روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۹/۰۶
روزنامه ساقی آذربایجان
تبلیغات
آمار بازدید
  • 0
  • 450
  • 1,139
  • 1,383,757
حافظ دونیانین بؤیوک شاعیرلـریندن

فارس ادبیاتی‌نین نهنگ شاعیرلریندن بیری‌سی ده حافظ‌دیر کی بو گونه قده‌ر ایران و فارس شاعیرلرینه بؤیوک ائتکی‌لر بوراخاراق، فارس ادبیاتی‌نین زیروه‌سینده دایانمیش و اونون دیوانی بیر معجزه کیمی مقدس ساییلیب و بوتون ائولرده اؤزونه یئر آچیبدیر. حافظین دیوانی قرآندان سونرا، ان چوخ یاییلمیش بیر کیتاب کیمی ائولرده واردیر و هامی اونا مقدس بیر کیتاب کیمی توخونور. اونونلا فال آچیب و گله‌جه‌‌گینه اونونلا یول آختاریر.
آنجاق بو کتاب دا بیزیم آذری تورکجه‌سینه چئوریلمیش و بو گون حافظین دیوانینی اؤز آنا دیلیمیزده اوخویا بیله‌ریک. حافظین غزللری آذربایجان ادبیاتیندا اؤنملی بیر یئر آلمیش و چوخلو شاعیرلریمیز، حافظه اقتدا ائده‌رک اونا بنزه‌تمه‌لر یازمیشلار و حافظی اؤزلرینه مراد و پیر کیمی تانیمیشلار.
مگر عماد الدین نسیمی، مولانا فضولی، صائب تبریزلی و شهریار کیمی بؤیوک شاعیرلریمیز حافظه حؤرمتله توخونماییبلار؟
۶۰۰ ایل اقتدارلا اوره‌کلرده اؤزونه یئر آچمیش سلطنت ائتمیشدیر. ۶۰۰ ایل بویوندا بلکه ده یوزلر شاعیر، مینلر یازیچیمیز و دوشونجه‌لی بیلگیلریمیز و میلیونلار خالقیمیز حافظه حؤرمت بسله‌میشلر. اونون غزللری بلکه اونلارجا شاعیرلریمیز طرفیندن چئوریلمیشدیر. آنجاق بو گون ایکی دیلماجیمیز اونون غزللرینی ائله گؤزه‌ل چئویرمیشلر کی فارسجا ایله توتوشدوردوقدا، فارسجا شعری اصلدیر، یوخسا تورکجه‌سی سوروسونون قارشیندا، چوخلاری تورکجه‌نین اصل اولدوغونو دویا بیلیرلر. بو ادعانی اثبات ائتمک اوچون بو ایکی دیلماجین اثرلرینه مراجعه ائدیب و حافظین اؤز دیلی ایله مقایسه‌یه قویاجاغیق، بیرینجی غزل:
الا یا ایها الساقی ادر کاساً و ناولها،
که عشق آسان نمود اول، ولی افتاد مشکل‌ها.
به بوی نافه‌ای کاخر صبا زان طرّه بگشاید،
ز تاب جعد مشکینش چه خون افتاد در دل‌ها.
مرا در منزل جانان چه امن عیش چون هر دم،
جرس فریاد می‌دارد که بربندید محمل‌ها.
به می سجاده رنگین کن گرت پیر مغان گوید،
که سالک بی‌خبر نبود ز راه و رسم منزل‌ها.
شب تاریک و بیم موج و گردابی چنین هائل،
کجا دانند حال ما سبکباران ساحل‌ها.
همه کارم ز خودکامی به بدنامی کشید آخر،
نهان کی ماند آن رازی کزو سازند محفل‌ها.
حضوری گر همی خواهی از او غایب مشو حافظ،
متی ما تلق من یهوی دع الدنیا و اهملها.
آنجاق ایندی ناصرالفقرا (آذر پویا) نین دیلی ایله بو غزلی اوخویالیم:
آماندیر سنله‌یم ساقی، ساقی گتیر ایچه ائللر،
کی عشق آسان ایمیش اوّل، سورا باشلاندی موشکوللر.
بو آرزی ایله کی اول ساچدان صبا عنبر ساچار بیر گون،
تؤره‌ندی قاپ قارا قیوریملی ساچدان بوللو نیسگیللر.
نئجه جانان ائوینده دینجه‌لیم، بیر حالدا کی هر آن،
دؤهوللر هایلاییر: باغلا یوکون، یوللاندی محمللر.
بویا سجاده‌نی مئی‌له، وئرسه موغلار پیری فتواسین،
بیلیر یول ـ یؤنده‌مین عارف، کؤچورموش چوخلو منزیللر.
قارانلیقدیر گئجه، دهشتلی دیر دالغا، بورولغانلار،
نه بیلسینلر بیزیم حالی گزه‌نلر مئهلی ساحللر.
هوسکار اولدوغومدان عاقبت روسوای‌لیغا چاتدیم،
نئجه گیزلین قالار بیر سیر کی ازبردیر بوتون دیللر.
حضورون «آذر» ایسته‌رسن، دور، اولما یاردان غایب،
بوشا دونیانین اسبابین، یاشا حافظ کیمی ایللر.
ایکی غزلی، بیرگه بئیت به بئیت توتوشدورون. گؤرورسونوز کی:
۱ـ حافظین غزلی‌نین آهنگی و وزنی عینی حالدا ساخلانیلمیشدیر.
۲ـ معنا یؤنه‌سیندن، کلمه به کلمه چئوریلمیشدیر و هئچ بیر سؤزو ده‌ڲیشیلمه‌میشدیر.
۳ـ گؤزه‌للیک اوندان اسکیک دڲیلدیر.
۴ـ بوتون کلمه‌لر و سؤزلر آنلادیغیمیز تورکجه‌ده‌دیر و حافظین آنا دیلی اولان فارسجا و ایشه چوخ آپاردیغی عربجه دیللرین ائتکی‌سی یوخدور.
۵ ـ آذر پویانین تورکجه‌ده اولان مهارتی بوتون هر یئرده اؤزونو گؤسته‌ریر. باخین: فارسجادا «زتاب جعد مشکینش» عباره‌سینی بئله چئویرمیشدیر: «قاپ قارا قیوریملی ساچدان»، «راه و رسم» عباره‌سی بئله اولموشدور:« یول ـ یؤنده‌مین»، «گرداب» سؤزونو ده «بورولقان» ترجومه ائتمیشدیر و نه قده‌ر ده گؤزه‌ل!
۶ ـ باشدان باشا حافظین معروف غزلینی، چوخ گؤزه‌ل صورتده چئویرمیشدیر.
ایندی ایکینجی چئویرمه‌گه دوکتور رزاقی‌نین هونریله باخالیم:
دولاندیر جامی، ایچدیر بیزله ساغردن ای ساقی،
محبت سهل سانمیشدیر، قالیب موشکولده رزاقی.
صبا عنبر تئلیندن تا آچا سرچشمه‌ی مُشکی،
اوره‌کلر تاب زولفوندن قالیب قانلاردا مشتاقی.
منه لیلا مقامیندا خطادیر فارغ اگلشمک،
کی کروان سسله‌نیر دایم: ییغیشیدیر بو اوتراغی.
شرابیلن بویا سجاده‌نی، پیرین وئره فتوا،
طریقت یوللاریندا سالیک آنلار رسمی ـ میثاقی.
قارانلیق دالغالاردان، بورلاغان بیمینده خوف ائتمز،
قوران دریا کناریندا بزه‌نمیش بزم ییلاقی.
منم من سؤیله‌مکدن خوش آدیم آخر خراب اولدو،
نئجه گیزلین قالار بیر سیرر کی دولدورسون ییغینجاغی.
تغافل ائتمه «نزهت» یاردان، سعی ائیله حافظ تک،
آتان افسانه دونیانی، تاپار مشهور آفاقی.
قیزیل قلم آذر- م. کریمی
ایضاح:مطلب قیسسالیبدیر

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز