روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۸/۰۵
روزنامه ساقی آذربایجان
تبلیغات
آمار بازدید
  • 1
  • 370
  • 1,001
  • 1,356,709
دیری اؤلـو

بیزیم بیر قونشوموز واریدی، آدینا ولی دایی دییه ردیک ، اوچ دؤرد آی اولاردی یارانه سین کسمیشدیلر، یازیق هئی گئده ردی یارانه سین آلا گؤره ردی هئچ نه یوخدور، زیارتگاه زائرلری کیمی بیر ایکی ساعات خودپرداز دستگاهیندان ساللاناردی آخیرینده طلبین آلمامیش قاییداردی.
تا بیر گون دئدیم دایی گئده ک بو سازمان یارانه بگیران دی نه دی اورا تا بیر خبر آلاق گؤره ک قضیه نه دیر، ایندی اولار بیلرلردا.
دئدی: آی بالا اومودوم یوخدور بونلارا ، بونلار دَوَه نی سروانیلن یئیه رلر سورا دا دئییه رلر دَوَه گؤردون قیغین گؤرمه دین.
دئدیم دایی گئده ک بلکه او قده ر بیزدن قاباق یئییبلر هئچ بیزه مئییللری اولمادی.
هر حالدا دوردوق گئتدیک یارانه ایداره سینه، اطلاعات اوتاقینا گئچدیک ،قطع یارانه لر بخشین سوروشدوق دئدی فلان اوتاقا گئدین ساللانا ساللانا گئتدیک تا یئتیشدیک محصول محترمین یانینا (باغیشلایین مسئول دییه جه یدیم ).
سلام عرض ادب یکطرفانه دن سونرا ( بیزیم طرفدن البته، قادانی آلیم باشیوا دؤنوم ایدیر کی نثار شخص شخیص ائله ییردیک، اِئششه گیمیز پالچیقدا قالیبدیر چاره یوخ ) بلی باشلادیق شرح ماجرانی کی آی فلانی اوچ آیدیر بیزیم یارانه تؤکولمه ییر، یازیق اولموشوق ائله بیزیم اومود یولوموز بودور ، سیز آللاه کسمه یین اومودوموزو، ائوده اوشاقلار آجیندان کاغیذ یئییر و فلان بیر مصیبت نامه آچمیشدیق ائله بیل سومالی آجلارینین قوشونوندان قیریلب قاچمیشیق بورا .
دئدی وئرین گؤروم مداریکیزی!
مدارکده آخی نه، قورخوموزدان ۸ ایلین تلفن قبضین ییغیب گتیرمیشدیک، حتی ولی دایینین کبین کاغیذینا کیمی یانیندایدی.
کاغیذ پارچامیزی آلدی الیمیزدن باخدی ، ووردو سایتا ، قاییتدی گؤزونون آلتیندان داییما باخدی، ولی گلستانی سن سن؟
دایی یازیق دئدی هه قادان آلیم منم. طرف چپ چپ باخدی سسین بیر آز آچدی دئدی کیشی منی سریمیسن یا اؤزونو ؟ بونو دئمه ک یازیق داییمین گؤردوم رنگی سارالدی (من کی دئییره م او لحظه داییمین اوشاقلیقیندا اویون بازلیقلاری بیر بیر گلدی گؤزونون قاباغیندان ساویشدی کی اوغلان! دئییرلر بو کامپیوتر آدامین ایچالاتیندا گؤرسه دیرها، یقین شله پله می تؤکوب چؤله) تیتره یه تیتره یه سوروشدو نییه جناب نه اولوب مگر؟ طرف دئدی کیشی سن دؤرد آی بوندان قاباق اؤلوبسن اؤلویه ده یارانه چاتمازکی ، یازیق دایی دئدی: آ کیشی نه اؤلوسو بس من بودو دیرییه م مقابیلینده دورموشام، محصول دئدی: کیشی ساوادین وار دایی دئدی یوخ، قاییتدی منه دئدی جاوان ساوادین وار؟ دئدیم هه آزدان چوخدان ، دئدی گل گؤر بو سایتدا نه یازیبدیر؟ ، گئتدیم باخدیم اوخویورام ایندی دایی دا تئز تئز دؤنور دئییر آ بالا نه یازیب آ بالا نه یازیب ؟ میزیلدایا میزیلدایا اوخویورام جناب ولی گلستانی فرزند حیدر شماره شناسنامه صدور فلان صادره از شهرستان فلان طبق استعلام سازمان ثبت احوال مورخه فلانِ فلانِ فلان فوت گردیده و گواهی فوت نامبرده به شماره فلان در تاریخ فلان صادر شده ولذا … دای قالانین اوخومادیم
دؤندوم دئدیم دایی تسلیت دئییرم سن دؤرد آیدیر کی اؤلوبسن ، دایی دئدی ایه آز دانیش نه اؤلوسو من دیرییه م ، دئدیم دایی واللاه سایت یازیبدیر سایتدا یالان یازماز کی.
بیر سئریده دئدی آی بالا من اؤلمه میشم بو الیمه بیر باخ ترپه شیر، بودو آغزیم دانیشیر.
دئدیم دایی ثبت احوال اداره سی یازیبدیر، نظام پزشکی گواهی فوتوزو صادر ائله ییبدیر. بونلاریندا کی سایتی یازیبدیر اؤلوبسن، بونلار یالان یازمازلارکی آخی.
ایندی دایی یازیق اوتوروب صندلده باشینا ووروب دئییر آللاه من ائوه گئتسه م گول جهانین(آروادینین)جاوابین نه وئریم ، او یئتیم لری کیم ساخلایاجاقدیر؟
مسئولدا تئز تئز دئییر آغا اؤلوزو گؤتورون بوردان آپارین ،جماعت منتظردیر.
چیخدیق اوردان چؤله دایی یازیق آغلاییر دئییر آللاه دؤرد آیدیر اؤلموشه م ایندی منه دئییرلــر.
دئدیم دایی شکر ائله ها بو بیر نعمتدیر کی اؤزون اؤز اؤلو اوستونده آغلیرسان هئچ کیمه منتین یوخدور.
دئدی هه بالا اونو دوز دئییرسن.
هه آی بالا ایندی چوخلاریمیز اؤلموشوق اؤزوموزون خبریمیز یوخ، ولی اداره لرین خبری وار.هردن اؤز اؤلوموزون اوستونده آغلایاق . سونرا هاندان هانا گئتدیک گؤردوک آنادان اولان نومره سین دَییشیک یازمیشلار!!
موسی موسوی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز