تنباکی نهضتی نین ،تبریزده باشلانماسی

اختر گونده لیگی نین الیله ، تنباکی نین اوتانماق تؤره دن امتیازنامه سی نین اوستو آچیلاندان سونرا ، تبریز، اوّل شهر دیر کی ائلین آجیغین اوزه سالدی و سونرا باشقا شهرلر تبریزه باخیب آیاغا قالخیدیلار و تنباکی نهضتی ایراندا یولا دوشدو.
مجتهد تبریزی نین فتواسی اساسیندا تبریز خالقی نین ییرمی مین نفردن چوخو « رژی » قراردادینا دینلنمه ک اوچون شور سالدیلار. و بازاری باغلاییب ، نئچه دؤلت یئرله رینه یوگورمَکله اؤز مخالفتچی لیک لرین اوزه سالدیلار.
ناصرالدین شاهین داواخور دؤیوشچولری تئزلیکله تبریز شهری نین هر یئرینده داغیلیب و خالقین باشینا دؤیدولر و بازارچی لاری زوریله دوکانلارین آچماغا مجبور ائتدیلر.
بو زامان ایدی کی زینب پاشانین باشچی لیقیله تبریز قادینلاری نین قیام ائتمه گی باشلاندی. زینب پاشا اؤز دؤره سیله بیرلیکده تبریز بازارینا تؤکولوب و مأمورلاریله دؤیوشمَگه باشلایاراق یئنی دن بازاری باغلاماغا چکدیلر.
و بئله اولموشدو کی خالقین قالخماقیله و حاج محمد کاظم ملک التجار تبریزی کیمی بؤیوک کیشی لرین چالیشلاریله ، شیعه دونیاسی نین بؤیوک تاریخی مرجعی ، میرزای شیرازی نین فتواسی صادر اولدو. و بیر دؤراندا کی آسیا، آفریقا و آمریکای لاتین خالقی نین چوخو استعمار بویوندوروغوندا قرار تاپمیشدی ، ایرانلی لار اؤز آیافلاری نین اوستونده دایانماقیله استعمار و استبدادی سیندیردیلار و پادشاه لار دؤرانینا سون قویماغی باشلادیلار.
قایناق: کتاب تبریز – شهر اولین ها / دوکتور صمد سرداری نیا
چئویره ن : الف. عظیمی بیلوردی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz