روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۴/۲۵
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 923
  • بازدید دیروز: 721
  • کل بازدید ها: 719,392
درینلیک لر

بیرینجی دفعه کی تصمیم توتدو اینتَحار ائده، قیرخ نئچه ایل بوندان اؤنجه ایدی. سونرادا باشی ائله قاریشدی کی داها هئچواخت اینتحارا فیکیرلشمه دی. او چاغلار اینتحاری نین سببی هر نه اولدوسا، بیر شئی اونو حیاتا باغلادی. او دا قوشباز اولدوغو ایدی. اونسوز قوشلاری دیدرگین قالیب، هره سی بیر یانا داغیلاجاق ایدی. اوره ییندن گلمه دی اونلاری اؤز سایه سیندن محروم ائده. آما بو دفعه دوروم فرق ائدیردی و قوشبازلیقی ترکیتمیشدی. یاخشی کی فیکیرله شیردی داها هئچ بیرسایه سی قالمامیشدی کی بیری نین باشینا کؤلگه سالسین. آیلیق بیر معاشی وار ایدی کی او اولایدی یا اولمایایدی عائیله سینه یئتیره جک ایدی و اولماماسی نین یاخشی لیقی او ایدی کی بیر چؤره ک یئیه ن عائیله دن آزالیردی. یئنی دن اینتحار ائتمه سبب لری ده چوخ ایدی. اؤنجه ایسته میردی بوندان دا آرتیق قوجالا، سونرا بو کی آرزولاری نین هئچ بیرینه کی پول لا اونلارا یئتیرمک اولایدی یئتیرمه میشدی. بیر ده بو کی دونیا قاتیشمیشدی و هر یاندان اؤلوم خبری ایدی کی گلیردی و قان تؤکمک اینسانلارین عادتی اولموشدور. بیر سیرا آداملار بو دوشونجه ده ایدلر کی بیر اینتحار جیلیققاسی باغلاییب اونو پاتلاتماقلا کوچه بازارداکی جماعتی قانا بله ییب جنّتین اورتاسیندا اونا یئر وئره جکلر و دونیانین هر یئریندن بولبول لرین چح چح سسی قولاغا چاتاجاقدیر. بو نودا اونوتماماق کی اونون اینتحار قراری بیر تَهَرلر، اؤنجه کی اینتحاری نین سبب لرینه باغلی ایدی. اودا ” شهلا “یا اولان سئوگیسی ایدی .او واختلار اون یئددی یاشی وارایدی و بیرگون خبری اولدی کی شهلا اَره گئدیببدی و او دا دلی سایاق باشینی قاپ – باجایا چیرپیپ آز قالیردی هئچ – هئچی نن اؤزونو اؤلدوره کی بیردن – بیرده قوشلاریندان بیری چیگنینه قونارکن اونلارین فیکرینه دالدی. اونسوز کیمسه قوشلارا صاحاب چیخیب دن – سو وئرمه یه جک ایدی و دوشوندو کی اینتحاری سونرایا بوراخیب بیر یول تاپا کی هم قوشلار راحاتلییالار، همده آسان بیر اؤلوم سئچه کی چوخ عذاب چکمه یه. تا کی یاشاییشین آخاری و اونون چتین لیک لری و لذت لری، اینتحار ائتمه دوشونجه سینی بوسبوتون یادیندان چیخارتدی .
دوزدور کی یاشلانمیشدی آما هئچ زامان گوناهلار باتلاغینا دوشمه میشدی. کیتاب اهلی ایدی آما حساب اهلی دئییلدی و جیب لری نین چینه دانی هر واخت بوش ایدی و بو بابت دن ده اذیت چکیردی. آما یئنی دن اوندا قورلانان ایننحار قیغیلجیم لاری یئنه شهلانان باشلامیشدی. شهلانی کی ایندی اورتا یاشلی بیر دول قادین ایدی یئنه سئویردی و اوزاقدان – اوزاغا اوندان خبر توتوردی. ائشیتمیشدی کی بیر نفر شهلایا ائلچی دوروب، او دا بلی دئمیشدی. بو دا کی عیالوار ایدی و آز قالا نوه لری ائوله نیردیلر. بیر ایش اَلیندن گلمیردی و شهلا یئنه یابانجی لار اَلینه دوشوردی. اودور کی فلسفی فیکیرلره دالدی و باشاردیقجا گوشه گیر اولوردو . آما تا ایستیردی بیر دینج یئر تاپیپ راحاتلایا آروادی نین باش – قولاغی تاپیلیپ اونو کوببالارکن جومدوغو دونیادان آییریردی.
بو سفر آما ایش جیددی ایدی و ایستیردی بیر تَهَر یاخاسینی قورتارا. اینتحار اوچون گئتدی بیر هوتئلین حوووضونا و لاپ درین لیک لری سئچیب بو فیکری لن کی اؤلولر قوجالمازلار، اؤزونو آتدی سویا. اوزمک باشارمادیقی اوچون آز قالیردی بوغولا کی او بو بیله سینی نجات وئردیلر و گئجه نی اوتوردو باشدان گئچن لری کاغاذ اوستونه گتیره کی آروادی یئتیریب یامان – یوغوز دئیه رکن دفتر قلمی نی باشینا چیرپدی. نییه کی چیراغین ایشیغی اونون یوخوسونو قاتیب آییلدیردی. او دا بیر سؤزه باخیم اوشاق کیمی، دینمه دن باشینی آشاغی سالیب گیردی یاتاغینا و صوبحه دک بو فیکیرده ایدی کی کاش بیر اینتحار جلیققاسی گئییب گئده ردی اوجا بیر داغین باشینا و بیر وولقان کیمی پاتلاییب آلوولاناردی .
علیرضا ذیحق

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز