روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۱
روزنامه ساقی آذربایجان
تبلیغات
آمار بازدید
  • 0
  • 794
  • 779
  • 1,330,306
بیر شاعیر – بیر شعر

عبداله مرادی
شعریمیز زامانلا آددیملامالی و خالقیمیزلا آیاقلاشمالی دیر. چیرکین لیکلری دئشه‌له‌ییب، یاخشیلیق‌لاری و گؤزه‌للیک‌لری اوزه چیخارماق اوچون، بیزه یول گؤسته‌ریجی اولان هامان شعریمیز اولاجاقدیر.
آذربایجان تورکجه شعری، بوگون ایره‌لی گئدیر، داها داغدان، جئیراندان، آلاگؤزلو، سورمه‌لی قاشدان اوزاقلاشیر. ۵۰ ایل حیدربابایا سلام، شعریمیزی آردیجا چکدی. بو، اؤز یئرینده ده‌یرلی اولورسادا، بوگونون ایستک‌لرینه جواب وئره‌بیلمیر. بوگون شعرین قارشیندا یئنی ساحه‌لر، تازا قونولار، ژانرلار و سؤزلر یارانیر. شاعیر زاماندان گئری قالماماق اوچون دوشونجه‌سینی یئنی بیر اوصول ایله خالقینا چاتدیر مالی‌دیر.‍ اونون دوشونجه‌سی دویغوسوایله قاریشیب، گؤزه‌ل سؤزلرده جانلانیب اوخوجونون الینه چاتیر. شعریمیز گؤزه‌للیک‌لری گوجلندیریب ایشیقلیقلار یارادیر، قارانلیقلاری بوغور. بو یولدا وزن، آهنگ، قافیه مومکوندور یاردیمچی اولسون، یوخسا ال ـ آیاغی توتورسا، شاعیر، اونو قیراغا قویور.! بؤیوک شاعیریمیز ـ عبدالله مرادی‌نین شعرلری بئله‌دیر.
عبدالله مرادی ۱۳۳۸ جی‌ایلده زنگاندا آنادان اولوب، یونیوئرسیته‌نی بیتیردیکدن سونرا، آزاد ایش ایله مشغول اولوب، آنجاق آنادیلی‌نی آچاندان بری، سؤزلری آراییب شاعیر اولماق اوچون چالیشیبدیر. بوگون مرادی به‌یین شعرلری بیزده دوشونجه یاراتماق اوچون ائتکی‌لی اینجه صنعته چئوریلیر. ایلک دؤنه اونون آنا ـ چینار کیتابی، شعر سئوه‌رلریمیزی سئویندیردی، ‌اوره‌ک لرینه دوم ـ دورو شعر شهدینی دادیزدیردی، ایندی ده « شاختا وورموش آرزیلار » لا اوره‌ک لری داها قیز قینلادیر، سوسوزلادیر، شاختا کیمی یاندیریر.
عبداله مرادی « شاختا وورموش آرزیلار » اثرینی « خالق شاعیری » عنوانیله باشلاییر.
بو شعر تکینه‌ بیر ده یرلی کیتابدیر. اورادا، معنویت عالمینده یاشایان شاعیرین بوتون ده‌یرلی کیفیت‌لریله برابر‌ اونون دوزگون دویغوسونی، ایستگینی، ووقارینی اوره چیخاریر.
دئدیگی سؤزلره ده دوز جالیییب، عاطفه یوکو آرتیراراق گؤزه‌ل شعر یارادیر.
مرادی تکجه اؤز فردی دویغولارینی سؤیله‌مه‌یی « شعر » بیلمیر؛! او فردی دویغولارینی، داغدان ـ باغدان دئمک‌له خالقی‌نین باشینی قاتماق، یونگول سؤزلرله آلداتماق ایسته‌میر؛ هذیان قوشوب، یالان ساتمیر. او، خالق شاعیری دیر، خالقینا اینانیب، اونا آرخالانیر. بیرسیرا شاعیرلر کیمی اوزده شعار و ئریب، دالدادا خالقا قنیم چیخمیر. بو کیتابدا « بوقچا» آدلی‌بیر پوئمادا واردیر. بو اوزون شعر، تکینه بیر کیتاب و بیر مستقل اثر دیر، رومان دیر. مدرن بیر شعردیر. شعرین موضوعو بیر تاپماجا کیمی گیزلی قالیر، داستان ایره‌لی گئتدیکجه بو تاپماجانی بیلمک هیجان یارادیر، هامی تاپماجانی تاپماق ایستیر. موضوع بودور کی بیر قادین ایللر بویو شهرین کوچه‌لرینده گزیر، الینده قولتوغوندا، اولان بیر بوقچانی اؤزوندن آییرمیر، باغرینا باسیر. بو بوقچادا نه‌وار؟ هئچ کیم بیلمیر. نهایت قادین اؤلور. بوتون شهر اهلی تؤکولورلر تاپماجانی تاپماغا…
تاپماجا تاپیلیر…! من‌ده بورادا چوخ ایضاح ائتمک ایسته‌میرم بلکه ایستیرم اوخوجولار اؤزلری اوخویوب و لذت آپارسینلار.
شاعیر، بؤیوک و سارسیلماز بیر استقامته مالیکدیر، شاعیر درین دوشونجه‌لی، اجتماعی باخیش لی، خالق قارشیندا باشی آشاغی و فروتن بیر اینساندیر. سؤزلرینه گلدیکده، مرادی بیگ هر اوخوجونو شعری‌نین آردیجا چکیر، اوخوجودا دویغو و هیجان یارادیر، سؤز و دئییش گؤزه‌للیگی ایله چکیر، بلکه ده سئحر ائدیر و بئله لیکله سؤزونو یئتیریر. اونون شعرلرینده بوروشدورما یوخدور. هرزاد، آیدین ـ آچیق و ساده شکیلده دئییلیر. بو ساحه‌ده مرادی جنابلاری آذربایجاندا ساناز بیر شاعیر دیر. سؤزلرینی چوخ اوزاتمیر، ییغجام شکیلده، گره‌کلی سؤزلرله و ساده دئییش ایله، دوشونجه‌لرده یئنی جیغیر آچیر، اینام بسله‌دیر؛ قیسا دئسک: مرادی ده‌یرلی بیر شاعیردیر و شعرلری خالقیمیزین بو گونکو اینام و دو شونجه سینی عالی کیفینده داشییر.
شاختا وورموش آرزیلار ۱۳۷۸ ایلینده چاپ اوچون حاضیرلانمیشدیر، آنجاق مادی امکانلارین اولمادیغیندان بوگونه قده‌ر ایشیق اوزو گؤرمه میشدیر، آمما شعرلری دوستلار دیلینده و اوره‌یینده ازبر اوخونوردو. ایندی همین دوستلار یاردیمی ایله تورک شعری‌نین ماراقلیلاری‌نین الینه چاتیر. مرادی جنابلارینا ساغلیق، اوزون عؤمور و یئنی نائلیت‌لر دیله‌یه‌رک، گله‌جه‌یه گؤز تیکمیشیک بلکه شعریمیزین چیچک‌له‌نیب بوداقلانما سینا شاهید اولاق.
محمد رضا آذرلو

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز