روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۹
روزنامه ساقی آذربایجان
تبلیغات
آمار بازدید
  • 0
  • 309
  • 814
  • 1,336,045
رحمتلیک اوستاد یحیی شیدا

آذربایجانین گؤرکملی قوجامان شاعیر، ادیب و یازیچی سی، یحیی شیدا ۷۰ ایل ادبی ایشلرله آذربایجان دیلینی دیری ساخلامیش و هئچ زامان شاه رژیمی نین بوغونتو و سیخینیتی سی اونو سوسدورا بیلمه میشدیر. یحیی شیدا ۱۳۰۳ ایلینده تبریزده آنادان اولوب، تبریزده تحصیل آلمیش و عؤمرونون گنج ایللرینده شئعر یازماغا اوز گتیرمیشدیر.
شیدانین «آی ساری کؤینک» شئعری دیللر ازبری اولوب و خالقیمیزین شاه رژیمینده اولان دورومونو تصویره چکمیشدیر:
آی خسته قوش! آواره گزیرسن بو دیاری
یحیی شیدانین ادبی فعالیتی چوخ گوجلو و اوزون مدتلی اولموش. شیدا اونلارجا شاعیرین شئعر دفترلرینه اؤن سؤز یازمیش، شئعرلرینی بیر دیل صرافی تک آراشدیرمیش، اینجه له میش و یول گؤسترمیشدیر. هئچ کیم شیدا قده ر معاصر شئعریمیز له تانیش دئییل. شاعیرلریمیزین شئعر دفترلری اوستاد شیدانین اؤن سؤزلریله بزه نیر. اونون اوچ جیلد لیک «ادبیات اوجاغی» کیتابی، چاغداش ادبییاتیمیزدا اؤنملی و ده یرلی بیر اثردیر. بؤیوک ادیب، بو اثری حاضیرلاماغا ایللر بویو زحمت چکیب و یوزلرجه چاغداش شاعیرلریمیزله علاقه باغلاییب، شئعرلرینی اله گتیریب، و اوچ جیلد لیک کیتابدا توپلاییبدیر. بو اثرین ایلک جیلدی ۱۳۶۴ جی ایلده چاپدان بوراخیلدی.
شیدا بو اثرین اؤن سؤزونده بئله یازیر: «ایللر بویو، دیل ستمی، آذربایجان ادبییاتیندا تهلکه لی فاجیعه لر یاراتدی. آذربایجان دیلی، زنگین و قایدالی بیر دیل اولدوغو حالدا «لهجه» آدلانیب، بیر عده مزدور و شووینیست لر طرفیندن بو محتشم دیارین آدی «عضو فلج» و دیلی ایسه «موغول تورتؤکونتوسو» و بعضاً ده «عثمانلی تیلیفی» عنوانین اؤزونه آلمیش ایدی.
ایندی یه دک فارسی دیلینده یازان شاعیرلر ایچون مختلف تذکره لر یازیلیب و شئعرلریندن چئشیدلی اؤرنک لر گتیرمیشلر. آنجاق تورکو یازان شاعیرلره چاتاندا ایسته ر ـ ایسته مز بیر سطیرده کی: «فلان شاعیر تورکو دیلینده اؤز اثرلرین یارادیب» کیفایتلنمیشدیر لر و بو زامانا دک بیر تذکره ده تورکو یازان شاعیرلره تخصیص اولمامیش و چوخلاری نین آدی، حتی اثرلری ایتیب ـ باتمیشدیر».
نهایت شیدا اسلامی اینقیلابدان سونرا یارانان امکانلارا آرخالاناراق سینان قلم لر، قاپانمیش و سکوته دالمیش دیللرین آچیلماسینی گؤره رک دوغما دیللرینده یازان شاعیرلره مئیدان آچیر و شئعرلرینی توپلاییب چاپا تاپشیریر. ائلیمیزه تحفه وئره ن اوچ جیلد لیک «ادبیات اوجاغی» اثری، بیر طرفدن گنج شاعیرلریمیزه ایمکان یارادیب، بیر طرفدن ائلیمیزین باشینی خالقلار ایچینده قالدیریبدیر. بئله بیر همته عشق اولسون.
شیدانین دیلی ساده، اودلو و گؤزه ل دیر. شیدا اؤزو بیر شاعیر اولاراق، شئعری ده یاخشی تانیییر. شاعیرلرین دیلینی ده تئز اؤیره نیر و هنرلرینی یاخشی تنقید ائده بیلیر. بوگون یوزلرجه شاعیرلریمیز، «شیدا» نین اؤن سؤزونو اؤز اثرلرینده بؤیوک «ده یر» ساناراق گووه نیرلر.
بونلاردان علاوه «مهد آزادی» درگی سینده ایللر بویو دیلیمیزی و شئعریمیزی جانلی ساخلایاراق، دیلیمیزه بؤیوک خدمت لر گؤسترمیشدیر. اینانیریق کی خالقیمیز بئله صمیمی شاعیرلرینی و ادیب لرینی اونوتمایاجاقدیر.
م. کریمی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز