روزنامه کثیرالانتشار سراسری صبح ایران
به دو زبان ترکی و فارسی

۱۳۹۶/۱۰/۳۰
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 546
  • بازدید دیروز: 544
  • کل بازدید ها: 529,637
رازقی گولون ائوده نئجه ساخلایاق؟

بیزیم اؤلکه ده رازقی گولو عطیرلی گوللردن بیری دیر. بو گولون عطری سحر تئز چاغی ، آیری چاغلاردان چوخدور. بو گولون جور به جور نوعلاری واردیر. بونا گؤره کی بیز ایرانلی لار قدیم چاغلاردان عطیرلی گوله بازیق ، عطیرلی رازقی گولون چوخ به یه نیب بئجه ردیریک.
بو گول ، ایستی و شئهلی یئرده یاخشی ایشله ر. آنجاق گولداندا ساخلاماق ایسته سه ک گره کدیر گونه وه ر و ایستی هاوادا ساخلاییب ، سو وئرمکده دقّت ائده ک. اؤلکه میزین گونئی یئرلرینده بو گولو باغچادادا اکیرلر آمما آذربایجان کیمی سه رین یئرده ، تکجه گولداندا ساخلاماق مومکوندور.
رازقی گولونون گولدان تورپاغی گره کدیر آهک لی زادلاردان بوش اولسون. بو گول آهک لی تورپاقدا ایشله مه ز .
ایسته سه ک بو گولون گولدان تورپاغی لاپ یاخشی اولسون بئله قاتاریق:
– اوچ بؤلوم مئشه ده تؤره نن یارپاق تورپاغی
– ایکی بؤلوم یویولموش و نارین قوم
– بیر بؤلوم باغچا تورپاغی
گولدانین تورپاغی بئله جه قاتیشیلیب اکیلسه ده ، رازقی بوته سی گوله دولان چاغدا دیبینه کود وئرمه ک داهادا گولون گؤزه للیگینه آرتیرار.
بو گول اوچون لاپ یاخشی « کود » قویون قیغی دیر. قویونون قیغین سودا ایسلادین قاریشدیراندان سونرا اوچ قاشیق گولدانین دیبینه تؤکون!
بو کودو اله یئتیرمه ک چتین اولسا ، گول ساتانلاردان سولو کود آلیب یازین اورتاسیندان باشلاییب ، هر ایکی هفته دن بیر ، بیر قاشیق سویا قاتیب ، گولدانین دیبینه تؤکون!
گولدان تورپاغی قورودوقجا اونو سووارماق لازیمدیر آمما یاخشیدیر یایدا گونده بیر دؤنه سو وئریلسین .
بو گولو ، پیل وورماقلادا چوخالتماق اولار:
پیل لری یازین ایلک چاغیندا ، گؤزلری ایشله مه میش ایکی ایللیک قوللاردان کی قاباقجا گوله گئده ردیلر ، که سه رلر. سونرا اونلاری بیر هفته کنف تَلیسده یا پارچا آراسیندا شئهلی ساخلارلار. بیر هفته دن سونرا پیل لر خیردالاییب ، قوملو گولدانلاردا اکه رلر. اوچ دؤرد هفته دن آچمیش ، پیل لر کؤتوک باغلایاندان سونرا ، تورپاقلی گولدانا کئچیردَه رلر.
قایناق: اینترنت/ چئویره ن: الف. عظیمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
سامانه پیامکی
آذربایجانین گوزه للیک لری
پیگیری وعده مسئولان
تصویر روز