حضرت پیامبر (ص) آیریلیغی

شه انبیــا ئولنده ، ‌وئریلیب جــلا بهشتــه
نییـه بس حسین(ع) ئولنده ، ‌چکیلیبب قرا بهشته
*
شه انبیــا جهاندان ائلییه ن زمانـدا رحلت
اولوب حوریان مزیـن وئریلیب بهشتـه زینت
شه تشنه کام ئولنده دوتوب عرش وفرشی محنت
ائدیبب حوریان زلفین ،‌ علم عــزا بهشته
*
شرف جهان پیمبر او زمانیکه وئریبب جان
نه پوزولدو نظم عالم نه یئر و گؤی آ‌غلاییب قان
نه او دم وئریبدی جبریل یئره تاجینی باشیندان
نه قورولدو گؤیده ماتم نه دوشوب نوا بهشته
*
او منـای کـربــاده کسیله نده ذبـــح اعظم
دوشوب عرش و فرشه ناله باش آچیب رسول خاتم
چکیلیب بهشته قاره قورلوبدو بزم ماتــم
آچیلیبـدی قتلگه دن در غمفــزا بهشتــــه
*
قویولان زمان کول اوسته او جمال جنت آرا
توکوب اشگ خون گوزیندن یوزینه بتول عذرا
گوزی یاشلی عزم مطبخ ائلییه ن انیس حورا
وئریب اول مکانی ترجیح شرف نساء ‌بهشته
*
شب و روز «ناصر» ایسته ر او صفالی بارگاهی
نولا درک ائده دوباره شرف حضور شاهـی
ائده هر او کس کی مسکن او رواق عرض جاهی
او مقام دن گمان یـوخ ائده اعتنا بهشتــه
ناصر اردبیلی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz