دؤرد ، گوج یارادان یئمه لی نین خاصیتلری

دؤرد یئمه لی نین خاصیتلریله تانیش اولاق کی بدن اوچون لاپ فایدالی و گوج یاراداندیر. بعضی یئمه لی لر بدنین گوجون یوخاری آپارار و بدنین گوجونون یوخاری گئتمه گی روحیّه نین داهادا دیری قالماسینا سببدیر. چالیشین بو بئش خوره کدن یاشاییشیزدا فایدالانین! چون بونلار بدنیزین قندینه یاردیم اولاراق ، کالوری آز جورله نیر و کؤکه لمه گین قاباغی آلینیر.
بادام
بادام دا چوخلو معدنی مواد و ویتامین لر واردیر. او جومله دن منگنز، مس، ویتامین ب۲ ، فوسفور.
منیزیوم ، معدنی بیر مادّه دیر کی بدنین گوجون چوخالدار و بدنی داواملی ائده ر . یوخونی یاخشیلادار ، عضله لری یوموشالدار ، قورخونی آرادان آپارار و بئکئفلیگه درمان ائده ر .
بادام دا اولان پروتئین و فیبر ، قانین قندین بیر هاوادا ساخلایار و قانین قندی یئننده ، گوجی تنظیم ائتمه ک اوچون یانار. بادام دا اولان یاغلار ، اشتهانی وورماق ایله چوخ یئمه گین قاباغین آلار. بونا گؤره بادام کیمی آجیل لر بدنی یونگوللتمه ک اوچون فایدالی یئمه لی لردندیرلر.
قاتیق
بو یئمه لی ده چوخلو کلسیوم، فوسفور، پروتئین ، روُی و ویتامین «ب» واردیر. قاتیق دا اولان مواد تئز جذب اولوب و تئزده هضم اولار. و بونا گؤره بدنی گوجو تئز چوخالار.
قاتیق دا اولان مواد روحیّه نی دیری ساخلاییب ، یورقونلوغو آرادان آپارار.
آناناس
بو یئمه لی دادلی اولدوغونا گؤره یایین لاپ سئومه لی میوه لریندندیر. بو میوه ده چوخلو منگنز، ویتامین «ث» ، ویتامین « ب۱ » مس، فیبر و ویتامین « ب ۶ » واردیر.
بو یئمه لی، بدنین گوجون چوخالتماق اوچون فایدالی دیر.
آناناس دا ، بیر نوع آنزیم لر واردیر کی خوُره گین هضم اولماغینا یاردیم ائدیر و بدنین سولو قالماغینا سبب اولور.
بوغدادان جورله نن تنقّلات
بوتون غلّات – مخصوصاً سبوس ، گیرگلی مواددان دولودور کی بدنین و بئیینین گوجون چوخالدیر. بوغدادا اولان ویتامین « ب » بدنین یورقونلوغون آلیب و گوجون چوخالتماقا یاردیم دیر. قانین قندین بیر حالدا ساخلایار . یوخونو یاخشیلادار. عضله و عصبین ایشین آسانلادار و روحیّه نی سازلار.
قایناق: اینترنت/ همشهری
چئویره ن: الف. عظیمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz