اوزون بیر سوره، اکین- بیچین- خرمن ایشلرینی سوْودوق- سوْووردوق- بیتیردیک. باشیمیز ایش- گوجدن آیینیدیقدا، بیرینجی گون، خانیم‌لا، دیز- دیزه، اوْتوروب چایلاشاراق، خانیم، اللرینی گؤستره رکن، دئدی: قیرخ- قیرخ‌بئش گون، چالیشدیق- ووروشدوق، آتدیق- دوتدوق، قاچدیق- دوردوق…، لاپ! بئیله، یالان یئره، بوْشو- بوْشونا. گئت بیر گوزگویه باخ…، فقط، اوز- گؤزوموز قاپ- قارادی…
بیلمیره م، نه‌ تهه ر اوْلدو، بیردن- بیره، شاعیرلیگیم دوتدو!، یئپ- یئکه بیر سؤز دئمک ایسته‌دیم، دئدیم: اوزوموز قارالیب کی قارالیب…، آدامین اوزو قارا اوْلماسین…!
خانیم، اللری‌‌ایله، منه قاراما چیخاراراق!، بویوردو: آلا…!، من کی، بیلمه‌دیم نه دئدین،هئچ، اؤزون، بیلدین، نه بویوردون…!؟
دئدیم: سؤزون دوزو!، هئچ، اؤزوم ده بیلمه‌دیم، نه دئدیم…
یازان: منوچهر فضلی‌خلف«آزرائللی»