روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۸
روزنامه ساقی آذربایجان
تبلیغات
آمار بازدید
  • 1
  • 397
  • 721
  • 1,335,319
حیدر بابایه سلام

« اوستاد شهریارین حیدربابا یا سلام» اثری آذربایجان ادبییاتی نین ده یرلی و ائتکی لی و شاه اثری ساییلرکی ۵۰ ایل تامام ادبییاتیمیزا کؤلگه سالیب و یوزلرجه اثرین یارانماسینا سبب اولوبدور . شاهلیق نیظامی نین بوغونتولو زامانیندا و ساواکین تیه سی نین دال- قاباغی کسه ن بیر دؤوره ده «حیدر بابا یا سلام» ییغجام و بالاجا اثر اولاراق چوخ بؤیوک تأثیر یاراتدی . آز بیر زاماندا دیللره ازبر اولدو و ائولره گئتدی . تهران و تبریزدن توتاراق ، داغ دالیندا قالان کندلره کیمی بو اثرین شؤهره تی یاییلدی . دیللر آچیلدی و اونون ساده لیگی، گؤزه للیگی سبب اولدو آغیزلاردا گزیب ، اوره ک لرده اوتورسون . چوخلو سوسموش شاعیرلریمیز اونا بنزه تمه لر یازماق اوچون دیل آچدیلار . یئنی یئتمه شاعیرلرده اؤز شاعیرلیک استعدادلارینی بونا بنزه تمه لر یازماقلا سیناماغا باشلادیلار . یوزلرجه اثر یاراندی . اونون تایسیز بیر شاه اثر اولدوغو هامینی بو فیکره سالدی بلکه فارس دیلینه ده بئله بیر اثر هدیه وئریلسین . چوخلو شاعیرلر حیدر بابانی فارسیجا ترجمه ائتمه ده یاریشا دوردولار . اونلارجا ، بلکه ده چوخ ، فارسی ترجمه لری اله گلدی . ایراندا اولان ائللرین دیللرینه چئوریلدی ، کوردجه ، لورجا ، گیلک جه و آیری آیری دیللره ترجمه اولدو . ایراندان ائشیکده ، ایلک اؤنجه سووئت بیر لیگینده اولان خالقلارین دیلینه – روسجا ، گورجوجه ، ائرمنی جه ، اوزبک جه ، قیرقیزجا و آیری آیری دیللره ترجمه اولدو . اوروپا دیللری ده بورادا گئری قالمادی ، گاهدان آذربایجانلی وطنداشلاریمیز اؤزلری اوروپا خالقینه بو اثری چاتدیرماق اوچون و گاهدان ایکی طرفلی – اوروپالی و آذربایجانلی – بیرگه چالیشما لاری اساسیندا ترجمه لر اله گلدی . انگلیسجه ، آلمانجا ، فرانسیزجا ، نروژجه ، اسپانیولوجا و آیری آیری دیللره ترجمه اولدو.
آنجاق حیدربابا یا سلام ، آذربایجان ادبییاتیندا بیر ادبی مکتبه چئوریلدی . چوخلو آدلی و سانلی ، گاهدان دا آدسیز – شؤهره تسیز شاعیرلریمیز سؤزلرینی حیدربابا وزنینده و فورماسیندا دئمه یه باشلادیلار . شهریار سؤزلرینی حیدربابا داغینا- شاعیرین دوغما دیاریندا اولان داغا خیطاب سؤیله میشدیر . شاعیرلرده بیر سیراسی آنا یوردلاریندا اولان داغا ، تاریخی آبیده یه خیطاب شئعره اوز قویدولار ، بیر سیراسی شهریارا خیطاب سؤز سؤیله دیلر ؛ آنجاق حیدربابا مکتبی نین یارانماسینا یاردیمجی اولدولار . منظوم مکتوبلار شهریارلا – مختلف شاعیرلر آراسیندا یازیلدی . بونلارین نتیجه سینده شاهین یاراتدیغی ظولمت و بوغونتو داوام گتیره بیلمه دی . آنا دیلیمیزین یاساق اولدوغو بیر زاماندا ،یوزلرجه اثر مئیدانا چیخدی ، آذربایجان ادبییاتی چیچک لندی و ایگیرمینجی عصرین سونونا قده ر ۵۰ ایل عرضینده آذربایجان شئعری خالقیمیزین ایچینده یاشادی .
چوخلو آدلی – سانلی شاعیرلر بو مکتبده شئعر قوشدولار . اوتایلی ، بوتایلی شاعیرلریمیز سس سسه وئریب دیلیمیزی اوجالتدیلار . اوتای شاعیرلریندن علی آقا باکیر الینیزده اولان «تاریخلردن گلن سسلر» اثرینی همین حیدربابا یا سلام مکتبینده یازمیشدیر . باکیر بو اثرینده آذربایجان تاریخینی دیللندیریر . زردوشت پیغمبردن باشلاییب ، بیر- بیر تاریخی سیمالار ، عالیم لر ، قهرمانلار ، متفکرلری دیندیریر و تاریخیمیزده اولان روللاریندان دانیشیر . بورادا جاوانشیر ، بابک ، شاه اسماعیل ، کوراغلو ، نبی ، ستارخان دیل آچیب دانیشیر . نظامی ، خاقانی ، مهستی ، فضولی ، نسیمی ، واقف ، ناتوان ، خیابانی و هامیدان افضل آذربایجان خالقی نین باشدان کئچیر دیگی حادثه لردن سؤز آچیر . بو اثر ۱۲۶ بند اولاراق تاریخین ائنیش- یوققوشونو گؤزه ل حیدربابا قوشمالاریندا دیله گتیریر . بو اثر ۱۹۷۰ و ۱۹۹۰ جی ایللرده یازیلیب و کوتله وی بیر تیراژ دا باکی دا یاییلیبدیر . مجتبی پویا جنابلاری اونون الیفباسینی کؤچوروب و ایراندا اولان آذربایجانلی تورک دیللی خالقیمیز اوخویوب لذت آپارا بیله جک.الیفبایا چئویریبدیر . بودا حیدربابا مکتبینده یارانان اثرلردن بیری دیر . گنج یازاریمیز «مجتبی پویا» جنابلارینا یئنی باشاریلار دیله ییب ، پینار یایین ائوی نین حؤرمتلی مودیریندن، هابئله بو اثرین دوزه نله یه نیندن ده اؤز منتدارلیغیمی بیلدیریرم .
بیر اوچــــایدیم بو چــــــــیرپینان یئلینن
باغلاشـــایدیم داغدان آشـان ســـــئلینن
آغلاشـــــایدیم اوزاق دوشــــــن ائلینن
بــــــیر گؤرئیدیم آیریلیغی کیم سالدی
اؤلکه میزده کیم قیریلدی کیم قالدی !؟
م . شهریار یازار: مجتبی پویا

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز