روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۹/۱۱
روزنامه ساقی آذربایجان
تبلیغات
آمار بازدید
  • 0
  • 747
  • 1,066
  • 1,388,815
حافظ دونیانین بؤیوک شاعیرلـریندن

بوردا گؤردوگوموز کیمی، دوکتور رزاقی نزهت تبریزلی، حافظین غزلینی بئیت به بئیت، کلمه به کلمه عینی صورتده، معنایی دگیشمه‌دن آنا دیلیمیزه چئویرمیشدیر. وزن، آهنگ، سؤزلر، معنالار هر ایکی غزلده ـ فارسجا و تورکجه ـ عینی‌دیر آنجاق بیری فارس دیلینده و ایکینجی‌سی تورک دیلینده، رزاقی دا بورادا دیلیمیزه یئنی‌لیکلر گتیرمیشدیر و بو یئنی‌لیک بوندان عبارتدیر کی قافیه‌لرده باشقا بیر قافیه‌نی اله آلمیش، تورکجه قافیه‌نی مئیدانا گتیرمیش و نهایتده اؤزونو حافظین تأثیریندن بوراخمیشدیر. آنجاق آذر پویانین تورکجه‌سیله بیر بالاجا فرقله‌نیر. دئمک اولار حافظین سؤزلری بورادا گاهدان عینی صورتده قالمیشدیر و اونون ائتکی‌سی گؤرونمکده‌دیر. آنجاق اصیل بیر دیلده سؤیلندیگیندن سؤز آچا بیلیریک و بو دیلده بوتون وطنداشلاریمیز، ساوادسیزلار و ساوادلیلار، هامی مکمل بیر صورتده دوشونورلر و ذؤوق آلیرلار. ایندی، من بونو دئمک ایسته‌ییرم بئله تورکجه غزللر الیمیزده اولاراق، حافظین داها فارسیجا غزلی بیزه گره‌ک دگیلدیر. بلکه بونلاردان و اؤز دیلیمیزده اولان غزللردن داها آرتیق فایدالانیب، لذت آپاریریق. ایندی باشقا غزللره و چئویرمه‌لره دقت بویورونوز. حافظین آدلیم مشهور غزلی:
دوش دیدم که ملائک در میخانه زدند،
گل آدم بسرشتند و به پیمانه زدند.
رزاقی:
دون مَلکلر گلدی گؤردوم درگه میخانه‌یه،
تا عجین خاک آدم اولدو مئی پیمانه‌یه.
آذر پویا:
دون چیخیب گلدی ملکلر گئجه، مئی خانه‌سینه،
آدمین پالچیغینی یایدیلا پیمانه‌سینه.
***
ساکنان حرم ستر و عفاف ملکوت،
با من راه‌نشین باده‌ی مستانه زدند.
اگله‌شیب اول پرده‌ی عفتده‌کی افلاکیلر،
بو من خاکی ایله بزم باده‌ی مستانه‌یه.
ملکوتون حرمینده اولان عفتلی‌لری،
من دیلنچی ایله ایچیبلر مئیی مستانه‌سینه.
***
آسمان بار امانت نتوانست کشید،
قرعه‌ی کار به نام من دیوانه زدند.
گؤیلر عاجز قالدیلار بار امانت چکمه‌گه،
یوکله‌دی من تک جهول عاشق دیوانه‌یه.
طاقتی اولمادی چکسین گؤی امانت یوکونو،
چکدیلر قرعه‌ چیخیب من کیمی دیوانه‌سینه.
***
ما به صد خرمن پندار ز ره چون نرویم،
چون ره آدم خاکی به یکی دانه زدند.
یوزله خرمن تیکمیسن یارب! یولومدا نئیله‌ییم،
جدیم آدم چیخدی یولدان وئردی دل بیر دانه‌یه.
اویماماق بیز نئجه، یوز شوبهه‌لی خرمن فئلینه،
اویدو بیر حالدا کی آدم نبی بیر دانه‌سینه.
***
جنگ هفتاد و دو ملت همه را عذر بنه،
چون ندیدند حقیقت ره افسانه زدند.
عذرین ایسترکن قاریشما یئتمیش ایکی فرقه‌یه،
تاپمادی کیم حقه یول، اوز قویدولار افسانه‌یه.
سن ده یئتمیش ایکی فرقه ساواشین عذرلو گؤر،
تاپمادان حق یولونو اویدولار افسانه‌سینه.
***
شکر آن را که میان من و او صلح افتاد،
حوریان رقص‌کنان ساغر شکرانه زدند.
تاری‌یه یوز شوکر من اونلان باریشدیم عاقبت،
آلدی ساغر حوریلر، اوینوردولار شوکرانه‌یه.
اورتامیزدا باریشیق شوکرو اوچون اونلا منیم،
حورولار رقص ائده‌رک ایچدیله شوکرانه‌سینه.
***
آتش آن نیست که بر شعله‌ی او خندد شمع،
آتش آن است که در خرمن پروانه زدند.
اود سانېلماز شعله کی شمعی اوزو ایلن گولدوره،
اود اودور کی سالدې شرارین خرمن پروانه‌یه.
سانما، شمعین گولوشونده آلیشان شعله‌نی، اود،
اود اودور کی ساچیلیب خرمن پروانه‌سینه.
***
کس چو حافظ نکشید از رخ اندیشه نقاب،
تا سر زلف عروسان سخن شانه زدند.
کیمسه حافظ تک کنار ائتمز حجابی فیکردن،
تاپشیریب سؤزلر عروسی تا کی زولفون شانه‌یه.
اؤرتوگون آچماییب حافظ کیمی هئچ کیم فیکیرین،
داراناندان بری، سؤز زولفو قلم شانه‌سینه.
***
ایندی لازیمدیر بو ایکی دیلماج و شاعیریمیزی یاخشی تانییاق. دوکتور نزهت تبریزی، رزاقی تخلوصو ایله دگه‌رلی بیر عالیم، بیلیم یوردونون معلمی، ادبیات عالیمی اولاراق، ایران دانشگاهلاریندا ۳۰ ایل حافظ دیوانینی درس وئرمیش و اونلارجا ادبیات دوکتورلرینی بئجه‌رتمیشدیر. آنجاق شهریارین آناسیندان اؤیره‌نه‌‌‌رک آنا دیلینه محبت بسله‌میش و اؤز بورجونو اؤده‌مه‌یه چالیشمیشدیر. شهریارین آناسی، بؤیوک شاعیریمیزه اوز توتوب دئمیشدی:«ـ اۏغول، ائشیتدیڲیمه گؤره سن بیر بؤیوک آدلیم شاعیرسن. آمما من سنین دئدیکلریندن هئچ بیر شئی قانماییرام. آخی بیر دیلده شعر دئ کی من ده قانیم!» و نهایت بؤیوک شاعیریمیز شهریار دا شاه اثری اولان «حیدربابایا سلام» اثرینی یازیر. رزاقی بو روایته اینانیب،[۱] اؤز بورجونو آنا دیلینه بو چئویرمه ایله اؤده‌ییر.
رزاقی‌نین بو اثرینه دوکتور پرویز اهور و دوکتور عباس خویی ایرانین آدلیم یونیوئرسیته اوستادلاری و دگه‌رلی یازارلار مقدمه (اؤن سوز) یازمیشلار و رزاقی‌نین هونرینی آلقیشلامیشلار. اونلار بئله اینانیردیلار کی حافظین غزللری هئچ بیر دیله چئوریله بیلمز. آنجاق بو چئویرمه‌نی گؤردوکده، تورک دیلی‌نین گؤزه‌للیگینه و رزاقی‌نین هونرینه اینانیرلار.
آنجاق دوکتور رزاقی بو ترجومه‌یه گؤزو آچیقلیقلا ال وورموش. او نسیمی، فضولی، صائب، صابر، معجز دیوانلارینی دریندن اوخویوب دوشونموشدور. حافظین کلامینی و درین معنالارینی بو شاعیرلرین دیلینده ده گؤرموشدو. اوستاد رزاقی اؤزو، آدلارینی آپاردیغیمیز شاعیرلرین دیوانلاریندان گؤزه‌ل اؤرنکلر وئره‌رک، ایسته‌ییر اونلارین آردیجا یولا دوشوب و خالقیمیز حافظین فارسجا دیوانین اوخویا بیلمه‌دیڲیندن اذیت چکمه‌لرینه سون قویسون. باشقا سؤزلر داها فارسجا دیوانی یوخ، بلکه حافظین تورکجه‌یه چئویردیگی غزللری اۏخوماقلا، داها فارس دیوانینا محتاج اولماسینلار. بونو، رزاقی اؤزو کتابینا یازدیغی اؤن سؤزده سؤیله‌ییر و باجاریقلا بئله بیر هدفه ده چاتمیشدیر.
قیزیل قلم آذر- م. کریمی
ایضاح:مطلب قیسسالیبدیر

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز