روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۸/۱۰
روزنامه ساقی آذربایجان
تبلیغات
آمار بازدید
  • 1
  • 395
  • 1,087
  • 1,361,394
جیرتدان

بیری وار ایدی،بیری یوخدویدو ، بیر قاری (زن پیر) وار ایدی. بو قارینین بیر بالاجا نه وه سی واریدی . نوه اوْ قه ده ر بالاجا ایدی کی ، اوْنا جیرت دان دئییردیلر.
بیر گون جیرت دان گؤردو کی، قونشو اوشاقلاری مئشه یه (بیشه زار) اوْدونا (هیزم) گئدیرلر،گه لیب ننه سینه دئدی:
– آی ننه ، اوشاقلارلا اوْدونا من ده گئده جه یم.
قاری اوشاقلاری چاغیریب هره سینه بیر پارچا یاغ یاخماجی ( یاغ بَلله سی ) وئردی. جیرت دانی دا اوْنلارا تاپیشیردی. یولدا جیرت دان اؤزونو یئره ووروب گئتمه دی، یولداشلاری دئدیلر:
– آی جیرت دان نییه گلمیرسن؟
جیرت دان دئدی:
– ننه م منی سیزه تاپیشیریب ، منی دالینیزا آلیب آپارین.
یولداشلاری اونو نووبه ایله دالینا آلیب ، مئشه یه گتیردیلر.
اوشاقلار باشلادیلار اوْدون ییغدیلار. سونرا هر کس اؤز اودونونا شه له (شال) باغلاییب دالینا آلدی.
گؤردولر جیرت دان اوتوروب باخیر. اوْنا دئدیلر:
– آی جیرت دان ، سن نییه اوْدونو گؤتورمورسن؟
جیرت دان جاواب وئردی:
– یورولموشام. ننه م سیزه یاغ یاخماجاسی وئردی …
یولداشلاری اوْنون سوزونو آغزیندا قویدولار(قویمادیلار سؤزو قورتولسون). اونلاردان بیری جیرت دانا آجیقلاندی:
– پیس اؤیره نرسن. داها سنی دالیمیزا گؤتوره ن ده ییلیک!
جیرت دان علاجسیز قالیب یولداشلارینین دالیجا گئتمه یه باشلادی. اوْنلار بیر خیلی گئتدیکده ن سونرا آخشام اوْلدو. قارانلیق قوْووشدو( قارانلیقلاشدی)، یولو آزدیلار(ایتیردیلر). مئشه دن چیخاندا گؤردولر کی،بیر طرفدن ایشیق گلیر،اوْ بیری طرفده ایت هورور .بیری دئدی: ایشیق گله ن طرفه گئده ک، اوْ بیری دئدی: ایت هوره ن طرفه. بیلمه دیلر هانسی طرفه گئتسینلر.آخیردا جیرت داندان سوروشدولار:
– آی جیرت دان ،ایت هوره ن طرفه گئده ک، یوخسا ایشیق گه لن طرفه؟
جیرت دان جاواب وئردی:
– ایت هوره ن طرفه گئد سه ک، ایت بیزی قاپار ! ایشیق گه لن طرفه گئده ک ، بلکه یولو تاپیب بیلدیک!
اوْشاقلار ایشیق گه لن طرفه گئدیب بیر دیوین ائوینه چیخدیلار.دیو اوْنلاری گؤره نده سئوینیب اؤز- اؤزونه دئدی: “ یاخشی اوْلدو.گئجه اوْنلاری بیر-بیر یییه ره م “.
اوْشاقلارا بیر آز چؤره ک یئدیردیب یاتیردی. گئجه دن بیر آز کئچه ندن سونرا دیو اوشاقلاری یئمه ک ایسته دی.اوْ قارخیب و گئتدی کی دیشلرینی ایتیتسین . اوْشاقلارین یاتیب- یاتمادیغینی بیلمک اوچون دئدی:
– کیم یاتیب – کیم اوْیاق؟
بو سؤزو ائشیدنده،جیرت دان تئز باشینی قالدیریب دئدی:
– هامی یاتیب جیرت دان اویاق.
دیو دئدی:
– جیرت دان نییه یاتمیرسان؟
جیرت دان دئدی:
– منیم ننه م هر گئجه منه قایغاناق بیشیریردی، یئدیریب یاتیراردی.
دیو قالخدی، تئز قایغاناق بیشیریب جیرت دانا یئدیردی کی، بلکه یاتسین .بیر قه ده ر کئچه ندن سونرا دیو یئنه سوروشدو:
– کیم یاتیب ،کیم اویاق؟
یئنه جیرت دان باشینی قالدیریب دئدی:
– هامی یاتیب ،جیرت دان اویاق.
دیو سوروشدو:
– جیرت دان ، ایندی نییه یاتمیرسان؟
جیرت دان دئدی:
– هر گئجه ننه م منه چای دان قه لبیرله منه سو گه تیره ردی.
دیو آیاغا قالخیب، بیر قه لبیر(الک) گؤتوروب ،چایدان سو گتیرمه یه گئتدی.جیرتدان دا تئز یولداشلارینی اویادیب دئدی:
– بو دئو بیزی یئمه ک ایسته ییر.قالخین ، قاچاق.
اوْشاقلار تئز قالخیب چایدان کئچدیلر. بو طرفده ن دیو هر نه قدر قه لبیری سویا سالیب قالدیرسا،قلبیرده سو قالمیر.آخیردا تنگه گلیب قاییتماق ایسته ینده، بیرده ن گؤردو کی ، اوشاقلار چایین اوْ طرفینده گئدیرلر.ایسته دی سودان کئچیب اوشاقلارین داللارینا دوشسون،آمما کئچه بیلمه دی. آخیردا اوْنلاری سسله دی:
– آی اوشاقلار ،سودان نه ته هه ر کئچدینیز؟
جیرت دان تئز جاواب وئردی:
– گئت بیر دنه ده ییرمان داشی تاپ، بوینونا کئچیرت، اؤزونو سویا آت ،اوْندا کئچه رسن. دیو جیرت دانین سؤزونو ایناندی، گئدیب بیر ده ییرمان داشی تاپیب بوینونا کئچیرتدی، اؤزونو سویا آتدی، داش اونو سویون آلتینا چه کدی و دیو بوغولوب اؤلدو.
یازان: تیموری

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز