روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۹
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 155
  • بازدید دیروز: 3,301
  • کل بازدید ها: 839,498
تراژدی

یولداشینین آتاسینین یاس مراسمینه گئدیرلر. یولدا فیکیرلشیر، گؤرن اونلار دا یاخشی ایفاچی اولماغی باشاراجاقلار یوخسا یوخ؟ یاخشی هله بیزیم ناشیلیغیمیزا دوشمه‌دی، باشی اوجا چیخدیق. گؤرن آدام اؤز یاس مراسمینده تاماشاچی اولور یوخسا ایفاچی؟ آمما نوماییش‌ده بو دؤنه تاماشاچی‌ام‌ها! دئیه گولومسه‌ییر، یانینداکی‌لار قئیقاجی باخیرلار. مچیده یئتیشیب‌لر.
او گون اؤزلرینین یاسیندا مچیدده اوتورارکن بیر زاد گیردی بئینینه، چوخدان بئینینین یان‌ـ یؤره‌سینده وورنوخوردی، بودا بوگون صاباح ائیله‌رکن قاباغین آلیردی. ایندیسه اؤزونه گلینجه ایش ایشدن کئچمیشدیر. بلکه ده بو گوندن اویغون بیر گون تاپمامیشدیر. بونونلا بئله چوخ چالیشدی سونرایا ساخلاسین، اولمادی کی اولمادی.
مچیده یئتیشنه‌دک گؤز یاشلاری دورمادان، آخمیشدیر، بوغازی توتولموشدو،گؤزلری گؤینه‌ییردی. چوخ ایسته‌میشدی بیرآزین دا ساخلاسین مچیده؛ بیلیردی صندل ده اوتورماقدا آغلاماق زاد یادیندان چیخاجاق. بلکه ده بئنینده‌‌کینه گؤره جاماعاتین ایچینده آغلایانمیردی.
آغیچی اورکدن چالیشیردی، آمما بو آغلاماق یئرینه گؤزونو اوتورانلارین‌ هامیسینین اوزونه دولاندیریردی، ائله ظن ائتدییی کیمی‌ایدی. بیردن گولماغی توتدو. اؤزونو زورلا ساخلادی. تزه‌دن‌ هامییا باخدی.‌هامیسی تراژدی‌یه گلمیشدیلر.‌ هامیسینین اوزلری بونلارا ساری، دؤرد گؤزلو سیرایلا باخیردیلار. بیر پاراسی باشلارینی ترپدیردیلر، بیر سیراسینین گؤزلری دولوردو، بیر سیراسی دا یالنیز باخیردیلار.
چوخ وعده بو حیسی اولموشدو، آمما بو دؤنه اؤزونو دوغرودان نوماییش صحنه‌سینده حیس ائیله‌دی. گؤرن تئاتردا دا اسکار موکافاتی وار؟ اولسا ایه‌ر گؤره‌سن‌ هانسی‌سینا یئتیشه‌جک؟ یئنه گولومسه دی. یانینداکیلارین آغیر باخیش‌لارینی حیس ائیله‌سئیدی ده الیندن بیر ایش گلمیردی. جانینی بتر یاغلامالیدی؛ ائله بیل اؤزو دونن دئمیردی مثلن یاس صاحیبیسیز آز دانیشین، اؤزوزو توتون، آغیر سنگین اوتورون، باخانلار نه دییه ر.
یئنه قاییتدی نوماییشه. گؤرن باشیما دؤیوب اورکدن آغلاسام یاخشیدی؟ آخی او گون بیر یاسدا اؤز قولاقلاری‌ایله ائشیتمیشدی: گؤردوز قیزی! ساکی آتاسی اؤلموشدو، باشینا دؤیوب آغلاماق یئرینه هوروت‌ـ هوروت باخیردی آدامین اوزونه. بلکه ده سس‌سیز تاماشاچی‌لارین اوزلرینه باخاراق گؤزیاشی تؤکمه‌ییم یاخشی اولسون! اوندا بلکه دئدیلر یازیق قیز اوره یینه سالیب ناخوشلاماسا یاخشی‌دی. یادا یوخ! اوجادان اوخشاییب جاماعاتی دا بو نوماییشه قاتسام نئجه اولار! بو اوره‌یینه چوخ یاتدی. اوندا چوخ‌لارینین ایلگیسینی چکردی. تازالیغی دا اولاردی. بلکه ده موکافاتی آلئیدی.
او قده ر طبیعی اویناماغینا فیکیرلشیردی کی یادیندان چیخارتمیشدی مچیدی ده، آداملاری دا. دومسوک بؤیروندن دیمک‌ده قالخیب قوناقلاری یولا سالماغا باشلادی. بیر ایکی نفر آغلارکن اونو قوجاقلادیلار. چالیشدیقجان آغلاماغا، هر نه اوزاقلاشیردی اوندان. چادراسی دا یوخ‌ایدی چکه اوزونه گؤوده‌سینی تیتره‌ده، بلکه اوندا لاپ طبیعی گؤرسنئیدی! داها واخت قالمامیشدی. هر نه‌یی اؤتوروب، موکافاتا فیکیرلشیردی. آمما بو دورومدا، نوماییشدن گئدنلر قویموردولار ذهنینه گلن یوللاری سیناغا چکسین. بیردن بیر ایشیق اوره‌یینده پارلادی؛ قیرخینادک هله واختیم وار دییه گولومسه‌دی.
آیاقلاریز آغریماسینی ائشیتدیکده اؤزونه گلیب، ساغ اولون دئییب تله‌سیک مچیددن ائشییه چیخدی. یاخشی تاماشاچی اولماماغی ایچون اؤزونو دانلاییب، سونراکی نوماییش‌لره فیکیرلشرک توختاخلیق وئردی اؤزونه.
روح‌انگیز پورناصح

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز