روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۳
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 72
  • بازدید دیروز: 566
  • کل بازدید ها: 829,141
تقی رفعت

تقی رفعت تکجه آذربایجان ادبیات و شعرینده یوخ، بلکه بوتون ایران و اؤزه ­للیک­له فارس ادبیاتیندا بؤیوک ائتکی بوراخمیشدیر. شیخ محمّد خیابانی مشروطه انقلابیندان سونرا، اونون آجیلاریندان تجربه آلاراق، آزادلیق اوغروندا چالیشیب، بلکه ایران خالقلارینی استبداد الیندن قورتاریب و دموکراتیک نظام یاراتسین. خیابانی بیر الینه سلاح و بیر الینه قلم آلان گنج لری اؤز چئوره­ سینه توپلادی. بونلارین اؤنونده تقی رفعت گئدیرکی خیابانی­نین درگی­سی اولان تجدد نشریه ­سی نین باش یازاری کیمی چیخیش ائدیر. تقی رفعت ایلک اؤنجه کلاسیک شاعرلردن تنقید یولو ایله باشلاییب، یئنی و سربست شعره یول آچیر.
تقی رفعت، سعید سلماسی ایله بیرلیکده یئنی­لیک یوللارینی تاپداییب صاف ائتمه­ یه چالیشیرلار. فیرتانالی بیر زاماندا اؤزلرینی اودا- کؤزه ووروب وطن اوغروندا، ائل اوچون جاندان مایا قویورلار. تقی، مین ایکی یوز آلتمیش سگگیزینجی ایلینده تبریزده آنادان اولور. آتاسی آقا محمّد تبریزی بیر درین دوشونجه­ لی و خوش فکرلی کیشی ایدی. اوغلونو زامانلا تربیه ائتمک اوچون، اونو استانبولا گؤنده ­ریر. تقی ده استانبولدا تورکجه و فرانسیزجا­نی اؤیره نیر. بو اؤیره­ نمه اوقده ر درین و گئنیش اولورکی بو دیللرده شعر یازماغا باجاریغی اولور. تقی بو دیل واسیطه­ سیله دنیا ادبیاتی ایله تانیش اولور، اونلارین دورومونو تانیییر. تقی رفعت ایرانا دؤندوکده «تجدد» درگی­سینی چاپ ائتمه‌یی بوینونا آلیر، بورادا فارسیجا یازیرسادا بیر آذربایجانلی کیمی چیخیش ائدیر، تورکجه و فرانسیزجایا دا لاقید قالمیر. اونون شعرلرینده وطن­پرورلیک، ملت­چی­لیک و دموکراتیک ایده­ال­لاری جانلی صورتده تصویره آلینیر.
تقی رفعت تبریزی چوخ کئچمه­ دن بیر تورک یازاری، شاعری و ادبیاتچی­سی کیمی بوتون ایراندا شهرت قازانیر. بونا آرتیرمالییام کیمی تبریزه دؤنمکدن اؤنجه بیر زامان ترابوزاندا قالمیش و بیر مدرسه­ نی مدیریت ائتمیشدیر. تقی ۱۲۹۳ ایلینده تبریزه قاییتمیش و خیابانی نین یاخین دوستو و یاردیمچی­سی اولموشدور. بو دوروم تقی اوچون چوخ بؤیوک بیر امکانات وئرمیشدیر.
او، مقاله و شعر فورمالاریندا یازدیغی اثرلری تجدد و آزادیستان درگی­لرینده یاخیندان آذربایجانین ملی حرکتینه یاردیمچی و یول گؤسته­ ریجی اولموشدور. او اؤز امضاسی و هردن بیر «فمینه» تخلوصوایله یازیلار اورتایا چیخارمیشدیر. بو زامان فارس و پایتختده اوتوران ادیبلرین محافظه‌کارـ لیبرال ایناملاریلا «دانشکده» درگیسینده یازیلان مقاله­ لره قارشی چیخیر و اونلاریلا مباحثه‌لره گیریشیر. تقی رفعتین گوجلو بیر تنقیدچی و ادیب اولدوغونو ائله بو اثرلردن گؤرمک مومکوندور. ائله بورادا «شعرنو» آدلانان فارس ادبیاتیندا جریانی یارادیر. رفعت تبریزی سعید سلماسی و دوستلاریلا بیرگه «ادبی تجدد»، «ادبی اینقیلاب» اودونو یاندیریر و تونقالینی آلیشقان ساخلاییر و یئنی شعرین اؤنجوسو کیمی تانینیر.
تأسفله آذربایجان دموکرات فرقه‌سی، خیابانی رهبرلیگی ایله مغلوب اولوب و استبداد، رضاخان پهلوی و روس یاردیمی ایله خیابانی­نی اؤلدورمه­ یه موفق اولور. رفعت بوندان سونرا چوخ قالابیلمیر و نهایت، اوتوز بیر یاشیندا ، مین ایکی یوز دوخسان دوققوزونجی ایلینده قیزیل دیزج کندینده اؤزونو اؤلدورور.
تقی رفعت شعری، بیر کسرلی سلاح کیمی قوللانیر و اجتماع دردلرینی دئشیر. او قادینلارا خطاب شعرینده، قادینلارین دردلرینی آچیقلاییر و ساده ـ آخیجی بیر دیل ایله بئله سؤیلور:
سنه زهره، آی، گونـش، آدقـویـدولار جهـاندا
آنجـاق اؤزوان دنیـادا بیر گون گؤره بیلمه­ دین
سن بو ظولمت اؤلکه ده، بو قان ایچن دؤوراندا
اوره ­یینجه سئوینیب، بیر دویونجا گوله بیلمه­ دین.
او کس­لر کی قارشیندا دیز چؤکوب سجده ائدیر
ایـنـانـماســن اولاریــن عـشــقـیـنــه، اولـفـتیـنه.
چؤلده کی وحشی­لر تک، اونلار فقط اوو گودور
اونــلار لایـیـق دئـییــلدیـر سـنـیـن مـحبـتـیـنــه.
رفعت قافاسی قالین ادیب­لریندن اوموب کوسمور، بلکه گنج­لره اوز چئویریب اونلاردان بئله دیله ­ییر:
قـالـخ یـئـریـنـدن وطـن اوغـلـو، نـظــر ائــت آسـمـانــا
افـقـون رنـگـی گونـشـدی، نـئـجـه گـؤر دؤنـدو قـانــا
قــالـخ گولـر اوزلـــه ســلامـلا آچـیـلان آل ســحــری
قالخ کی ایش واختی چاتیب گؤزله­ مه ­یین اول سحری.
قـالـخ ایِـری آدیـم ایـله گئـت ایـره­ لـی، بــاشـلا ایــشـه
مأیوس اولماق سنی بیل مـحو ائـده ­جـک­دیـر همیـشه.
بـیـل دؤیـوش گؤزلـه ­ییر ایـنـدی یـولـونـو اؤنـده سـنیـن
صاباحـا سـسـلـه ­یـیـر هـر آن سـنـی دوغــمـا وطـنیـن…
بـیر تـازه فـصـل گـلیـبـدیـر، یـئـنـی نـسـلـیـن بـهــاری
باغـلاریـن ـ باغـچـالاریـن گؤر نئـجـه آرتمیـش بـاری.
قالخ کی خوشبخت­لیک اؤزو قارشینا گلمیش گـوله­ رک
قـالـخ، دوزه ­لـت قامتـینـی، میدانـا چـیخ رستم تک.
زال کـیمـی بـارماغـینی قـوی کامـانا، سـن اوخـو آت،
سسله ­ییر، بـاخ، سنی خوش گونلره اینـدی بـو حـیات
قایناق: قیزیل قلم

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز