روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۹
روزنامه ساقی آذربایجان
تبلیغات
آمار بازدید
  • 0
  • 280
  • 814
  • 1,336,016
حسن بیگ زردابی کیمدیر؟

آذربایجان ادبیاتیندا ۱۹ جو یوز ایللرینی آخوندزاده آدییلا باغلامیشلار. بو عصیری «میرزا فتحعلی عصری» آدلاندیریبلار. آنجاق بئله بیر زاماندا زردابی کیمی بؤیوک اینسانلاری اونوتماق اولماز[۱]. بئله دؤوراندا معارفچی حسن بیگ زردابی مئیدانا گلیر و آخوندزاده‌نین باشلادیغی ایشلری ایره‌لی سورور و عملده اجرا ائدیر. حسن بیگ آذربایجاندا میللی شعورون، وطن پرورلیک حیسی‌نین تربیه‌سی ساحه‌سینده اؤنجول فعالیته باشلاییب و اجتماعی- سیاسی یازیچی اولاراق اجتماعی خادیمی کیمی مئیدانا چیخیر. زردابی «اکینچی» آدیندا آذربایجانین ایلک درگی سینی چیخارماقلا، آذربایجان مدنیتی تاریخینده آدی‌نین قیزیل حرفلرله یازیلماغا لاییقدیر. اونون گؤستردیگی ایلک تئاتر تماشاسینا گؤره، آذربایجان تئاتر تاریخینده بیرینجی آدلار سیراسیندا آدی‌نین داخیل اولماسی گره‌کیر و آذربایجان بئله معارفچی خادیملرینه فخر ایله یاناشماسینا لاییق بیر اینسان دیر.
زردابی، یالنیز اؤز دوغما تورپاغی‌نین، ایکی‌قات، اوچ‌قات ظولم آلتینا دوشموش وطنداشلاری‌نین مودافیعه‌سینه قاتیلدیغی، معارفین یورولماز جارچیسی کیمی چیخیش ائتدیگی اوچون، خالقیمیزین حافیظه سینده همیشه یاشامالی دیر.
زردابی آذربایجانین ایلک معارف پرور، وطن‌پرور و میللیتچی‌سی دیر[۲]. او، درگی سی‌نین آدینی «اکینچی» قویموشدو. بو آد تصادفی سئچیلمه‌میشدی. اکینچی سؤزونون آلتیندا بؤیوک رمزی معنا، گئنیش فعالیت وئرلیشی گیزلنمیشدی. او، بورادا چاغداش اوصوللار اساسیندا داها ثمره‌لی ایشله‌مه‌یی اؤیره تمک و معاریف توخومونو سپمک اوچون نظرده توتموشدو. زردابی اؤزو آذربایجان مدنیتی تاریخینده بئله بیر اکینچی اولدو.
اونون «اکینچی» قزئته‌سی ۱۸۷۵ جی ایلدن توخوم اکمه‌یه باشلاییب و بو توخوم‌لار یاخین زاماندا «کشکول»، «شرق روس»، «حیات»، «ارشاد»، و «ملانصرالدین» ژورناللارینی جوجردیب بویا-باشا چاتدیردی. حسن بیگ ۱۸۶۵ جی ایلده مسکووا یونیوئرسینه‌سینی باشا چاتدیردی. بو آذربایجانلی گنجین قارشیسیندا گؤزه‌ل اوفوقلار آچیلمیشدی، آنجاق هارا گئدیرسه، هارادا بیر ایش باشینا کئچرسه ‌قارشیندا دایانان‌لار آز اولمامیشلار. آنجاق زردابی بیگ‌ده بو دورومو گؤردوکده سارسیلماییب، بلکه داها اراده‌لی اولاراق یولونا داوام وئریب، نهایت آذربایجان مدنیت تاریخینده ایکی بؤیوک ایشی یئرینه یئتیریر. بیرینجی «اکینچی» قزئتی‌نی یایماق، ایکینجی‌سی‌آذربایجان تئاترینی صحنه‌یه چیخارماق!
بو ایکی‌ایشی ایله آذربایجان مدنیتینده بیر دؤنوش نوقطه‌سی یاراداراق، خلقی‌نین فیکرینده، شعوروندا بیر حرکت یارادیر. زردابی ۱۸۴۲ جی ایلده آنادان اولوب، ۱۹۰۷ جی ایلده گؤزونو بو دونیایا یومور، آمما یاراتدیغی اثرلر همیشه لیک قالمادادیر. او درین مقاله‌لریله خالق ایچینده اویانیشا سبب اولموش، میللت ایچینده فیکیر و دوشونجه توخوملارینی اکیب و یاخین گله‌جک‌لر مدنیت- اجتماعیت و باشقا علم ساحه‌لرینده میوه‌لرینی خلقیمیز دره ‌بیلیر. مشروطه اینقیلابینا دوغرو گئده‌ن یولون آچیلیشیندا زردابی کیمی دوشونجه‌لی، معارف پرور اینسانلارین وارلیغی بؤیوک نعمت ساییلیر. بونسوز اینقیلاب باشلانماییب، نتیجه‌یه اوغرامازدی. خالقیمیزین فیکیر حیاتیندا زردابی لار کیمی اینسانلارین وارلیغی برکت‌لی و ثمره‌لی دیر.
۳) م. کریمی، روشنفکران آذربایجان، ص ۷۸٫
۱) ولایت قولی ئیف، تاریخده ایز قویان آذربایجانلی لار، ص ۱۱۸٫
م. کریمی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز