روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۴
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 1,409
  • بازدید دیروز: 566
  • کل بازدید ها: 830,478
تبریزلی رضا صراف

اوتوز ایلدن آرتیق آذربایجان ادبیاتی ایله مشغول اولسامدا، بیر پارا سؤز اوستادلارینین خصــــوصی ایله، کلاسیــــــک ادبیاتیمیزین
گــــــــؤرکملی نماینده لرینین اثرلرینی هر
زامان اوخویارسام، یئنه اوره ییمده اؤز طراوتینی قورویوب ساخلار. اونلاردان بیری ده حاجی رضا صراف تبریزی دیر. یئری گلمیشکن دئمه لییم، اورتا تحصیلی دوام ائتدیردییم گونلر، ازبر ائتدییم بئش یوز غـــــــــزلین، سیرا سیندا صراف شعرلری ده
وارایدی. واختی ایله سیروس قمری نین، افست اصولی ایله چاپ ائتدیگی حاجی رضا
صــــراف دیوانینی اوخوماق اولدوقجا من
اوچون آرتیق چتین ایدی. اونون شعرلرینده اولان چکیم و منده اولان دویغو بو وضعیته اوستون گلدی.
دئــــمک طرفین بوتون غزللری دیل ازبریم
اولاراق، بئنیــــــمده یووا سالماغا
باشـــلادی. البته صراف شعری
ایله منی تانیـــــش ائده ن
مرحـــــوم موغام اوستاسی
«حاجــــی بابا حسین اوو»
اولــــــدو. اونون اوره ک
آچــــان، کؤنول اوخشایان سسی ایله
صراف شعری گوجلو بیر چایا چئوریلیب،
منی اؤز قوینونا آلیب، آپاریردی. ۲۸ ایل بونــدان اؤنجه، حاجی بابا ایفاسیندا ائشیتدییم
بو غــــــــــزل هله ده قولاغیمدا اؤز
اورژینالیغی ایله سسله نیر:
خدنگ ناز ایله کؤنلوم قوشون شکار ائله دین
اورکده گیزلی اولان سیرری آشکار ائله دین
کنــــــــــاریدن باخیرام گل منی کنارینا آل
منی بو خلـــــقدن عالمده سن کنار ائله دین
ردیــف و قافیه و سجع و بحری بیلمز ایدیم
فنون شعری بو صرافه سن شعار ائله دین(۱)
صرافین یارادیجیلیغیندا، اؤنملی یئر آلان مؤضوعلاردان بیری ده اونون آغیز ادبیاتیمیزدان، خصوصی ایله آتالار سؤزو و دئییم لردن بول ـ بول استفاده ائتمه سی دیر. صراف آذربایجان مثل لرینی، اؤزه لیکله، شیرین تبریز لهجه سی دئییم لرینی ائله مهارتله، غزللرینده آخیتمیشدیرکی، گل گؤره سن.
ایندیسه بو خصوصدا بیر نئچه اؤرنک وئرمه یی ضرروی گؤرورم:
صبح اولونجا یاتمادیم، یاندیم رقیب ـ ین حالینا
کسسک آغلار، گؤرنه عالمدی داشین احوالینا
گؤزون گؤز ائیله دی جان آلماغ قاشین آلدی
بو امر خیــــر ده قاش و گؤزون شراکتی وار
بو بیر بیت ده، چوخ گؤزل تصویر یاراداراق، ائل دئیمینی سون اوستادلیقلا، ایشه سالا بیلمیشدیر:
بو یولدا بختیمی گؤردوم یاتیب قوریوب کئچدیم
دئدیم: «گئدیب نه عجب خواب غفلته خرگوش»
تبریز دئییم طرزینده صرافین بول ـ بول ایشلتدیگی سؤز اینجی لرینه اولدوقجا راست گلیریک. ائل دئییمینی بیر بیت شعرینده تام اوره یه یاتان شکیلده، نئچه شعر صنعتینی بو بیر نئجه کلمه ده یئر لشدیرمک بیر اوقده ر آسان دئییلدیر، نه گؤزل سؤزلر یئرینده اوتوروب، بیر باخین:
باش ایسترسن گل آل بوباش بو امری خئیری سال باشدان
گؤروم باش گئتسه آپا ال چکر بودر سرمندن؟!
عقل ایله عشقین مجادله سی، شرق فلسفه سینده اؤغلی یئر آلیر.تورک دیللی شاعیرلر ایستر فارس دیلینده، ایسترسه ده تورک دیلینده قوشدوقلاری شعرلرینده بو مؤضوعیا گئنیش مئیدان وئریب، وئریلر. آذربایجان کلاسیک ادبیاتیندا عمومیتله، عشقه اوستونلوک وئریلیر. بؤیوک شاعیر محمد فضولی اؤزونون مشهور بیر غزلینده بو مسئله یه بئله آیدینلیق گتیریر:
ای فضولی عشق معنین قیلما ناصحدن قبول
عقل تدبیری دیر او سانماکی بیر بنیادی وار.
اؤز اوستادلارینین یولونو دوام ائتدیره ن حاجی رضا صراف، عقل ایله عشقین ساواشینی بو بیر بیت شعرینده چوخ مهارتله گؤستریر:
دهــــــــــــانین سیررینی بیلمزدی عقلیم،
عشقیم اؤیره تدی
عجب دیوانه دی، بیگانه یه افشای راز ائیلر.
صرافین یاشادیغی دوور ده، ائله بیر زامان ایدی، منطقه ده و اؤلکه ده مهم دیشیک لیک باش وئریردی. تبریزده باش قالدیران مشروطه حرکاتی نین آلـــووی، ایرانین هر یئرینی
آلیشــدیردیغی بیر واختا، یابانجی گوجلر،
ساده جاماعاتی، آلداتماغاجان آتیردی. بیر چوخ شاعرلر سایاغی صرافدا، بو وضعیتدن سارسیلیر و اسلام دونیاسینا اوز توتاراق بئله یازیر:
ای مـــــلت اســــلام اویان وقت سحر دی
گؤر بیرنه خبر دی!
بسدیر بو قده ر یاتما چورورسن نه خبر وی،
دور وقت سحر دی!
کربلا حادثه سینه حضرت امام حسین(ع) ـ ین قهرمانجا سینا یارا تدیغی نهضته بیر چوخ شاعرلریمیز، سؤز قوشاراق، اونو دونیایا تانیتدیرمیشلار. حاجی رضا صراف تورک
نوحه ادبیاتینا ارمـــغان ائتدیگی
بیر ـ بیریندن گــؤزل شعرلری
وار.
آتا، قــــارداش، عمی، عم
اوغلو شهادتینی یاخیندان
گؤره ن، بو اولایدان اولدو
قجا مریض له ین حضرت صغرا دیلیجه بو
سؤز تاپشیــرماسی اوره ک لره یول تاپیر،
بیر لیـــــکده اوخویاق و اونون یارادیجیلیق
قابلیتینی گؤره ک:
نطقه گل ماه محرم گلدی صراف اولما لال
ائیله مه هرگز بو باطل عؤمروله باطل خیــال
حضرت صغرا دیلینجه ائیله بؤیله عرض حال
گـــــل باجین قــــــــــــوربان سنه قارداش،
علی خـوش گلمیسن!
بهروز ایمانی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز