
آنـجـاق اونـا بــاش ایـه‌رم….
محمد رضا آذرلو

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز