روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۱
روزنامه ساقی آذربایجان
تبلیغات
آمار بازدید
  • 0
  • 724
  • 779
  • 1,330,236
رسام و شاعر

یعنی مثلا :
گلی – بلبلی , آجیغی- سئوگینی تعریف ائلمک دن ساوای نه ائتمه لی و نه اولمالیدر و هابئله اجتماعی و انسانی خصوصدادا نه جوره وظیفه لردن آسیلیدر و ملی جهتلرده موقعیتی و دورومی نه دیر ؟
بیلدیگیمیز کیمی شاعر , او کیمسیه دییه رلر کی شعور صاحبی و حساسدیر , او هر بیر تاثیرین آلتیندا اولدوغو حالدا و تاثیرلره بولاشدیغی حالدا , حتی تاثیر لرین ئوزونه ده تاثیر قویمالیدر , و بو فلسفی و عینی باخیمدان تاثیر مشترک و متقابل آدلی بیر حقیقتدر , یوخسا شاعر اوچون شعور و حساسلیق آدی یاراشماز .
بوتون بونلار ایله بئله , اوزون تاریخلر بویی یوزلر و مینلرجه شاعرلرین یاراتدیغلاری دیوانلار و ادبیات , نه دنسه بیر تاثیرلرین قارشیسیندا – یالنیز تاثیر آلیب و حل اولوبلار بونی لاپ آیدین آچیقلاماق اوچون گرک دئمک کی اونلار هر بیر مکان و زماندا مکانین و زمانین رنگین دینمز سویله مز ئوزلرینه آلیبلار و مکانین و زمانین حاکملری هر نه بویوروب و هر نه ایسته ییب او اولوبلار و بو اردمسیزلیگین ئونونده , فلسفه لری و ئوگوتلری یالنیز بو اولوب کی گوردون هامی کور سنده کور .
لاکن بیرحساس و دوزگون شاعر اوچون بوندان آغیر و آجی فلسفه اولابیلمز کی گوزی اولا اولا ئوزون کورلوغا وورسون و کور پیشیکلر کیمی سوفرالار باشیندا قابلار دیبی یالاسین , ئوزگه لرین شعور مدعلرینین یوزلر و مینلرجه دیوان کتابلارین اوخویاندا و دریندن آراشدیراندا و سونرا اونلارین شاعر آدلی شخصیتلرین و هابئله یاراتدیغلارین اله ینده , قولایجا گورونورکی ؛ یوزده دوقسان بو دیوانلار بو شعر و غزل کتابلاری باشدان باشا چورک و مقام و شهرت اوچون قوشولوب و باشدان باشا مدح و تعریف و هابئله تکراری و مبتذل , و سون باشدا ایگرنمه لیدیرلر.
بونا گوره دیر کی شاعرین مقامی , گرک آیدین و درین دوشونولسون و هر بیر , بئش اوچ کتاب جیزما قره ائده نه گرکمز کی شاعر دئییلسین .
و اما ,شاعر یالنیز گوزگی و یا آئینه دگیل , و تکجه عینی حادثه نی و اولایلاری گوسترن دگیل , یعنی شاعر فقط او کیمسه دگیل کی آئینه کیمی مقابلده دوشن اتفاقی ئوزونده گوسترسین بلکه شاعر , عکس آلیب عکس وئرمه لیدیر , یعنی تاثیر آلیب تاثیر قویمالیدیر و یا حقی دوشونوب و اونی یاییمالیدیر .
و ها بئله کولار ایچینده ایشیق و نور یاییلمالیدیر و کورلوغا سون قویمالیدیر گوزی اولا اولا ئوزون کورلوغا ووران شاعر یا یالتاقدیر و یا شعورسوز. چونکی هر حالدا هئچ بیر شعور صاحبی و حق شاعری بئلنچیلیک اولا بیلمز.
شاعر , انساندا اولان شعوری و آنلاغی بئجردیر اونی ایره لی اولاراق پارلادیر و قارانلیقلاری بیچیر , ایشیقلاری یاییر و هر گون گورونن گولی – بلبلی , باغی – باغچانی , انسانی – حیوانی یئنیدن گوستریر و یئنیدن تانیش ائدیر.
شاعر , یاخشی – پیسی , حقی – حقسیزلیگی ئوز شعری ایله آریدیر و سونرا اوخویانی اوچون یول آیریر , اونا یولچی اولور و یولی اوچون ایشیق بیر چراغ اولور , و هابئله اونا بویوک و پارلاق بیر شخصیت و اردم وئریر.
شاعر , شعور صاحبی اولدوغونا گوره , انسانلار سیراسیندا دورور. حق یولوندا چالیشیر. اسیرلرین و مظلوملارین یانین ساخلاییر. اونلاردان دفاع ائدیر و بونی ئوزونه وظیفه و شرف بیلیر.
شاعر , پول و شهرت اوچون شعر دئمیر. کتابلار قارالامیر. او یالنیز انسانلیق وظیفه سینه و ئوز وجدانینا , ملی و اجتماعی عاطفه سینه دوزگون سس وئرمک اوچون و ئوز گوجی ایله چالیشیر. آنجاق بونی گرک بیلمک کی بو ایشلر چوخدا آسان یوخ بلکه هردن اولورکی لاپدا چتین و لاپدا قورخولی اولا بیلر. چونکی مظلومدان دفاع ائدن بیر کیمسه ایستر – ایستمز ظالم ایله و ییرتیجیلارایله قارشیلاشاجاقدیر کی بو ئوزی چوخ کیشیلیک و انسانلیق ایستیر. هئچ بیر زمان و دوره یوخدیر کی شاعر اوچون چتینلیکلر و سیخینتیلار و بوغونتولار اولماسین. هابئله قارانلیقلار – و دومانلار اونی چولقاماسین و یا قارا بولوتلاری اونا یالان و تهمت یاغیشلارین یاغدیرماسین , بونلاردان باشقا , شاعر گرک بیلسین کی ظالمدن و دشمندن سوای سعادتی اوغروندا جالیشدیغی بیر خلقین و ملتین هردن بیر ئوزلری بیلمه دن آجی آجی سوزلرین ائشیتسین گولونجه قویولسون , اردیجا مین جوره سوزلر دئیلسین و حتی بعضیلری آلداناراق اونی داشا باسسین . تبریزلی علی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز