روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۷
روزنامه ساقی آذربایجان
تبلیغات
آمار بازدید
  • 0
  • 269
  • 702
  • 1,334,470
تقی رفعت کیمدیر؟

تقی رفعت تکجه آذربایجان ادبیات و شعرینده یوخ، بلکه بوتون ایران و اؤزه للیک له فارس ادبییاتیندا بؤیوک ائتکی بوراخمیشدیر. شیخ محمّد خیابانی مشروطه اینقیلابیندان سونرا، اونون آجیلاریندان تجربه آلاراق، آزادلیق اوغروندا چالیشیب، بلکه ایران خالقلارینی استبداد الیندن قورتاریب و دموکراتیک نظام یاراتسین. خیابانی بیر الینه سلاح و بیر الینه قلم آلان گنج لری اؤز چئوره سینه توپلادی. بونلارین اؤنونده تقی رفعت گئدیرکی خیابانی نین درگی سی اولان تجدد نشریه سینین باش یازاری کیمی چیخیش ائدیر. تقی رفعت ایلک اؤنجه کلاسیک شاعیرلردن تنقید یولو ایله باشلاییب، یئنی و سربست شئعره یول آچیر. [۱]
تقی رفعت، سعید سلماسی ایله بیرلیکده یئنی لیک یوللارینی تاپداییب صاف ائتمه یه چالیشیرلار. فیرتانالی بیر زاماندا اؤزلرینی اودا- کؤزه ووروب وطن اوغروندا، ائل اوچون جاندان مایا قویورلار. [۲]تقی ۱۲۶۸ ایلینده تبریزده آنادان اولور. آتاسی آقا محمّد تبریزی بیر درین دوشونجه لی و خوش فیکیرلی کیشی ایدی. اوغلونو زامانلا تربیه ائتمک اوچون، اونو استانبولا گؤنده ریر. تقی ده استانبولدا تورکجه و فرانسیزجه نی اؤیره نیر. بو اؤیره نمه او قده ر درین و گئنیش اولورکی بو دیللرده شئعر یازماغا باجاریغی اولور. تقی بو دیل واسیطه سیله دونیا ادبییاتی ایله تانیش اولور، اونلارین دورومونو تانیییر. تقی رفعت ایرانا دؤندوکده «تجدد» درگی سینی چاپ ائتمه‌یی بوینونا آلیر، بورادا فارسیجا یازیرسادا بیر آذربایجانلی کیمی چیخیش ائدیر، تورکجه و فرانسیزجایا دا لاقئید قالمیر. اونون شعرلرینده وطن پرورلیک، میللت چی لیک و دموکراتیک ایده ال لاری جانلی صورتده تصویره آلینیر.
تقی رفعت تبریزی چوخ کئچمه دن بیر تورک یازاری، شاعیری و ادبیاتچی سی کیمی بوتون ایراندا شؤهرت قازانیر. بونا آرتیرمالی یام کیمی تبریزه دؤنمکدن اؤنجه بیر زامان ترابوزاندا قالمیش و بیر مدرسه نی مدیریت ائتمیشدیر. تقی ۱۲۹۳ ایلینده تبریزه قاییتمیش و خیابانی نین یاخین دوستو و یاردیمچی سی اولموشدور. بو دوروم تقی اوچون چوخ بؤیوک بیر امکانات و ئرمیشدیر.[۳]
او، مقاله و شعر فورمالاریندا یازدیغی اثرلری تجدد و آزادیستان درگی لرینده یاخیندان آذربایجانین میللی حرکتینه یاردیمچی و یول گؤسته ریجی اولموشدور. او اؤز امضاسی و هردن بیر «فمینه» تخلوصوایله یازیلار اورتایا چیخارمیشدیر. بوزامان فارس و پایتختده اوتوران ادیبلرین محافظه‌کارـ لیبرال ایناملاریلا «دانشکده» درگیسینده یازیلان مقاله لره قارشی چیخیر و اونلاریلا مباحثه‌لره گیریشیر. تقی رفعتین گوجلو بیر تنقیدچی و ادیب اولدوغونو ائله بو اثرلردن گؤرمک مومکوندور. ائله بورادا «شعرنو» آدلانان فارس ادبییاتیندا جریانی یارادیر. رفعت تبریزی سعید سلماسی و دوستلاریلا بیرگه «ادبی تجدد»، «ادبی اینقیلاب» اودونو یاندیریر و تونقالینی آلیشقان ساخلاییر و یئنی شعرین اؤنجوسو کیمی تانینیر.
تأسفله آذربایجان دموکرات فرقه‌سی، خیابانی رهبر لیگی ایله مغلوب اولوب و استبداد، رضاخان پهلوی و روس یاردیمی ایله خیابانی نی اؤلدورمه یه موفق اولور. رفعت بوندان سونرا چوخ قالابیلمیر و نهایت ۳۱ یاشیندا ۱۲۹۹ ایلینده قیزیل دیزج کندینده اؤزونو اؤلدورور. [۴]
تقی رفعت شئعری، بیر کسرلی سیلاح کیمی قوللانیر و اجتماع دردلرینی دئشیر. او قادینلارا خطاب شئعرینده، قادینلارین دردلرینی آچیقلاییر و ساده ـ آخیجی بیر دیل ایله بئله سؤیلور:
سنه زهـــــــــــــــره، آی، گونـش، آدقـویـدولار جهـاندا
آنجــــــــــــــاق اؤزوان دونیـادا بیر گون گؤره بیلمه دین
سـن بو ظولمت اؤلـــــــــــــکه ده، بو قان ایچن دؤوراندا
اوره یینجه سئوینیب، بیر دویونجا گوله بیلــــــــــــمه دین
اوکـــــــــــس لر کی قارشیندا دیز چؤکوب سجده ائدیر
ایـنـانـماســن اولاریــن عـشــــــــقـیـنــه، اولـفــــــــتیـنه
چؤلده کی وحشــــــــــی لر تک، اونلار فقط اوو گودور
اونــلار لایـیـق دئـییــــــــــــــــلدیـر سـنـیـن مـحبـتـیـنــه
رفعت گنج لره اوز چئویریب اونلاردان بئله دیله ییر:
قـالـخ یـئـریـنـدن وطـن اوغـلـو، نـظــر ائــت آســـــمـانــا
افـــــقـون رنـگـی گونـشـدی، نـئـجـه گـؤر دؤنـدو قـانــا
قــالـخ گولـر اوزلـــه ســلامـلا آچـیـلان آل ســـــحــری
قالخ کی ایش و اختی چاتیب گؤزله مه یین اول ســـحری
قـالـخ ایِـری آدیـم ایـله گئـت ایـره لـی، بــاشـلا ایــــــشـه
مأیوس اولماق سنی بیل مـحو ائـده جـک دیـر همیــــــشه
بـیـل دؤیـوش گؤزلـه ییر ایـنـدی یـولـونـو اؤنـده سـنیـن
صاباحـــــــا سـسـلـه یـیـر هـر آن سـنـی دوغــمـا وطـنیـن
بـیر تـازه فـصـــــل گـلیـبـدیـر، یـئـنـی نـسـلـیـن بـاهــاری
باغــــــلاریـن ـ باغـچـالاریـن گؤر نئـجـه آرتمیـش بـاری
قالـخ کی خوشبخت لیک اؤزو قارشینا گلمیش گـوله رک
قـالـــــــخ، دوزه لـت قامتـینـی، مئـیدانـا چـیخ روستم تک
زال کــــــــیمـی بـارماغـینی قـوی کامـانا، سـن اوخـو آت
سسله ییر، بـاخ، سنی خوش گونلره اینـدی بـو حـیات …[۵]
م.کریمی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز