زنیـان نـه دیـــر؟

زنیان یا زینیان – عربجه ده « انیسون بری » دئییلیر ، بیر نوع اوت بیتگی لردندیر. بیر ایللیک دیر و اوجالیغی دوخسان سانتیمئتره دک چاتیر.
یارپاقلاری نین کسیک لیگی و یاریقلاری چوخدور و چوخ نازیک و یوموشاق دیر.
گوللری کیچیک ، آغ رنگده و چتیر صورتینده ، شاخه لرین باشیندا قرار تاپیبدیر.
بیتگی نین فایدالی یئری میوه لری ( توخومو ) دیر. بو میوه لر کیچیک ، بیضی شکیلینده، قهوه ای رنگه چالمیش ساری رنگده و کهلیک اوتو کیمی عطیرلی دیر. میوه لری نین اوستونده بئش خط واردیر کی میوه نین اؤزوندن ایشیقلی دیرلار.
بو بیتگی اؤز خودونا ، هندوستان ، ایران و مصر اؤلکه لرینده بیتیر و بو یئرلرین هاواسینا یاخین اولان یئرلرده ده بئجه ریلیر.
بو بیتگی ایرانین اؤلکه سینده ، چوخلو سیستان و بلوچستان دا، آذربایجان دا ، اصفهاندا، خوزستاندا، فارس دا، کرماندا و خوراساندا بیتیر.
زینیان، قدیم چاغلاردان ادویه عنوانیندا ساخلانیب و فایدا یئتیریر.
بو بیتگی نین ده یه رلی خاصیت و فایدالاریندان بونلارا اشاره اولوبدور: – تورشی لاردا، بیسکویت ده و باشقا یئمه لی لرده بوندان دا فایدالانارلار.
– بو بیتگی صابین و عطیر دوزه لتمه کده ایشه گلیر.
– هندوستان اؤلکه سینده بونون اسانسیندان « آجوان اُیل » آدیندا ، گوجلو میکروب اؤلدوره ن عنوانیندا فایدالانیرلار.
– ده ری نین قارچ ناخوشلوغو اوچون فایدادیر.
– بو بیتگی نین میوه سیندن چیخان رایحه دن آغیز یووان موادلاردا و دیش خمیرلرینده فایدالانارلار.
– میغمیغا و حشره نین دوشمانی دیر.
– زینیانین حاصیل لاری بازاردا پوماد، پودر، لوسیون و محلول حالتینده ساتیلیر.
– زینیانین توخومو بعضی میکروبلاری آرادان آپارماق اوچون یاردیمدیر: او جومله دن ، سالمونلا تیفوزا، میکروسپوریوم پیوژنز و اشرشیا کلی تکی میکروبلاری آرادان آپارار.
– بو بیتگی دن بعضی ناخوشلوقلاری درمان ائتمه ک اوچون فایدالانارلار مثال اوچون: آغ جییه ر ناخوشلوغو، روماتیسم آغریسی، سویوق دَیمه ک ، قیزیشما، اؤسگوره ک ، « یبوست » ناخوشلوغو.
– بو بیتگی جنسی گوجو چوخالداندیر، کؤپو آرادان آپارار، آسم اوچون درمان دیر، پئشابا آپاراندیر، خلط گتیرن دیر.
نئجه ایشلتمه ک: توز ( پودر ) = اوچ گرم دن آلتی گرم قده ریجه ، بو بیتگی نین توخوملاری نین اوغولموشون ( اونون ) ، غذالاردا ایشلتمه ک اولار.
قورو عصاره = زینیانین قورو عصاره لریندن ، گونده یوز ییرمی بئش میلی گرم ایشلتمه ک اولار.
سولو عصاره ( تنتور)= بو سولو عصاره دن گونده آلتی میلی لیتر ایشلتمه ک اولار.
قایناق: اینترنت / تبیان
چئویره ن: الف.عظیمی

دیدگاه بگذارید

avatar
  Subscribe  
باخبر شدن از