دوزلوک ( راستی )

دوزلوک یاغان یاغیشدی
دوم-دورو بیر باخیشدی
دوزلوک دئدیم گول آچدی
گول آچدی سونبول آچدی
دوزلوک شیرین دی بالدی
اوندان سورا نه قالــدی‌ ؟
اولدوز دور او گئــــجه‌لر
یولچویا یول گؤســــتره‌ر
دوزلوک گوندی گونش دی
قارانلیق لا گــــــولش‌دی
یالان آمما تولکــــــــو‌ دو
ووردو یئره دوزلوغـــــو
یوگوردو دالدان اونـــــــا
چوخ ووردو بوهتان اونا
اونو نفسدن سالــــــــــدی
یالنیزجا اوزو قالـــــــدی
قاتدی اؤزون سؤزلــــره
پرده چکدی گؤزلــــــــره
آمما یوخ آنلامیـــــــــر او
حقیقتی قـــــــــــــانمیر او
دوزلوگو گیزلین قالســادا
گیزلین-گیزلین یانســـــادا
بیر گون چیخاجــاق اوزه
آیدین اولاجاق گــــــــؤزه
یالان ایتیب باتاجـــــــــاق
دوزلوک دیری قالاجـــاق
دوزلوک دئدیم گول آچدی
گول آچدی سونبول آچدی
محمد عابدین پور

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz