روزنامه کثیرالانتشار سراسری صبح ایران
به دو زبان ترکی و فارسی
۱۳۹۹/۱۱/۰۳
( چارلی چاپلین باخیمیندان )
سئوگی‌یه اوغراماق و او قده ر گولمک‌کی گولمکدن سانجیلاناسان.
یولجولوقدان دؤنن زامان گؤره‌سن کی مینلر مکتوب ائوه‌گلمیش. گزمک اوچون دوغانین صفالی و خوش هاوالی یئرینه گئده‌سن. رادیو پروگراملاریندان سئودیگین موسیقینی دینله‌یه‌سن. دینج حالتده اوتوروب و یاغمورون سه سینه قولاغ وئره‌سن. یویوناندان سونرا ایستی بیر حووله‌نی گییه سن. ان سونونجو سیناقینی موفقیت‌له آشیراسان. اوره‌یین ایسته‌ین بیری کی چوخداندی گؤرمه‌ییبسن تئلئفن آچاماسیله‌سنی دویغولاندیرا. کؤهنه پالتاری‌نین جیبینده پارا بولاسان. گوزگو قاباغینا دوروب اَدالار چیخاریب گوله‌سن. دینج گئجه‌یاری سیندا تئلئفن گلمیش اولا و اوره‌یین ایسته‌ین قده ر دانیشاسان. سبب سیز گولمک‌لر و وجودوندا اوز وئره. بیردن بیره ائشیده‌سن کی بیری سندن تعریف ائدیر. سحر تئزدن دوروب و گؤره سن‌کی داهادا یاتماغا ایمکانین وار و یئنی‌دن یاتاسان.
بیر ماهنینی دینله‌یه‌سن کی بیر اینسان خاطیره‌سینی سنده جانلاندیرا. بیر گروپون عضوی اولاسان و اوردا کندینه گؤره حیس لرین اولموش اولسون. زیروه‌دَن گونشین باتماسینی ایزله‌یه‌سن. یئنی یولداش لار تاپاسان. سئودیگین اینسانی گؤره‌‌ن زامان اوره‌یین چیرپینا. گؤزه‌ل آنلاری یولداش لارینان یاشایاسان. سئودیگین اینسانلاری شاد و کئفی ساز گؤره‌سن. اسکی بیر یولداشی گؤره‌سن و گؤره‌سن‌کی هئچده فرق ائتمه‌میش و زامان سیخینتی سینی چکمه‌میش دیر. آخشام اوستو دنیز قیراغیندا قدم ووراسان. بیر نفر اولموش اولسون کی بیله‌سن کی سنی سئویر. خاطیرلایاسان کی بیر یئره توپلاشان زامان یولداشلار نه گولمه‌لی ایش لردن چیخاردیلار و سن گوله‌سن بیر داهادا گوله‌سن و هئی گوله‌سن.
حیات بیر چتین لیک دئییل‌کی حلّ ائتمه‌لی اولسون بلکه بیر هدیه و تحفه دی کی گره‌ک اوندان داد آلیب دادلاناسان. هر زامان کی حیات سنه یوز نه‌ده‌ن آغلاماق‌چین گؤستردی، سن حیاتا مینلر نه‌ده‌ن گؤستر گولمکدن اؤترو.
دکتر اکبر رضایی
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید