روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۹/۲۱
روزنامه ساقی آذربایجان
دونیایا باغلانماق

پیامبر اکرم (ص) حضرتلری زمانیندا بیر مؤمین چوخ وارسیز و یوخسول ایدی. او بوتون نامازلارین پیامبرین دالیندا قیلاردی. پیامبرین اونا یازیقلیغی گلیردی و اونون غریب و یوخسول اولماغینا گؤز قویوب بویوروردو:
ای سعد! اگر الیمه بیر زاد یئتیشسه سنی یوخسوللوقدان قورتارارام.
بیر زمان کئچدی پیامبرین الینه هئچ زاد توختامادی. حضرت ، سعدین حالینا چوخ نیسگیل له نیردی.
بؤیوک تانری پیامبرین ، سعد حاققیندا غم یئمه سینه گؤز قویوب ، جبرئیل (ع) حضرتلرین ایکی درهم ایله پیامبرین قوللوغونا یوللادی.
جبرئیل(ع) حضرته بویوردو: ای محمد(ص)! تانری سنین سعد اوچون غملی اولماغیوی بیلیر. آیا ایسته ییرسن اونو یوخسوللوقدان قورتاراسان؟
پیامبر(ص) بویوردو: بلی
جبرئیل(ع) بویوردو: بو ایکی درهمی اونا باعیشلاگیله و امر ائت اونیله آل وئره باخسین.
پیامبر، ایکی درهمی سعده وئریب بویوردو: اونیله آل وئر ائتگیله و تانری نین روزی سین اله گتیر!
سعد، آل وئر ائتمه گه باشلادی ، تانری اونا برکت وئردی. هر نه آلیردی ایکی برابره ساتیردی . دونیا سعدین اوزونه خوش باخدی. گئتدیکجه واردؤلتی آرتدی . او قده ر پولو چوخالدی کی مسجد قیراغیندا بیر دوکان آلدی ، وار دؤلتین و کالالارین اورا ییغیب ، آل وئرین آردین دوتدو.
اوندا کی بلال اذان دئییردی و پیامبر(ص) ناماز قیلماغا یوللانیردی ، سعدی گؤروردو کی آل وئره قیزیشیب ، دونیا باشین قاتیبدیر. نه دستاماز آلیبدیر ، نه ده اؤزون ناماز قیلماغا آماده ائدیر!
پیامبر اکرم(ص) بویوروردو: ای سعد! دونیا سنی نامازدان قویوبدور؟!
سعد دئییردی: نه ائدیم؟ وار یوخومو ائشیگه آتیم؟ بو کیشی یه جینس ساتمیشام ، ایسته ییرم پولومو اوندان آلام و او بیریسیندنده کالا آلمیشام کی گره کدیر وئره م اونا.
پیامبرین سعده اونون یوخسوللوغوندان آرتیق اوره گی یاندی، جبرئیل(ع) حضرتین قوللوغونا چاتیب عرض اتدی:
ای پیامبر! تانری ، سعد حاققیندا ائتدیگین غمه آگاه دیر. هانسی سین چوخ سئویرسن؟ اونون ایلک حالتین یا بو سونداکی حالتین؟!
پیامبر بویوردو: ای جبرئیل! ایلک حالتین ( یوخسوللوغون ) سئویره م ، چون دونیا اونون آخرتین الیندن آلیبدیر.
جبرئیل عرض ائتدی: سئوگی و دونیا واری ، سیناق دیر و آخرتدن اوزاق سالاندیر. سونرا بویوردو:
یا رسول الله(ص)! سعده بویور او ایکی درهم وئردیگین پولو سنه قایتارسین. وضعی اول کی حالینا قاییداجاقدیر.
پیامبر، سعده بویوردو: آیا او ایکی درهمی منه قایتاریرسان؟
سعد عرض ائتدی: ایکی درهم یئرینه ییرمی درهم وئریره م.
حضرت بویوردو: یوخ، ائله همان ایکی درهمی ایسته ییرم.
سعد، ایکی درهمی حضرته وئردی، اونون دالیجا چوخ زامان کئچمه دی کی دونیا اوندان اوز چئویردی و هر نه وار دؤلت ییغمیشدی اَلیندن داغیلدی و سعد، یئنی دن یوخسولوغا دوشدو.
قایناق: کافی،ج۵،ص۳۱۲٫
چئویره ن: الف. عظیمی بیلوردی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز