روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۹/۱۸
روزنامه ساقی آذربایجان
سئرچه و داغ سیچانی

باهارین سون نفسی یله وداع لاشیردی دوغما طبیعت ، منه ائله گلیردی کی داغلارین کیرپیک لری یاشالمیش ؛ آنجاق دوماندان ساغیلان سیرریلی نارین داملالارا شئح دئییردی لر .
کهر آتین یال – قویروغونون توکونو بیر کلک له توپ -توپ سیخیلمیش آلچاق بوی قوجا آلچا کولونون چئوره سینه کیم کسیب سپه له دیسی زامانی یله بللی دئییل ایدی .
زامانلارین گئدیشاتیندا اسن یئللر کهر آتین کسیلن ساچلاریندان(یالیندان) دوگونلو – دوگونلو جله لر هؤرموشدو !
بیر داغ سیچانی ائوینی – یوواسینی همان توکلرین جله لی اورتالیغیندا امین – آمان یاپمیشدی ، بو ایش اونون اوچون هر اطرافلی قازانیردی ؛ او توکلر له ائو – ائشیگینی مبلمان قیلمیشدی تا کی کؤرپه بالالاری صاباحلارینا دینج – دینج گؤز آچسینلار ، بیرده کی قان قادالی قیرقیلار و ستم دیمدیکلی سئرچه لر اونون کؤرپه بالالارینی حیات اوفوقوندا هلاک قیلماسینلار .
داغ سیچانی یئنیجه بالالامیشدیر ، اونون لوم لوت بالالارینین گؤزلری هله آچیلمامیشدیر .
او داغ سیچانی هانسی بیر سئودا و هوسله بالالارینا سود وئردیسی ، منیم حس لریمدن داها اوزاق و غریب اولا بیلیردی ! …
کیلکه میش توم توپ قوجا آلچا کولو کلگین باغرینا ائله دوغما – دوغما سیخینمیشدیر کی فصیللرین شاختالی کولکلری اونون جانینا آجی نئشتر یئریده بیلمیردی !
همن او آلچا کولونون باغرینین اورتاسیندا بیر سئرچه یووا باغلامیشدیر ، آلچا کولونون نارین بوداقلاری و تیکانلاری ائله کیپ کیپ کیپه لمیشدی کی، هئچ بیر قیرقی و هئچ چالیجی ایلان او سئرچه نین یوواسینا یول تاپا بیلمیردی .
سئرچه نین بالالاری یئنیجه یومورتادان چیخمیشدیلار ، بلکه ده سیچانین بالالارییلا بیر گونده حیات قوخوسونو آلاراق دونیایا گلمیشدیرلر ، آخی اونلاردا لوم لوت اولاراق کؤینک سیز ایدیلر و گؤزلری هله آچیلمامیشدی .
او سئرچه هاردانسا بالالارینا یئمه ک داشییردی ، او هر دؤنه کی آغزیندا خوخولجان یا ها بئله قورد و … یله یوواسینین دووارینا قونوردو ، اونون بالالارینین هر بئشی ده لوت بویونلارینی یوخاری اوزاداراق آغیزلارینی گئن – گئن آچیردیلار تا کی آنالاری اونلارا سود یؤخ ، بلکه یوموشاق – یوموشاق یئمه کلردن یئدیرتسین!
آنا سئرچه یئمه ک داشیماقدان یورولموردو ؛ او، قونشولوق حورمتینی قورومادان سیچانین یوواسینا گؤزلرینی ائله زیللامیشدی کی یازیق سیچانین اوره یی اوزولوردو !
آنا سئرچه بیر باش قیلینجینی یازیق سیچانین اهل – عیالینین اوستونه چکه ، اونون یوواسینا هیجوم قیلدی !
آنا سیچان یوواسینین آغزیندا آغزینی گؤیه دوغرو آچیب – یوما ، اوره یی قورخا – قورخا بالالارینین پرستارلیغینا دؤنوبن اونلاری قوینونون سقفی آلتینا آلدی !
آنا سئرچه سیچانین یوواسینین آغزیندا جیک – چیغیرلی چیرپینیردی کی ، اونون آیاغینین بیریسی جله یه گئچدی !… اولسون کی قانادلاری آزاد و سربست ایدی ، آنجاق آیاق باغلی اولورسا آزاد قاناد اوچا بیلمز !
آنا سئرچه قصدیندن دؤنه ، قورتولوشونا جهد قیلدی ، هارایلارینی آسمانلارا بوراخدی ؛
او هر دؤنه چیغیردیقجا بالالاری یئمه ک قصدی ایله آغیزلارینی گؤیه آچیردیلار ! … آنجاق آتالار دئمیشکن : « گئچی جان هاییندا ، قصابین کؤنلو پی آختاریر » .
سئرچه اؤز جانینین هاییندایدیر ، دویغولارا ائله سیزیردی کی آنا سئرچه پام پاک بالالارینی اونوتموش اولسون !
آنا سئرچه بلکه آنا سیچانا یالوارییردی کی کؤرپه بالالارینا خاطیر اونو او تهلکه دن قورتارسین !…
قورخولار آنا سئرچه نی اطرافلی قرارلاییردی کی ، ناگاه بیر بوز ایلان کله یین جیریغیندان باشینی قووزایاراق آنا سئرچه نین شیکارینا اندیشه له ندی !
بیر چالیجی قیرقی ایسه گؤی اوزره دولاناراق آنا سئرچه نین سسلرینه هدف لرینی گئتدی !
قیرقی گؤی اوزوندن ، ایلان ایسه یئردن آنا سئرچه یه هیجوم قرارینا گلیردیلر ؛ آنا سیچان قیرقی یلا ایلاندان خبرسیز سئرچه نی یان قیلماق قرارینا دورموشدو ؛ جله لری کسگین دیشلری ایله چئینه ییب بیر بیر آچیردی ، اولسون کی آنا سئرچه ایلان لا قیرقیدن قورخوردو ، آنجاق آنا سیچان اونلارین هر اوچوندن قورخوردو ،امما او ایکی دوشماندان خبرسیز ییدی !…
آنا سیچان جانینا ال قاتیب آنا سئرچه نین آیاغینا باغلی اولان جله نی چئینه ییب آچاراق اونو قادا – بلادان قورتاردی !….
آنا سئرچه قورتوراراق اوچوب گئتدی یوواسینین سرچینینه قونوب دینجه لدی ،آنا سیچان ایسه یوواسینا دؤنوب – دؤنمو یه ، ایلانین زهرلی دیش لرینین اورتاسیندا سیخیلیب جان وئردی !!!….
آنا سئرچه هئچده اونون یاردیمی قرارینا قاناد چالمادی ! … او بلکه اؤز خیلاصلیی سئوینچینه دینج – دینج نفسلرینی ده ردی !
آنا سیچان جانینی بالالارینا قوربان وئرمیشدی ! زامان دورمادان اؤز یولونو توتوب گئدیردی !
ائله نچی بیر دورومدا ایلان گؤی اوزره قانادلانان
قارانقوشو دویاراق اؤز یوواسینا دؤندو ، قیرقی ایسه پروازلارینی اوزاقلارا آپاردی ؛ یالنیز قالمیشدی سیچانین یئتیم بالالاری بیرده کی بالالی سئرچه !….
آنا سیچانین یوواسینین اطرافیندا اولان جله لرین دوگونو آچیلمیشدی ، سئرچه نین دویغولاری ایله نفَسی اورتالیغیندا بیر ظفر و بیر خطر طوفانلانیردی ؛ آنا سئرچه داها سس سیزجه سینه سیچانین یوواسینا دؤنه ،هئچ بیر قوروق ایله قارشی – قارشی اولمادان سیچانین یئتیم بالالارینی دیمدیگینه آلاراق اؤز بالالارینین آج قورساغی اوچون اونلاری بیر -بیر هلاک ائده حیاتلارینا سون بیتیردی و دیدیب بالالارینا یئدیرتدی!!!….
آتالار دئمیشکن : « قاری دوشمان دوست اولماز » .
بلکه ده اوچونجو دوشمان آنا سیچانین ارینی داغین بیر بوجاغیندا هلاک قیلاجاق ایدی !….
انصار قره داغلی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز