روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۴/۲۵
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 708
  • بازدید دیروز: 721
  • کل بازدید ها: 719,177
خدیجه نین کاغیذ گمیسی

خدیجه سورییالی اوشاقدیر . اونون بئش آلتـــــــی یاشی
اولاردی. عایــله سی ایله بیرلیکده آوروپایا قاچقین کیمی
گئدیردی، میقراسیا مهاجرت ائدیردی.
اولونوردو. عرب اوشاغی اولسا دا قارایانیـــــــز دئییلدی،
آغیمتیـــــــل ایدی. حرکتیندن، دوروشوندان زیرک قیزا
اوخشاییردی. گمی فیرتینالی کولکدن آز قالا تیتره ییردی،
گـــــؤی اوزونو قاتی دومــان آلمیشدی، اینسانلار واهیمه
ایچینده ایدیلر. بلکه دوشاغ اولدوغوندان تهلوکه نین نه درجه ده قورخولو اولدوغونو لازیمی قده ر درک ائتمیردی. نئجه کی، اوشاق ایلانی تانیمایاندا اونو گؤرنده بوغماق ایستیر. بعضاً بونا دئییرلر « اوشاغین ایلان بوغان واختی ».
کولک گئتدیکجه گوجله نیردی، توفانین گورولتوسو، هریلتیسی گمیده کی لری واهیمه یه سالمیشدی. آداملار رنگ وئریب رنگ آلیردیلار، میسکین گؤرکم آلمیشدیلار، سانکی فلاکتین یاخینلاشدیغینی، اونون لابد اولاجاغینی اؤزلرینده حیس ائتمه یه باشلامیشدیلار، دنیزین هوندور لپه لری سانکی گمینی آغوشونا آلاجایدی. لپه لر سانکی قودوز بیر وحشی کیمی گمییه هوجوم ائدیردی، گوجلو کولک دنیزین سویونو لوپا لوپا، لای لای هاوایا قالدیریردی. گمیده کی لر نه اولاجاغیندان ناراحات ایدیلر. لای- لای سویون ضربه لرینه حتّی گمی نین اؤزو ده تاب گتیره بیلمیردی، سو قیسمن گمینین ایچینه ده تؤکولموشدو.
غریبه ده اولسا خدیجه بو منظره نی حئیرتلیکله موشاهیده ائدیردی، هم ده داخیلی بیر ناراحاتچیلیق کئچیریردی. لاکین بؤیوکلرین ناراحاتلیغی اونو دا واهیمه یه سالدی. بؤیوکلرسه دئیینیردیلر:
بو خاطادان قورتارساق آلله شوکور ائدجم – نه یاخشی بیر شئی گؤزلمیرم – دئییرلر دونن گمی باتیب، – ۲۵ آدامین مییتینی تاپیب چیخارا بیلیبلر.
کاش منه ده گولله دیئیدی، اؤز تورپاغیمدا اؤلئیدیم.
سیاست غیرتلی، ناموسلو آدامی اوچوروما آپاریر.
یوخسوللوغون اوزو قارا اولسون.
هره نین باشینا چئشیدلی فکرلر گلیردی، هر دن بیر زاواللیق احوالی، اوقاتی وار ایدی. بعضیلری ایسه فلاکتی گؤزله میرمیش کیمی ظارافات ائدیر، مضحکهلی سؤزلر دانیشیردی. بیری ظارافاتلا دئدی: ائوده یویونماغا سویوموز یوخ ایدی. ایندی باتاریق، – یاخشیجا، دویونجا یویوناریق.
دنیزین درینلیگینده چیمیب اؤلمه گین آیری لذتی وار.
خدیجه حساسلیقلا دئییلنلری ائشیدیردی، بونلاری یادیندا ساخلاماق ایسته ییردی. و دولوخسونموش حالدا آتاسینا سیغیندی و دئدی:
قورخورام، قورخورام.
آتاسی:
« قورخما کؤرپه ییم،
قورخما، آلله کریمدی.
بورا – دنیزدی، دنیزده سو دا اولار،
قاسیرغا دا، حتّی… اؤلوم ده اولار . سؤزوندن
سونرا » حتّی خدیجه نین آتاسی دئمــــک
ایسته دی، آما دئمه دی. خدیجه بیر آز اؤزونه
گلدی، ائله بیــــل کی، چیینیــــندن بیر یوک
گؤتورولدو و دئدی: بابا سنده کاغیذ وار؟
– یوخ بالا، من نه شاعیرم، نه یازیچی، نه ده عالیم. من ده
کاغیذ هاردان اولسون.
– بابا، کاغیذ هامیدا اولمالیدی. بلکه ماتروسدا ( گمی ایشچیسی) ، یا دا کاپیتاندا ( ملوان) وار.
سرنشینلردن بیری پالتار بوکدویو قزئتی خدیجه یه وئردی. قزئتده عرب قاچقینلارینین دؤزولمز فاجیعه سیندن یازی وار ایدی. خدیجه قزئتی او طرف بو طرف بوزدو، کسدی و گمی دوزلتدی و دئدی:
منیم گمیم باتماز، آلله حاقی باتماز. گؤررسیز – باتمایاجاق!
بؤیوکلردن بیری:
اوشاغین آغزی، سؤزو فالدیر دئیرلر، گمیمیز باتمایاجاق.
گمی نین ساحیله یاناشماسینا آز قالمیشدی، کوله گین قووه سی آزالمیشدی، یورغون آدام کیمی او دا طاقتدن دوشموشدو، موصیبتین سونو یاخینلاشیردی. هامی سئوینیردی، خدیجه ده.
اوّلکی کیشی دئدی: گؤردونوز، اوشاغین دئدیگی اولدو، آلله آدامیدیر.
آخی محمد (ص) پئیغمبریمیزین ده زؤوجه سی خدیجه اولوب، نه اولسون کی، یهودی دیر، بعضی موسلمانلاردان، موللا و حاجیلاردان عقیده لی اولوب. سرنشینلر راحات نفس آلدیلار. آما بیلیمردیلر اونلاری آوروپادا هله نه لر گؤزله ییر…
توفیق قلی اف

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز