روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۴
روزنامه ساقی آذربایجان
آمار بازدید
  • کاربران حاضر: 2
  • بازدید امروز: 1,398
  • بازدید دیروز: 566
  • کل بازدید ها: 830,467
دیسک

من مئشه قیرانام. آدیمی بیلمه سه نیز ده اولار. ایچینده دونیایا گؤز آچدیغیم و یقین کی، ائله اوراداجا حیاتدان اوزاقلاشاجاغیم تاختا داخما مئشه نین لاپ کناریندا یئرلشیر.
سؤیله ییرلر کی، بو مئشه دونیانی احاطه ائدن و منیمکینه اوخشار تاختا کومالارین قارشیسینی کسن دنیزه قده ر اوزانیر. فقط من هئچ واخت او دنیزی گؤرمه میشم، اونون باره سینده ده آیدین تصووروم یوخدور. من هئچ مئشه نین عکس طرفینی ده گؤرمه میشم.
بیز اوشاق اولاندا بؤیوک قارداشیم منی آند ایچمه یه مجبور ائتدی کی، بو مئشه نی سون آغاجینا قده ر بیرلیکده قیراجاغیق. قارداشیم حیاتلا ویداعلاشدی، ایندی من بو ایشی باشا چاتدیرماقدان اؤترو بیر آدام آختاریرام و گومان کی، هله چوخ آختاراجاغام. غرب طرفده کیچیک بیر چای آخیر و من یالین ال له اونون سویوندا بالیق توتماغی باجاریرام. مئشه ده هم ده آجگؤز قوردلار فیرلانیر، لاکین جاناوارلار منی قورخودا بیلمزلر: بالتام، بیرجه دفعه ده اولسا، یییه سینی داردا قویماییب. یاشادیغیم ایللری سایمامیشام. بیلیرم کی، اونلار لاپ چوخدان اوست-اوسته قالانیر. گؤزلریمین نورو گئت-گئده آزالیر. یولو آزماماق اوچون ایندی داها آیاق باسمادیغیم کندده منی، نه یه گؤرسه، خسیس حساب ائدیرلر.
لاکین ایندی عادی بیر آغاج کسن نه یه سیمیجلیک ائده بیلر کی؟
چؤلده کی قاردان قورونماق اوچون، داشلاردان دایاق وورماقلا، داخمامین سینیق-سالخاق قاپیسینی مؤحکم سیخمیشام.
بو اولای، چوخدان باش وئریب، بیر آخشام آغیر آددیم سسلرینی، آردینجا دا قاپی نین دؤیولدویونو ائشیتدیم. قاپینی آرالادیم و تانیدیغیم آدام ایچری سوخولدو. ییرتیلمیش پلاشا بورونموش یاشلی و اوجابویلو بیر کیشی ایدی. یاناغینداکی ایری بیر چاپیق صیفتینی ایکی یئره بؤلموشدو.
گؤرونور، ایللر قددینی سیندیرا بیلمه میش، عکسینه، خاصیتینه حؤکمرانلیق علاوه ائتمیشدی، لاکین هر حالدا من حیس ائتدیم کی، او، عصاسیز یئرییه بیلمیر.
ایندی خاطیرلامادیغیم سؤزلرله سالاملاشدیق.
سونرا او، دئدی:
– منیم دوغما، ایستی اوجاغیم یوخدور و هارادا گلدی، ائله اوراداجا گئجه له ییرم. ائنینه و اوزونونا کئچمکله من ساکسلارین بوتون تورپاقلارینی الک-ولک ائتمیشم. – بو سؤزلر اونون یاشی حاققیندا چوخ شئیی آنلادیردی. – ایندی آداملارین اینگیلتره آدلاندیردیغی او تورپاقلارا منیم آتام همیشه ساکسونییا دئییردی.
بیز سوفره ده کی بالیق و چؤره یی یاری بایاری بؤلوشدوک. یئمک واختی هئچ بیریمیز دانیشمادیق. چؤلدن یاغماغا باشلایان یاغیشین سسی گلیردی. واختیله اؤلموش قارداشیمین مئییتینی اوزاتدیغیم تورپاق دؤشمه ده اونون اوچون دریدن یاتاق یئری دوزلتدیم.
سحر تئزدن بیز منیم کومامدان چیخاندا آرتیق دان یئری سؤکولموشدو. گؤی اوزو آچیلمیش و یئر تپ تزه قارلا اؤرتولموشدو.
قفیلدن یول یولداشیم عصاسینی الیندن سالدی و گؤزلمه دییم حالدا قفیلدن منه امر ائتدی کی، اونو یئردن قالدیریم.
– من سنه نه اوچون تابع اولمالییام کی؟ – اؤزومدن آسیلی اولمایاراق غیظلندیم.
– اونا گؤره کی، من حؤکمدارام، – اؤز نؤوبه سینده او دا بوینوما میننت قویدو.
اؤز-اؤزومه دوشوندوم کی، یقین دلی اولوب. عصانی یئردن قالدیریب اونا اوزاتدیم. او، سسینی قالدیرارارق دانیشماغا باشلادی.
– من سئکگئن لرین کرالییام، – تکرار ائتدی، – دفعه لرله آغیر ووروشلاردا دؤیوشچولریمه غلبه سئوینجی بخش ائتمیشم: فقط، لازیمی آندا اؤز حؤکمرانلیغیمی ایتیرمیشم. آدیم ایزئرن دیر. اصلا ایسه اودیندنم.
– من اودینه تابع دئییلم، – دیللندیم. – عیسا مسیحه احتیرام گؤستریرم.
او ایسه دانیشماغیندایدی، سانکی منی ائشیتمیردی.
– سورگون جیغیرلاریندا سورونسم ده اصل حؤکمدارام: چونکی منده دیسک وار. گؤستریممی اونو سنه؟
آز قالا سوموکلری چیخمیش ساغ الینی آچدی، اووجونون ایچینی گؤستردی. محض بو زامان خاطیرلادیم کی، گؤردویوم آندان اونون الی یومروقلانمیش وضعیتده بوکولموشدو.
سرت باخیشلارینی گؤزلریمه زیللیه رک منی باشدان-آیاغا سوزدو:
– سن توخونا بیلرسن.
من احتیاطلانا-احتیاطلانا، بارماقلاریمین اوجو ایله اونون اووجونون ایچینه توخوندوم. جانیمدان سویوق بیر اوشوتمه کئچدی و اونون اووجونون ایچینده کی پاریلتینی گؤردوم.
یاد آدامین الی همین دقیقه بوکولدو. او، حؤصله سیز حالدا ایضاحلارینا داوام ائتدی، سانکی اوشاغی آنلاتماغا چالیشیردی.
– بو، اودی نین دیسکیدیر، – بیلدیردی. – اونون یالنیز بیر طرفی وار. دونیادا بوندان باشقا ائله بیر شئی یوخدور کی، آنجاق بیر طرفی اولسون. نه قدر کی، بو دیسک منده دیر، اصل حؤکمدار دا اؤزومم.- او، قیزیلداندیر؟ – تئز ماراقلاندیم.- بیلمیرم. بو، اودی نین دیسکیدیر. اونون یالنیز بیر طرفی وار. ایچیمده دیسکی الده ائتمک آرزوسو دوغدو. اگر دیسک منده اولسایدی، اونو قیزیل کولچه لره دییشر و حؤکمدارا چئوریلرم. ایندییه قده ر ده نیفرت ائتدییم سفیله دئدیم:- داخمامدا سیککه لرله دولو صاندیق گیزلتمیشم. سیککه لر قیزیلداندیر و اونلار بالتانین آغزی کیمی پاریلداییرلار. اگر اودی نین دیسکینی منه باغیشلاسان، صاندیغین ایچینده کی لری سنه وئررم.- ایستمیرم. – دئیه او، عینادکارلیق ائتدی.- اوندا، – حیرصلندیم، – گلدیین یئره ده سوروش. او، آرخاسینی منه چئویردی. بیر ضربه بس ائدردی کی، اونو یئره سره سن: او، یئره ییخیلاندا اووجو آچیلدی و من هاوادا پاریلدایان هاله نی گؤردوم. بالتا ایله قالدیغیمیز یئری نیشانلاییب مئییتی بیر قدر یوخاریدا آخان چایا طرف دارتدیم و ائله اوراداجا اونو سویا آتدیم. …داخمایا آپاران یولدا ایتیردیگیم دیسکی چوخ، لاپ چوخ آختاردیم. لاکین من اونو تاپا بیلمه دیم. او حادیثه چوخ-چوخ بوندان اؤنجه باش وئریب، لاکین من ائله هئی آختارماغیمدایام…
یازان: بورخه لوئیس بورخئس
چئویره ن: آیدین خان

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز