روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۸
روزنامه ساقی آذربایجان
تبلیغات
آمار بازدید
  • 0
  • 197
  • 721
  • 1,335,119
بیز‌ هامی‌میز یاخشی‌ییق!…

حالبوکی، غیرتی اولان آدام، بارماق‌لاری سهل‌دیر، ال‌لری ده، قول‌لاری دا گئتسه، بیر تیکه چؤره‌ک اوچون بوینونو چیینیه قویوب باشقالاری‌نین امه‌یینه گؤز تیکیب تاماح ساللاماز.
نه ایسه، او گون ده سحری تئزدن دوروب ائوی- ائشیگی ییغیشدیریب، ائو اهلی‌نین چای- چؤره‌گینی حاضیرلاییب، یولا دوشمک ایستیردی کی، اوغلو سسلندی: گئدیرسن آنا؟ ناهارا نه قویدون؟
ناهار؟… ناهار؟… نه دئییرسن؟،‌ نه جواب وئرسین… نه‌ییمیز وار کی نه قویام آی بالا، دئمک ایسته‌دی اما اوره‌گیندن گلمه‌دی. آخی اومودسوزلوق آجلیغین آجیسینی داها دا دؤزولمز ائده‌ر. او بونو یاخشی بیلیردی.
“بیر تهر گئچینین،‌گله‌جم سوپ قویام شاما” دئدی، چادیراسینی باشینا آتیب غم‌لره بوغولان اوره‌یینه داش باسیب ائودن چیخدی…
زنگی ووردو، خانم قاپینی آچدی، ایچری گیردی. “خانم، آغا گئدیب یا ائوده‌دیر؟”- دئیه سوروشدو. “راحات اول، هئچ‌کیم یوخدور، اؤزومم فقط”- دئدی خانم.
چادیراسینی آچیب قول‌لارینی چیرمالاییب ایشه باشلادی. خانیمین آخشام یئمه‌یینه قوناغی واریدی. ۳ دانا ایری تویوغو قویموشدو ات تخته‌سی اوستونده تمیزله‌ییردی. جام‌لاری سیله- سیله تویوق‌لارا باخیب درین آه چکدی. اوغلونا “سوپ پیشیره‌جم” دئمیشدی. خانیم تویوق‌لارین دریسینی چیخاردیب، سومویونو آییریب، یان یؤؤره‌سینی قوپاردیب سالدی بیر نایلونا، اونو دا آتدی زیبیل قابینا… آخ! بو زیبیل‌ ایله او بئش- آلتی اؤونه سوپ پیشیره بیلردی. نئچه دؤنه آغزینی دولدوردو خانیمدان اجازه آلیب او نایلونو زیبیل قابیندان چیخارتسین، آما اوزو کسمه‌دی. کوره‌یی تیر چکدی.
خانیم سئوینجک اونا دئدی: ” هله، موشتولوغومو وئر، مکّه‌یه آدیمیز چیخیبدیر، گلن آی گئدیریک!”، “موبارکدیر، ساغلیق ایلن ایشاللاه!” دئیه جواب وئردی و اؤز- اؤزونه فیکیرلشدی کی، دؤرد ایلده بو اوچونجو مکّه‌سی دیر خانیمین…گئنه کوره‌یینده ایلدیرم شاخان کیمی‌اولدو. زیل سسی ایله “آاااخ….” دئدی. “نولدی سنه؟ حالین یاخشیدی؟” دئیه سوروشدو خانم. ” هن، یاخشی‌یام خانم، هر شئی یولوندادیر، بیز‌ هامی‌میز یاخشی‌ییق” دئدی…
قاش قارالماقدایدی. یورغون- آرغین، ازیک- یئنجیک ائوه دؤنوردو. بیر تویوقچونون قاباغیندا دوروب بیر آز وار- گل ائله‌دیکدن سونرا باخدی توکاندا هئچ‌کیم یوخیدی. گیریب اوزونه اوز باغلاییب دئدی: “تمیزله‌دیییز تویوق‌لارین سوموک- دری‌لریندن ایستیردیم یاریم کیلو.”
” ائی داااد! اون دیقه قاباق گلسه‌یدین آتمامیشدیم ائشییه.” دئدی تویوقچو. “نئیله‌یک، جانین ساغ اولسون” دئدی و چیخدی. تله‌سیردی. یوباناندا اری دئیینیب ساواشیردی. یئتیشمک همن چادرا چارقاتینی گول‌میخا آسدی، دینجینی آلمادان باشلادی اؤز ائوی‌نین ایشلرینه. اوشاق‌لار آنالاری‌نین الینه باخیردیلار. خانم گیلده یئمه‌دیگی خوُره ک و میوه‌نی اونلارا گتیرردی همیشه. کیشی بیر قورو یورولما بیله دئمه‌دن باغیردی: “منه سیغار آلدین؟”
اونا قئیقاجی باخماغا دا اینجاری قالمامیشدی. کوره‌یی تیر چکیردی… قیزینا دئدی: “مداد- کاغاذ گتیر آللاها بیر مکتوب یازاق، خانم آپارسین مکه‌یه، آلله گئنه ایسته‌میش اونلاری”
«سلام آللاه. بیز‌هامی‌میز یاخشی‌ییق!…»
سوسن نواده‌رضی

1
دیدگاه بگذارید

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
ساراي Recent comment authors
  Subscribe  
جدیدترین قدیمی ترین پر امتیازترین
باخبر شدن از
ساراي
میهمان
ساراي

قلمینیزه ساعلیق❤️👍🏻

سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز