روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۲/۰۳
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 759
  • بازدید دیروز: 996
  • کل بازدید ها: 625,699
داها الگیم‌ أله‌نیب‌ غربیلیم‌ گؤیده‌ فیرلانیردی‌

قورد دومانلیق‌ آختاران‌ کیمی‌ او گون‌ده‌ میدان‌ شاهچی‌لارین‌ایدی‌. شاهچی‌لار خوی‌ ـ تبریز یولونو باغلامیشدیلار. یولدان‌ کئچن‌ ماشینلاری‌ ساخلاتدیریب‌ باشلاییردیلار سورغو سؤالا: ـ «شاهچی‌سان‌ یا خمینی‌چی‌؟!» صونرا ماشینین‌ بور ـ بوجاغیندان‌ توتدوآدامین‌ تومانی‌ناجان‌ باش‌ چکیردیلر. کیمسه‌ده‌ گول‌دن‌ آغیر سؤزدئسه‌ایدی‌ ایشی‌ یاش‌ایدی‌. گلیب‌ اؤزونو تاپانا قده ر باش‌ گؤزو أزیلمیشدیر‌. لاپ‌ پیسی‌ده‌ اوراسی‌ایدی‌ کی‌ شاه‌ عکسی‌ده‌ او کس‌ده‌ اولمایایدی‌. داها اونون‌ کی‌ قالمیشدی‌ آللاها. ماشینی‌ کی‌ اودا چکیلیردی ‌هئچ‌ اؤزوده‌ بیر دست‌ یاغلی‌ کؤتک‌ یئییب‌ بئش‌ ـ آلتی‌ آغاج‌ دا پیادا گئتمه‌لی‌ایدی‌. عرض‌ اولسون‌ عزیز دوست‌لاریمین‌ قوللوغونا کی‌ بو های‌ ـ کویده‌ بیزیم‌ده‌ فیلیمیز هندوستان‌ یادینا دوشدو. أللی‌ ـ آتمیش‌ نفر ییغیشیب‌ دوشدوک‌ یولا گئدک‌ شهرده‌ شاه‌ علیهینه‌ تظاهراتا. آز گئتدیک‌ چوخ‌ گئتدیک‌ بیرآزجا یول‌ گئتدیک‌. دئمه‌گینه‌ بیز بورادا گئتمک‌ده‌ اولاق‌،شاهچی‌لاردا او طرفده‌ یورقان‌ علی‌نی‌ قانا بلشدیرمک‌ده‌. یورقان‌ علی‌نین ‌اوّل‌دن‌ده‌ ائله‌ بو شاهچی‌لار لا سویو بیر آرخا گئتمزایدی‌. قند کرخاناسینا هله‌ چاتیب‌ چاتمامیشدیق‌ کی‌ بیردن‌ بیره‌ یورقان‌ علی‌یه‌ توش‌ گلدیک‌.أزیلمه‌میش‌ یئری‌ قولاغینین‌ دیبی‌ایدی‌. حال‌ قضیه‌دن‌ خبریمیز اولوب‌ قان‌گؤزوموزون‌ قاباغین‌ توتدو. گئری‌یه‌ دؤنمه‌ییب‌ باشلادیق‌ اوجا سسله‌شعار وئریب‌ ایره‌لی‌ گئتمه‌گه‌. بابالار دئیه‌ن‌ کیمی‌ یولچو یولدا گره ک‌. شاهچی‌لاری‌ گؤرمک‌ همین‌ سسی‌میز لاپ‌ گئتدی‌ گؤیه‌:
بیز بو شاهی‌ ناللاریق ‌ائششک‌ کیمی‌ چوللاریق‌
بیز دئـــــیه‌نه‌ باخــــــماسا جهنــــمه‌ یوللاریق‌
ائله‌ بو آندایدی‌ کی‌ شاهچی‌لار یومولدولار. قازما ـ بئل‌ ألده‌ دوشدولر جانیمیزا. آمما بیزده‌ ألی‌ بوش‌ دئییل‌دیک‌. ألده‌ دَیه‌نک‌ قازمابئل‌لره‌ جاواب‌ وئرمگه‌ باشلادیق‌. وورکی‌ یورولاسان‌. یول‌ گلیب‌ باشماق‌ ییرتمیشدیق‌. اؤلدی‌ وارایدی‌ دؤندی‌ یوخ‌. شاهچی‌لارا بیر اود قویدوق‌کی‌گل‌ گؤره‌سن‌. آمما آللاهدان‌ گیزلین‌ دئیل‌ سیزدن‌ نه‌ گیزلین‌، داها من‌بیلمه‌دیم‌ نه‌لر کئچدی‌. او زامان‌ گؤزومو آچدیم‌کی‌ گؤردوم‌ اؤلوم‌حالیندایام‌. ائو آدامیندان‌ توتدو بوتون‌ قوهوم‌ ـ قونشو دوزولموشدولردؤوره‌مه‌. داها الگیم‌ أله‌نیب‌ غربیلیم‌ گؤیده‌ فیرلانیردی‌. «آللاه‌اوچونجودن‌ ساخلاسین‌» دئیه‌ اوزومو توتدوم‌ جماعته‌. هامی‌ بو سؤزدن‌گولومسه‌ییب‌ باشلادیلارکی‌: « موشتولوغوموزو وئر کی شاه قاچدی داها اوچونجودن خبر یوخدور»
بو خبری‌ ائشیدن‌ کیمی‌ ائله‌ بیلدیم‌ دونیانی‌ منه‌ وئردیلر.ایسته‌دیم‌ یئریم‌دن‌ قالخیب‌ آتیلام‌ دوشه‌م‌کی‌: « آغیر گل‌ مچیدقاباغی‌دیر‌» دئییب‌ سینمیش‌ قول‌ ـ قیچی‌مین‌ دؤزولمز عذابی‌ اوره‌گیمی‌گؤینه‌تدی‌. او گئجه‌ مگر دانیشماقدان‌ دویوردوق‌؟! سؤز ـ سؤزو گتیریردی‌آرشین‌ بئزی‌. آمریکالی‌لاردان‌ دانیشیردیق‌. او گونلردن‌کی‌ آمریکالی‌لاربوردا ووروردی‌ قیلینجی‌ حلب‌ده‌ اوینوردی‌ اوجی‌. آخی‌ بیر سری‌ ده‌آمریکالی‌لار منی‌ بو گونه‌ سالمیشدیلار. ائو آدامی‌ دئیه‌ن‌ کیمی‌ اوّل‌دن‌ ده‌ائله‌ منیم‌ أجلیم‌ جَهره‌ أری‌ییردی‌. سالیم‌ باش‌ گؤرا آپاران‌ دئییلدیم‌.
ایندی‌ سیزه‌ دئییم‌ آمریکالی‌لاردان‌ کی‌ کندیمیزین‌ بیرآغاج‌لیقیندا نم‌ ـ نَقَده ر اونلار ایچون‌ دام‌ داش‌ تیکمیشدیلر. ائله‌ دام‌داش‌لارکی‌ خان‌ سارای‌لاری‌دا او دام‌ داش‌لارین‌ یانیندا هئچ‌زادایدی‌. من ‌بختی‌ یاتمیشین‌ زمیسی‌ده‌ دوز دوشموشدی‌ او دام‌ داش‌لارین‌ یانینا.گونون‌ چوخ‌ حصه‌سینی‌ زمی‌ده‌ کئچیرتدیگیمه‌ گؤره‌ آمریکالی‌لار یانیندا آل‌ ایت‌دن‌ مشهورایدیم‌. باشینیزی‌ نه‌ آغریدیم‌. گون‌لرین‌ بیر گونی‌اوتورموشدوم‌ ائوده‌کی‌ تاققاتاق‌ کوچه‌ قاپیسی‌ سسله‌ندی‌. قاپینی‌ آچیب ‌اؤزومو تاپانا قده ر دؤرد دؤره‌نی‌ ژاندارمالار بورودو ـ داها قاچاق‌ یولوم‌ یوخ‌ایدی‌. هر یاراقیم‌ دوزه‌لمیشدی‌ قالمیشدی‌ ساققال‌ داراغیم‌.
ننه‌ن‌ یاخشی‌ دده‌ن‌ یاخشی‌ بیر دئه‌ گؤروم‌ نه‌اولوب‌ – دئدیکجه‌ ژاندارمالار بو قولاقدان‌ آلیب‌ او قولاقدان‌ اؤتوروردولر. دوشموشدولر ائوین‌ جانینا. تندیردن‌ توتدو طؤله‌یه‌ قده ر آختاردیلار. گوجلری‌ گوجومدن‌ چوخ‌ زرلری‌ زریمدن‌ چوخ‌. بیله‌لرینه‌ چکیل‌ اویانا دا دئمک‌ اولماییردی‌.هاچان‌ دا آغزیمی‌ آچیب‌ ایستیردیم‌ دانیشام‌ سسیم‌ بوغازیمدا قالیب‌دئییردیلر:
سنه‌ بیر آش‌ پیشیره‌ک‌ کی‌ اوزونده‌ بیر قَریش‌ یاغی‌ اولسون‌.ایت‌ ندی‌ بؤرک‌ ندی‌؟! سن‌ نه‌ سن‌ خرابکارلیق‌ ندی‌؟
ائودن‌ بیر زاد تاپانماییب‌ قوللاریمی‌ دالدان‌ چاتیب‌ سالدیلارقاباغا. کندین‌ پاسگاهیندا نه‌ یئییب‌سن‌ تورشلو آش‌. توفنگ‌ قونداغی‌ایدی‌کی‌ باش‌ گؤزومه‌ یاغیردی‌. گؤزلری‌ قیزارمیش‌ ایکی‌ آمریکالی‌دا یومروق‌ ـ تپیک‌ایدی‌ کی‌ هارامدان‌ توتدو گوپسه‌ییردیلر.. وورا ـ وورا داهی‌ سورغوسؤال‌ایدی‌
ـ «دئه‌گؤره‌ک‌ کیملری‌ تانی‌ییرسان‌؟ … اسلحه‌نی‌ کیمه‌ساتیب‌سان‌؟! هاردا گیزله‌دیب‌سن‌؟ … آلچاق‌ … خائن‌ ـ خرابکار- ضد شاه …»
من‌ ده‌ ـ «والله بالله بایاق‌ زمی‌ده‌ ایشلیردیم‌… دام‌ داش‌لارا ساری‌ گئتمه‌می‌شم‌… آمریکالی‌لاردان‌ بیرزاد اوغورلامامیشام‌…» دئمک‌دن‌ آز قالا دیلیمین‌ اوجوندا توک‌ بیتیردی‌. آمریکالی‌لارین‌دا کین‌لی‌گؤزلری‌ ائله‌ منه‌ زیلله‌نمیشدی‌کی‌ سانکی‌ دوه‌ نالبنده‌ باخیر. آللاه‌ آداما وئرنده‌ باجادان‌ سالان‌کیمی‌، بیردن‌ ـ بیره‌ ترسه‌ ـ تله‌سیک‌ «قاطیر عسگر»ایچری‌ گیردی‌. قاطیر عسگرین‌ جیک‌ بؤککونه‌ بلدایدیم‌. آمریکالی‌لارگلمه‌میشدن‌ قاباق‌ بیر حصیرایدی‌ بیر ممّد نصیر.آدی‌ ایت‌ دفترینده‌ده‌ یوخ‌ایدی‌. آمما ایندی‌ بیر دم‌ ـ دستگاه‌ صاحابی‌ اولموشدوکی‌ آدینی‌ائشید اؤزونو گؤرمه‌. اوزون‌ سؤزون‌ قیساسی‌ بوکی‌ قاطیر عسگر: ـ«اسلحه‌ تاپیلدی‌! «مادام‌» ین‌ کیفینده‌ایدی…» دئمک‌ ایله‌ منی‌ بوراخماق‌بیر آن‌ چکمه‌دی‌. او گوندن‌ بری‌ خسته‌خانالار یاتاغیم‌ اولدو. توخداماغیم‌ او قده ر چکدی‌کی‌ هله‌ ایندی‌ده‌ عزرائیل‌ صحبتی‌ دوشنده‌ آمریکالی‌لاریادینا دوشوره‌م‌. آمما عوضین‌ بدل‌ آدینلی‌ اوغلو وار. انقلاب‌ چاغلاری‌«یورقان‌ علی‌» له‌ بیرلیکده‌ آمریکالی‌لارین‌ باشینا بیر توی‌ توتدوق‌کی‌ مسلمان‌ ائشیدیب‌ کافر گؤرمه‌سین‌. دام‌ ـ داش‌لاریندا بیر شوشه‌ قالمادی‌کی‌ سینیق‌ ـ سینیق‌ اولماسین‌. آمریکالی‌لار کاسا ـ کوسالارین‌ ییغیشدیریب‌ قاچاندا، بیز جماعتدن‌ ائله‌ توک‌ سالیردیلار کی‌ گل‌ گؤره‌سن.‌ یازان: علیرضا ذیحق

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز