روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۸/۲۷
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 224
  • بازدید دیروز: 1,580
  • کل بازدید ها: 874,006
رشوَت

یاغیش گؤز آچماغا امان وئرمیردی. قاپینی آچار_آچماز اؤزومو تپدیم چؤره‌کخانایا. زولاق-زولاق یاغمور دنه‌لری سیر -صیفاتیمدان اوزو آشاغی دیغیرلانیردی. اوستو باشیم جوم-جولوق سوایدی. ایکی نفر نؤبه‌ده آیدی.
– قارداش سیزدن ساوایی کیمسه نؤبه‌ده وارمی؟- دئیه سوردوم.
– یوخ .
– امما خمیرین ده آخیری‌دیر چاتا چاتمایا!- شاطیر سسلندی.
اوست- باشیمی‌ سهمانلاییب یئمکدن اومید
یاخشی دئییب، گؤزله‌دیم.
گؤیون گورولتوسی شیمشکین شاققیلتیسی
خیاوانداکی آداملاری دا توز- تورپاق کیمی‌
تمیزله‌میشـــدی؛ قیی وورســـــایدین قولاق
توتولاردی. نؤبه منه چاتمیشدی.
ایچری بیرنفر ده گیردی. شه‌وه
ســـــاققالینی تومارلاییب،
گـؤز-قاش آتیب ایهاملا
نسه شاطیرا آنلاتدی.
منســـه هله شیـــــدیرغی
یاغــان یاغیشی دوشونوردوم. چؤره‌ک
حاضیر اولدوقدا شاطیر چوره‌گی گؤز-
قاش آتان اوغلانا اوزاتدی. سسلندیم:
– شاطیر قارداش! نؤبه منیمدیر.
شاطیر سایمازیانا: او سندن قاباق نؤبه توتموشدی- دئیه پئشخاندان اوزاقلاشدی. بیر آن قان کلله‌مه ووردو. حیرصیم نفسیمی‌کسمه‌ده ایدی. چؤره‌کخانانین کونجینده‌کی دمیر پارچاسی سانکی هیر-هیر اوزومه هیریلداماقدا ایدی. بیردن سحرچاغی عدلیه ده کی قولو قانداللی گنج یادیما دوشدو. ‌یاناشی اگله‌شن کیشی‌دن گوناهینی سوروشدوم شیکایتلندی:
– قارداش میللت‌ هارینلاییب، قودوز ایت کیمی‌دیر. بیلینمیر کیم کیمی‌توتور.
بیرآز نفسینی دردی:
– تاکسی شوفیری‌دیر.‌هانسی‌سا حالال سوت اممیشی بونون نؤبه‌سینه گیریب موسافیرینی چالماق ایسته‌ییب.
سونرا سؤزونه بیرآز ایستهزا قاتدی، خیسین خیسین گولومسه دی:
– بودا نه قویوب نه ده گؤتوروب؛ همن حالال سوت اممیشی عمللی باشلی ازیشدیریب. کوپک اوغلو ائله بیل ایکی موسافیرین اؤلوسو ایمیش… بیرآز سویوق سو ایچر، آغلی باشینا گلر.
سانکی یوخودا ایدیم اوستومه سو چیله‌دیلر. هوشوم باشیما گلدی. دیلیمی‌دیشیمه توتوب، یاغیشی سایمادان ائوه یوللاندیم.
ائوده‌کیلر منی چؤره‌کسیز گؤرنده میزیلدادیلار. من ده الله‌دان اَیری گؤز ایسته‌ین کور آدام کیمی‌بوتون حیرصیمی اونلارین اوستونه بوشالتدیم. بیرآز کئچدی. داها آتش‌بس باشلامیشدی. هره بیریاندا میسیب، اؤزویله مشغول ایدی. گوشیمی‌اله آلیب، سانال دونیادا بوگون گلن مئساژلاری اوخوماغا باشلادیم. گئجه تانینمیش بیر یازاردان پایلاشدیغیم یازی‌یا گوروپداشلارین فیکرینی بیلمک ایسته‌دیم. اصلینه بو یوللا اؤزومو اووتماق ایسته‌ییردیم مئساژلارین یاریدان چوخونو آلت- اوست ائله‌دیم؛ بیرشئی چیخمادی. بیرآز اؤزومه گلدیکده دوشوندوم: -نه کی یازمالیدیلار. من کی یازاری دئییلدیم؛ نه گؤزله‌مه‌لیدیم
کی! – دئییب اؤزومه تسکینلیک وئردیم.
داها یاواش یاواش راحاتلانیردیم. مئساژلاری اوخوماغا داوام ائتدیم. بیر نئچه مئساژ اوخوموشدوم کی منیم مئساژیمی‌ تانینمیش بیر گورپداش فوروارد ائتمیشدی. گولله‌سی هدفه ده‌ین آدام کیمی‌ بیرآز هوسلندیم. مئساژلاری یئنی‌دن اوخوماغا باشلادیم. چیچک‌لر قوجاق- قوجاق دوزولموشدو بو پایلاشمانین آلتیندا. تعریف‌لر یاغیش کیمی
‌یاغیردی.‌هامی‌یاشا، لایــــــــک، نه گؤزل
پایلاشما-دئیه باغیریردی. سحر تئزدن راست گلدیگیم اولایلار بیر- بیر گؤزومون اؤنونده رئژه گئتمه‌یه باشلادیلار. باشیــما سانکی بیر
قازان قاینار سو تؤکولدو. گوشینی
بیر طرفه توللاییب، یاتاغیمـــا
گیردیم. دوشوندوم: بلکـــه
یاتسام احوالیم بیرآز دوزه‌له؛
آنجاق ایلان ووران یاتار من
یاتمارام. یاتاقدا نه قــده‌ر او
اوز- بو اوزه چویــدومسا، گؤزومه یوخو
گلـــــمه‌دی. ســــانکی یوخودا روشوت
ایسته‌ییردی… ع. یالچین

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز