روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۵
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 332
  • بازدید دیروز: 1,581
  • کل بازدید ها: 830,982
زنگاندا تولوق اوخشامالارى

آذربایجانین مدنی ـ فیکری تاریخی ان اسکی عصرلردن باشلامیش بو گونه قده‌ر یاشاییشینا داوام وئریب.
تاریخ بویونجا آذربایجاندا یاشایان تورکلرین دوغال احساس، آیدین دوشونجه و کوتله‌وی حیات تجربه‌لری بوردا جانلاناراق اؤز قاینار باجاریقلاریندان باش توتوب سنه‌لری آرخادا قویوب بیزیم الیمیزه چاتان مدنی- فیکری بؤلوملردن بیریده تولوق اوخشامالاری اولموشدور.
فولکلور فضالاریمیزا بیر باخیش سالاراق،آذربایجان آغیز ادبیاتیندا دولانان تولوق اوخشامالارى اسکى زامانلاردان دیل به دیل _ سینه به سینه دولانمیشسا ایندیسه اونلارین یئرى بیزیم ادبیاتیمیزین باغریندا بوشدور.
دئمه لى بو یئرین بوش اولماسى منه آغیر گله رک نییتیم بو اولدو کى بو اوخشامالارى بیر یئره توپلایام.
خاتینلارین و قوجا ننه و گلین لرین تولوق اوخشاماسیندان آماجلارى دئمک ده تولوغون آیرانی و کره سى نین برکت لى اولماغى ایمیش.
اشاغى دا گلن تولوق اوخشامالارى زنگان ماحالیندا ٩٣ کند دن ٩آى ١٣ گونده ١٢٧ ساى دا توپلانیب.
ایندیسه نئچه ساى بو اوخشامالاردان باخیشلارینیزا اتحاف ائدیرم.
تولــوغوم چالخان یاغ اولسون
کـــره سى قــایمــاغ اولســون
اؤزگــه یـئــســه درد یئـســین
یولداش یئــسه چـــاغ اولسون
***
تولوغــوم جانیـــن درى دیـر
ســنى چالخــایان پــــرى دیر
قاپـــى ســـســى گــلـــیــرى
قــاپــى دالـیــنـــدا ارى دیــر
***
تـــولوغوم ایچین توخ گومان
سنه تـــاى تولوق یوخ گومان
بیــر ائــل قونـاق گـلمــــه لى
آیــران کــره ن چوخ گومان
***
تولوغـوم ائللــــردن گلیر
دورنـا گؤل‌لــــردن گلـیر
سنى چالخایان قـیــزگلین
سسى ائــولـردن گــلیــر
***
تولوغوم چالخان گرک دن
سالــما منى چــــؤرک دن
ال دستامــازلى ایــــــندى
آسیرام سـنــى دیـرک دن
***
بو داغین سـره سى دادلى
آشى نیــن تره سى دادلى
تولوغون ایچینــده آیران
یئمه یه کره ســى دادلى
***
کؤووسوم دو یایمــاق اولماز
برکــت دى سـایماق اولـماز
بئله تامـلى دیـــــر کره سى
یئمــه یى ایله دویماق اولماز
***
سود دیبی تولوق دیبی
قوربانین اولسون بی بی
ســــود یالا قایماق یالا
قــوربانین اولسون خالا
***
تولـــوق سنی آسایدیم
یاغــــلى تاسا باسایدیم
اوغلـوم بؤیوک اولاندا
قیلپـــى قازان آسایدیم
***
حــــرده حرده تولوغوم
ایپـــــک پرده تولوغوم
هرکیم سنی ایسته مه سه
دوشسون درده تولوغوم
***
تولوغــوم گـــلیر ائــلردن
باشــینا سانجــیب گـولردن
تولوغومو حاق ساخلاسین
یامـــان گوز یامان دیلردن
***
هشــتی هوشتی تولوغوم
اوبا کوچــــدو تولوغوم
بئى لـــــر بیزه قوناق دیر
دولـدور تشدی تولوغوم
***
خوشـــــو خوشو تولوغوم
خوش گونـــــودو چوبانین
یاستی یاستی گــــــــَوَن لر
دوشــــــه گی دیر چوبانین
گؤی ده کی گوی بولوتلار
یـــــــــورقانی دیر چوبانین
لاپ بالا بــالا قیـــــــخلار
یئمیشی دیر چــــــــوبانین
الین دکی چـــــــــونباغی
تفنگیـــــــــــدیر چوبانین
یانیـــــــنداکی بوز کوپک
باباسیــــــــــــدیر چوبانین
بهزادبیات فرد
(حسرت زنگانلى)

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز