حضرت پیامبر (ص) رحلتی

شه انبیــــــــــا ئولنده ، ‌وئریلیب جــلا بهشتــه
نییـه بس حسین(ع) ئولنده ، ‌چکیلیبب قرا بهشته
*
شه انبیـــــــا جهاندان ائلییه ن زمانـدا رحلت
اولوب حوریان مزیـن وئریلیب بهشتـه زینت
شه تشنه کام ئولنده دوتوب عرش وفرشی محنت
ائدیبب حوریان زلفین ،‌ علم عـــــــــــزا بهشته
*
شرف جهان پیمبر او زمانیکه وئریبب جان
نه پوزولدو نظم عالم نه یئر و گؤی آ‌غلاییب قان
نه او دم وئریبدی جبریل یئره تاجینی باشیندان
نه قورولدو گؤیده ماتم نه دوشوب نوا بهشته
*
او منـای کـربـــلاده کسیله نده ذبـــح اعظــــم
دوشوب عرش و فرشه ناله باش آچیب رسول خاتم
چکیلیب بهشته قاره قورلوبدو بزم ماتــــــــــم
آچیلیبـدی قتلگه دن در غمفــزا بهشتـــــــــــــه
*
قویولان زمان کول اوسته او جمال جنت آرا
توکوب اشگ خون گوزیندن یوزینه بتول عذرا
گوزی یاشلی عزم مطبخ ائلییه ن انیس حورا
وئریب اول مکانی ترجیح شرف نساء ‌بهشته
*
شب و روز «ناصر» ایسته ر او صفالی بارگاهی
نولا درک ائده دوباره شرف حضور شاهـی
ائده هر او کس کی مسکن او رواق عرض جاهی
او مقام دن گمان یـوخ ائده اعتنا بهشتــــــــه
ناصر اردبیلی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz