روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۸/۲۵
روزنامه ساقی آذربایجان
آمار بازدید
  • کاربران حاضر: 2
  • بازدید امروز: 65
  • بازدید دیروز: 704
  • کل بازدید ها: 872,267
حضرت رقیه(س) مرثیه سی

نئچه گون ایدی ائوده بیر سفره گئتمک دن دانیشیلیردی رقیه (س) گؤروردو هر دم آناسینین گؤزو دولور یاواشجا آغلاییر .
آتا سین دان سوروشدو:آتا جان ،سفره گئدیریک؟
آتا ،رقیه (س)ی باغرینا باسیب بویوردو:دئ گؤروم قیزیم سفره مایل سن گله سن؟
رقیه (س) سوروشدو:آتا جان منه دئ آیا بی بی مده بو سفره گله جک؟
آتا بویوردو:هه بی بی نده گله جک قیزیم .
رقیه (س) سئویندی :منده گلیرم آتا ، آخی بیلمیرسن بی بییم منی نه قده ر سئویر،منده اونی سئویرم .
آتاسی گولوب اونی برک باغرینا باسیب قوجاقلادی .
معین اولان گون یئتیشدی سفرین توشه سینی دوزلدیب یولا دوشدولر رقیه (س) سئوینیردی یولو باشدان باشا بی بی سینین کجاوه سینده ایله شیب هر دم گئدیب بالاجا قارداشینین یاتاق یئرینه آناسی تکین اونا لای لای چالیردی…لای -لای بالام لای -لای .
لای -لای گؤزلیم لای -لای گؤزونه قربان اولوم دیده خماریم لای- لای……….
کاروان بیر اوتوراق یئرینه یئتیشیب گوزل قیز باشینی بی بی سینین دیزینه قویوب هوشلانیردی ،آتاسینین سسین ائشیتدی،منیم باجیم بویئرده اوتوراق ائده جه ییک .
کاروان فراتین یاخینلیقیندا بیر کیچیک تللین یانیندا یئر سالیب خیمه لر قوروندو .
گئجه چاغیدیر درین سماده توتقون هاوادا آی ایشیغین گیزله دیب ، قارانلیق یئر گؤیی بوروموشدو.
فراتین سویونون سسی گئجه نین سکوتون سیندیریب نعره چکه چکه گئدیردی .
اوزون قمیشلر فراتین دوره سین آلیب اوزاقدان اوزاقا بایقوشلارین سسیله قورخونج صحنه لر یاراتمیشدیر .
رقیه (س) وحشتله یان دوره سینه باخیب بی بی سینین اته گین دوتوب بوراخمیردی .
بو حالدا آتاسی بی بی سینین قولاغینا آستاجاسینا دئدی سه بی بی سینین آغلاماغینا سبب اولدی.
رقیه (س) بی بی نین حالینا باخیب اودا آغلاماغا باشلادی.
بی بی سی رقیه(س) ی باغرینا باساراق بویوردو آغلاما قیزیم نه قده ر کی ساغام قویمارام سن آغلایاسان….
سگگیز گونییدی کربلا چولونده اوتوراق ائتمیشدیلر او گون قوللوقچولاری گلیب بی بی سینه دئدی: خانیم خیمه لرده بیر ایچیم سو یوخدور .بی بی سی بویوردو : قارداشیم امام حسین (ع) بویورانادک ،طاقت گتیرین
ایکی گون ایدی فراتین یولو باغلانیب ، خیمه لردن سو کسیلمیشدیر. آمما رقیه (س) ابوالفضل (ع) عمی سینه گووه نه رک سوسوزلوقدان قورخوسو یوخ ایدی.
دوققوزونجو گون آخشام چاغی بوتون حرم اهلینین سوسوزلوقدان دیل دوداقلاری قوروموشدو رقیه (س) سوسوزوندان بی بی سینین یانینا گئدیب سو ایسته دی بی بی سی اوشاغی باغرینا باسارکن دئدی : ایستکلی بالام دوزومون اولسون ،عمین گئدیب سو گتیره جک.
رقیه (س)، بی بی نین خیمه سیندن چیخیب آناسی روبابین خیمه سینه قاچدی بالاجا قارداشینین آغلاماق سه سین ائشیتدی . آناسی روباب بئله باشی علی اصغر(ع)ین اویوندورماسینا قاتیلمیشدی اونون گلمه گینی باش تاپمادی، رقیه (س) اؤز اؤزونه دئدی ، عمیم ابوالفضل(ع)ه دئسه م اوبیزه سو گتیرر، دیه گئتدی عمیسی ابوالفضل(ع) ین خیمه سینه.عمیسی بونو قوجاغینا آلیب گؤردی اوشاغین رنگی سولوب ، دوداقلاری قوپ قورودو .رقیه (س) قوللارین عمی سینین بوینونا دولاییب دئدی:عمی جان سنین سویون وار؟
آخی قارداشیم آنامین قوجاغیندا سوسوزوندان یاتمیر .!
بو سؤزحضرت ابوالفضل(ع)ین جانینا لرزه سالیب و اونو یئریندن قالدیردی و نئچه مینجی دفعه اولاراق یئنه آتین یه هرله ییب فراته ساری یولا دوشدی …….
عاشورا گونو یئتیشدی گئجه نی سحر آچانادک بالاجا قارداشینین آغلاما سسی باشین دایدی و بیر یانداندا بی بی سینین سجاده باشیندا نامازقیلماغین وبویوک آللاه ایله رازو نیازین ائشیتمیشدیر.ایستی هاوادا سوسوزلوقدان له له ووروب خیمه نین ایچینده دولانیردی نئچه یول ایسته میشدیر ائشییه چیخسین ولی بی بی سی قویمامیشدی.بیر یاندان دشمنلرین قیلینج سسلری ، نریلتیلری ، آتلار چاپینتیلارینین سسی ودشمنلرین فرات قیراغیندا اوجادان های کووایله قورخونج سسلری اونون بالاجا اوره یین سینه سینده برک دویونتویه سالمیشدی .
سانکی ایلدیریملار نعره چکه رک اود یاغدیریردی یئر گؤویو توز تورپاق آلیب دهشتلی صحنه لر یاراتمیشدی و بلکه آللاه تعالی اوز وئرمیش حادیثه لره گوره غضبه گلیب یئر کوره سین داغیتماق ایسته ییردی..!
بو حالدا باجیسی سکینه نین آغلاماق سسینی ائشیتدی .
بی بی سی و سایره حرم خاتینلاری ائشییه قاچدیلار.
نییه کی چون آتاسینین آتی دویوش میدانیندان قاییت میشدی آمما آتاسی همیشه کی کیمی آتین بئلینده دئیلدی .
بی بی سی ایکی الین باشینا چیرپاراق تورپاقلاری باشینا سووردی .
سکینه آتین بوینون قوجاقلییب آغلییردی . آز زامان چکمه دی اودلو اوخلار خیمه لری اودا چکدی .
اوره کلری چیرکینلیکله بله شمیش ویجدانسیزلار وحشیجه سینه حرم اهالیسن کینه لری ایله بسله دیلر.
بی بی سی حضرت زینب(س) بو احوالاتی گوردوکده بویوردو : بیر یئرده قالمایین .
خیمه لردن ائشیگه چیخیب داغیلین .
رقیه(س)ین اوره یین دهشت آلیب ایاق یالین چؤللره قاچدی…….
او بیاباندا قاچا قاچا آتاسینی ، عمی سینی، قارداشینی چاغیریر…….
آز زامان چکمدی خیمه لر یانیب قورتاردی ،اسیر خاتینلاری ، اوشاقلاری بیر یئره ییغیب شامه طرف یولا دوشدولر .
بویوک قارداشی امام سجاد (ع) ناخوشلوق اودوندا یانیردی او حالدا اونون بوینونا زنجیری باغلایب چکیردیلر .
رقیه (ع) اونون مایوس باخیشلارینا باخیب اوره گی قان اولوردی….
یورقون کاروان شاما یئتیشیب یزیدین کاخینا یاخینلاشدیلار .
ملعون یزیدین امریله اونلارا یاخینلیقداکی خرابه ده یئر وئردیلر .
آنجاق بو خیرداجا قیز گوزل ادالارین، شیرین سوزلرین،شیرین گولوشلرین، یاددان چیخاردیب ، جانی قمچی لر اثرینده گووه ریب ، قارداشی آلان سیرغانینین یئرینه قان لخته سی آسلانیب .
کاروان حرکت ده ایسه گئجه نین یاریسیندا بیر کس بیلمه دن کجاوه دن یئره دوشوب جانسیز اولدوزسایاغی گؤزلردن ایتیب سانکی بو کورپه بالا قورخولارلا تابلاشا تابلاشا خسته جسمی نئچه ساعاتلارچوللرده قالیب ،یوللاری پیاده گئتمکده دن آیاقلارینا تیکان باتیب یارالانیب آخ…. بو اوشاقین صبری باشا چاتیب……
بی بی سی سولموش قونچانی قوجاقلئیب اونون اوره گینین دویونتوسوندن آرامش تاپیردی بیر آزجا واراییدی رقیه (س) هوشلانمیشدی بیردن یوخودان اویانیب آتا سین ایسته دی :بی بی آتام هاردادیر ؟
بی بی بویوردو : قیزیم آتان آللاهین یانینا گئدیب .
بالاجا قیز آغلاماقا باشلادی او ائله حزین حزین آغلاییردی کی خرابه ده یئر سالانلارین هامی سین آغلاتدی بو جمعین آغلاماقینین غوغاسی خرابه دن ائشیگه چیخدی .
سس ملعون یزیدین کاخینه چاتدی او نانجیب سوروشدو :خرابه ده نمنه اولوبدور؟
خبر گتیردیلر :بیر بالاجا قیز آتا سینین فراقینده آغلاییر …..
آللاهین لعنه تینه گلن امر ائدیر امام حسین (ع) ین قانلی کسیلمیش باشین بیر مژمئی ایچینه قویوب اوستونه اورتوک چکیب خرابه یه آپار سینلار .
آی…….هاردا گؤرسه نیب بیر اوچ یاشلی اوشاقین اوره گین اله آلماغا آتا سینین قانلی باشین اونا گوسترسینلر؟؟؟
رقیه(ع) ، بئله باشا دوشدی مژمئی ده اونا طعام گتیریب لر .
اوزون بی بی سینه دوندریب دئدی :بی بی من طعام ایسته میرم بابامی ایسته ییرم .
بی بی مژمئی یه یاخینلاشیب اورتوکی قیراغا چکدی ….آه…….نه گوردی…….
بی بی نین حالی دونوب اهل حرم اونو دوره له دیلر .
خیرداجا قیز اوزون کسیلمیش باشا یئتیریب اونو قوجاقلاییب بیر صیحه چکیب او ساعات گوزلرین یوموب سحری اولدوزو تکین باتدی………
بی بی سی نیسگیلیندن آغلاییب دئدی :گئتمه نازلی قیزیم .
دور گؤزلرین آچ .
آچیلمامیش غنچه بالام .
خیرداجا گؤزلیم .
دور گؤز لرین آچ…………..
حسین واحدی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز