روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۶
روزنامه ساقی آذربایجان
تبلیغات
آمار بازدید
  • 1
  • 516
  • 798
  • 1,334,015
حاجی زین العابدین مراغه‌ای کیمدیر؟

حاجی زین العابدین مراغه‌ای آذربایجان و ایراندا ایلک رومانی یازماقلا[۱]، مدنیت تاریخینده آدی حک اولموشدور. زین العابدین ۱۲۵۵ ق ایلینده ساوجبلاغ- بوگونکو ماهاباد- شهرینده دونیایا گلیب، سونرا اردبیله و داها سونرا مراغایا کؤچوب، اورادا قالیر. آنجاق یاشاییشی بئله مستبد حاکیم لرین اولدوغوندان چتین گؤروب قافقازا کؤچور. او تجارتله کئچینیب، بیر زامان تفلیسده قالیر. سونرا کریمه ایالتینه و داها سونرا استانبولا کؤچمه‌یه مجبور قالیر. روس ایله عثمانلی دؤیوشونده یالتا شهرینه گئدیب، روسیانین امپراتورو یانیندا حؤرمت قازانیر و بیر ایرانلی تاجیرکیمی تانینیر. حکومت طرفیندن اونو روس تابعلیگینه گؤتورورلر. استانبولدان قادین و اوشاقلارینی روسیایا گتیریب، آسایشده عؤمور سورور. آنجاق وطنه علاقه‌سی گونو گوندن آرتیب و یازدیغی اثرلرینده و مکتوبلاریندا وطن سئوه‌رلیگی تبلیغ ائدیر.
مراغه‌ای نین شاه اثری «ابراهیم بیگ سیاحت نامه‌سی[۲]» دیرکی ایرانین مشروطه اینقیلابیندا درین ائتکی بوراخمیشدیر. او، بو اثرینده قانونون گره‌کلی‌گی حاققیندا ده‌یرلی دوشونجه‌لر، فیکرلر ایره‌لی سورموش، اوروپادا اولان قانونلاری ایرانداکی قانونسوزلوقلارلا مقایسه ائدره‌ک، خلقینی استبدادا قارشی مبارزه‌یه چاغیرمیش و قانون یاراتماغی لازیم بیلمیشدیر.
مراغه‌ای روسیادا چوخ قالا بیلمیر. اوره‌یی وطن اوزاقلیغینا دؤزه بیلمیر. نهایت مکه‌یه گئتمک باهاناسیلا، توکان و حجره‌سینی اوجوز ساتاراق استانبولا گئدیر و اورادان مکه‌یه گئدیب، داها بیرده روسیایا دؤنمور. عؤمرونون آخیرینه قده‌ر تورکیه‌ده قالیب و ایرانین اینقیلابی غلبه چالماق اوچون قلم ایله چالیشیر. او، ۱۳۲۸ هـ ایلینده استانبولدا دونیاسینی ده‌ییشیر.[۳]
مراغه‌ای‌نین اثری دونیانین مختلف دیللرینه چئوریلیب و دفعه‌لرله باسیلیبدیر. اونون سیاحت نامه‌سی یئنی اوروپا سایاغی رومان ساییلاراق، فارس ادبیاتیندا ایلکین رومان تانینیر و اجتماعی- سیاسی تنقیدلرله دولودور. دیل جهتیندن فارسی یازمیشسادا، تورک یازی قایدالاری اوندان ساخلانمیش و تورک اولدوغونا یئر به یئر یازیلاریندا فخر ایله توخونموشدور.[۴]
۴) حاجی زین‌العابدین مراغه‌ای، سیاحت نامه ابراهیم بیک، به کوشش محمدعلی سپانلو، تهران، ۱۳۶۴٫
۱) بو اثر، پروفسور حمید محمدزاده‌نین همتی ایله آنادیلیمیزه چئوریلمیش و «یول» درگیسینده چاپ اولموشدور. پروفسور محمد زاده‌نین ده یرلی ایضاحلاری چوخ آچیق و علمی اولاراق، اثرین داها فایدالی اولماسینا یاردیم ائتمیشدیر.
۲) سید جواد طباطبائی، مکتب تبریز و …، همان، ص ۴۹۲٫
۱) میر جلال، ۲۰ عصر آذربایجان ادبییاتی، باکی، ۱۹۶۹، ص ۲۵۷٫
م. کریمی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز