خوروز

سحر واختی بیر خوروز
چیخدی دیوار اوستونه
یوخوجیل اوشاقلارین
چکدی هاوار اوستونه
اویانین بس‏دیر یوخو
سحردیر قوققولوقو
*
تئز یئته ر مرادینا
ائرته دوران بخته‏ ور
هر کیم سحرلر یاتار
بخت اونا دال دؤنده رر
قویمایین یاتسین اونو
سحردیر قوققولوقو
*
باخ سیزی گؤزله‏ ییرلر
باغلارداکی یئمیش‏لر
قاریشقا دن داشی‏ییر
اویناقلاییر چپیش‏لر
چیخیبدیر چؤله قوزو
سحردیر قوققولوقو
*
بوشلا آی گؤزه ل بالام
تنبل‏چی‏لیک سؤزلرین
ییغیشدیر یورقانینی
آچ سحره گؤزلرین
سپ اوزونه سرین سو
سحردیر قوققولوقو.
بهرام اسدی

دیدگاه بگذارید

avatar
  Subscribe  
باخبر شدن از